ياقلبي اي احد لما يتضايق مايطيق نفسه
..لاتعتبي عليه ...
مودة ورحمة

باختصار زوجك ما غلط و انتي زوجته و لازم تتحملين ظروفه
و اذا على طريقته انتي ما ساعدتيه يوم طلب منك نصف المصروف على الاقل بالكلام بس
و هذا هو اعتذر منك وقال الدنيا ما تسوى من غيرك! وش تبين اكثر؟!!

^
^
شوي شوي حبيبتي
لو مااعتذر اكيد بروح لاهلي لانه هو اللي قال ننفصل وكل واحد يروح بطريق
لكن انا اتكلم عن اسلوبه وطريقته لانها مو اول مره وانا مابغاها تتكرر
وانا وش يضمن لي انه بكره ماراح يعيد نفس الاسطوانه يااختي كل الناس عندهاقروض وبلاوي لكن مالها علاقه بالانفصال او بمصروف وغيره

تسلمين حبيبتي
احس انك فاهمتني لان اكثر الردود هجوم

يا اخت
زوجك رجل عظيم من خلال قراتي له من سطورك التي كتبتي
عمر المادة ماتكون سبب للانفصال الا عند الاغبياء انتي ليش ما قلتي مصروفي حلااااااااااااااااالك الله يوفقك واهم شي سعادتكم ,,,

شوفي : والله ان كنتم متفاهمين الى حد ما فالواجب عليكما التضحية الكبيرة

اما مادار بينكما من حوار ننفصل او خذي اغراضك ورجعيها ياما وياااااما صارت ببيوت كثيرة ولكن اذا ابدى الزوج رغبته في ان البيت من دونك ولا شي فلا تكثرين الزن والهم عليه يبدا يفكر ان البيت من دون بيصير كل شي ثم يبدا بينكما الندم وامور لن تخطر لكي على بال

والله يوفقنا وياكم

__________________
شبيت ضوي بالظلام في صحصح ذيبـه عـوى=ما لي أنيس الا النجوم أو نـور وضّـاح القمـر
دورت بالشدة حـزام ولا لقيـت اللـي قوى=يالله دخيلك ما لقيـت اللـي نشـد بـه الظهـر

السلام عليكم ورحمه الله وبركاته

اختي الكريمه باين على وضع زوجك المادي انه متدهور

ولما قالك ليه ما تتنازلين عن نص مصروفك كان ينتظر منك كلمة تفداك الفلوس مابي منها شئ

وانتي الله يهديك زودتيها بأنك قلتي لا ياعيوني مصروفي اول لانه مصروفي ومصروف ولدك وش تبينه يقول خلاص بدبرها من وين ؟

زوجك ما لجأ لك بعد الله الا انك زوجته اللي بتوقف معاه لو انتي موظفه وقالك ادفعي نص الاجار بتقولين لا هذا مسؤوليتك ؟

قدري وضع زوجك المره الماضية باع سيارته وسدد الاجار

السنه هذي وش بيبيع ؟ يتسلف ؟ طيب تسلف من وين بيسدد السلف ؟

بيطارده اللي تسلف منه والاجار الجاي يقرب وما جمع منه شئ

والحل ؟ ماعندي حل الا زوجتي حبيبتي ام ولدي

وصدقيني كلنا يا المتزوجين اننا نصرف من مصروف جيبنا على البيت اذا خلص مصروف البيت



انا اقول لك على اقتراح نفع معاي ومع زوجتي

طلع الراتب من هنا نوزعه على اجار وقرض ومصروف لها ومصروف لي ومصروف للبيت

وما يبقى شئ قسم بالله يخلص واسحب من الاجار 500 احياننا 700 واحياننا 1000

وقلت لها ترا لازم الشهر الجاي مصروفي نوفر نصه ومصروفك نصه

وقاتل وين راحت فلوس الاجار اللي بالبنك مو على اساس ما نصرف منها شئ

قلت هاه على يدك خذي الراتب

ونزل الراتب كامل وسحبته كامل الا حق القرض

وعزلت حق الاجار + مصروفها + حق البيت + مصروفي عطتنياه <<< لاحد يضحك عااادي مسكها المصروف علشان تحس


نطلع لسوق نشتري اغراض للبيت الحساب 550 واقفه تنتظر قلت لها هاتي الفلوس قالت اوووه نسيت احسبك بتحاسب

قلت لا ياماما حاسبي من حق البيت

هاتي 25 ريال بعبي بنزين

هاتي 100 ريال بغير زيت وفلتر

هاتي 15 بطلع ملابسي من المغسله

هاتي 35 حق البقاله

هاتي 8 حق اللبن

هاتي هاتي هاتي حق المطعم حق الحلا

قالت خلاص مابقى شئ للبيت ولا للسياره واعطيك من مصروفي قلت مالي شغل

انتي تقولين بتدبرين حق الاجار وتوفرين ومدري وشو يالله وريني

خلص الشهر وهي دافعه من مصروفها 700 ريال

غير مصاريف الكهرب والماء وفواتير الجوالات

وش يلحق عليه الواحد وش يخلي

والله لو يدرون اهلك انك راجعه علشان هالموضوع ان يردونك له لانك غلطانه صراحه معليش بس انتي غلطانه

جربوا هالطريقه وانتي امسكي المصروف وشوفي وش بيصير فيك والله ما يبقى معاك ولا ريال لا لك ولا لولدك


زوجك دون ما تدرين يحرم نفيه من اشياء كثيره لاجلك انتي يفكر فيك قبل يفكر بنفسه هو ماقالك بنقص مصروفك ومصروفي بلعب فيه وما ينقص

بس هو عاد مصروفه من ضمن مصاريف البيت ومصاريفكم

لانه وش بيصرف ؟؟ أسألك بالله وش بيصرف بيلف الاسواق ؟؟ حده ياكل بالمطعم ب 20 ريال باليوم اذا حدة الظروف

فكري بعقلك قبل لا تفكرين بالفلوس

بكره يسدد قرضه وتضبط اموركم وما ينسى وقفة زوجته حبيبته ام ولده

نصيحه زوجتي وقفت معاي في وقت محنتي

والان لو تطلب عيوني اقولها سمي على صينية من ذهب

والحمد الله الوالد الله يحفظه سكني فوقه بعمارته

وافتكيت من الاجار بس ما انسى وقفتها معاي

مع اننا لنا سنه متزوجين وحرمت نفسها من الملابس والاسواق ومن كل شئ علشاني

الله يحفظها لي ولا يحرمني منها

أختي

من ردودك على الأعضاء ، تبغي الكل يقول معاك حق و إنه زوجك غلطان
و لو استمريتي على أسلوبك الحالي مع زوجك ، فما راح تستمري معاه و لا مع غيره

هذا عن الأسلوب و تقولي أصلا من بداية الزواج متحملة أمور عديدة و ساكتة
و هذا طبع حواء بشكل عام ، ناكرة للعشير

بأقول بشكل عام ، يعني الشيطان يجي و يقول تحملتي و صبرتي ووو إلخ
و تنسى الأيام الحلوة

يعني الرجال قدام عينك باع سيارته و مابقيت معاه فلوس
و مع كذا بيعطيك مصروف ، و أكيد مصروفك و مصروف ولدك بتصرفيه على ملابس و مكياج و كماليات
و إلى آخره

و في الأخير طلب مساعدتك و وقوفك معاه
( تبغيه يروح يسرق ؟؟؟؟؟؟؟؟ و لا يرتشي ؟؟؟؟؟ و لا إيش بالضبط ؟؟؟؟؟؟؟؟؟؟؟ )

كيف لو كان طالب راتبك ؟؟؟؟؟؟؟؟؟؟؟؟

الصراحة ، زوجك رجال و النعم فيه و التهديد اللي قاله ،
قاله لك عشان ( يختبرك ) و يشوف معدنك ؟؟؟؟؟؟؟؟؟؟؟؟؟؟؟؟؟

بيشوف زوجته بتوقف معاه في أزمته و لا مستعدة تتخلى عنه بسهولة و ما تتخلى عن مصروفها
( هذا هو سبب كلامه و تصرفه ، فلا تخليها حجة عشان تتمسكي بمصروفك و تعملي فيها زعل و مادري إيش )


و من ردك الثاني ، إنك تقولي متى بيسددها لي ؟ بعد 4 أو 5 سنوات
يتضح لي و لأغلب الأعضاء ، بإنه تفكيرك مادي جدا و تقبلي ارآئنا بصدر رحب
و يا بخت من بكاني و بكى علي و لا مين ضحكني و ضحك الناس علي

1 - تحبي الفلوس

2 - ما عندك روح للتضحية ، و خاصة إنك شايفته قدام عينك كيف تبهدل المسكين

3 - راسك يابس و لازم تتعلمي المرونة

4 - قلبك قاسي و الدليل إنك حملتيه الغلط فقط و ما طالعتي للجانب الآخر و ما حطيتي له أعذار و لا أعطيتيه كلمة حلوة تسانده و تعينه على مصاعب الحياة ، يعني فوق ماهو مهموم زودتي عليه الهموم

5 - أنانية في التفكير ، و حب الذات ، و الدليل إنك رايحة تشتري غرض أو شغلة معينة
و المسكين يكدح طوال الشهر و يتعب و ما يتهنى بقرش ، كلها تروح على المصاريف ، و بدل ما كنتي رحتي معاه عشان تشتروا الشغلة هذه ، كنت قلتي له وفر فلوسك حياتي و يدي على يدك و نسدد الديون سواء ، و هذا مصروفي مو مشكلة لو نقصت منه على الأقل بس تعدي الفترة هذه

كويس و حلو منه ، إنه قال لك و سألك ، هو دامه موفر لك سكن و أكل
فليس مجبر بإعطائك مصروف

و لو تركتي بيتك ترى ماحد خسران غيرك و هو بيلقى مليون وحدة تقبل فيه و يمكن بعد يلاقي له طبيبة أو موظفة و تعطيه كل راتبها

رجعت

بالنسبة لمشكلتكم الحاليه
هو غلط عليك صحيح بس سوى اللي عليه و اعتذر
ولا تتوقعين انه خلاص نسى غلطك الأساسي وانك خذلتيه في وقت هو محتاجك فيه، صدقيني راح يبقى في باله علطووول انك انانية (كذا يفكرون الرجال) ويذكرك فيها دائما
انتي لازم تروحين له وتفهمينه انه غلط عليك ومايصير يجيب طاري الانفصال ع الطالعة والنازلة و و و ....
وأهم شي تبررين لنفسك (لأن ردك قوي بصراحه) و تقولين له انه لما ناقشك في الموضوع كانت نفسيتك تعبانة
و انك الآن موافقه على طلبه طبعا وانك راح توقفين معاه وتبينين له انك راح تقتصدين عشانه صدقيني راح تكبرين في عينه كثيييييييييير ويشيل الفكرة السيئة عنك ..
ضروري تحاولين اصلا الامور و جبر ما انكسر
لا تاخذك العزة بالااثم ..

جزاكم الله خير على الردود
وانا ماقلت صيروو معاي ووقفو بصفي بالعكس انا طلبت الراي الحكيم سواء معي او ضدي
وانا قلت اني رحت اشتري شغله ماقلت طقم الماس