يمديكي ان شاء الله تولدين بالولاده الثاانيه طبيعي
بس!!!
ضروري تجلسي 3 او 4 سنين عشااان مكاان العمليه تتلم
لان اذا بعد سنه ولا سنتين حملتي لما تصيري بتااسع ولا الثاامن توجعك مكاان العمليه وماتقدري يوم الولاده تخرجي النونو
يعني تتدفي<<<<<تضحكني هالحركه بالولاده

اخت زوجي ولدت بعمليه بعدهاا جلست سنتين ونص ولدتت طبيعي

انا تعسرت ولادتي الدكتوور قااال بعد 10 دقاايق ماولدت نطر نسوي قيصري لان النونو بخطر
ماولت يجهزو غرفة العمليااات
شرف النونو الحمدالله

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

السلام عليكم
انا ولدت بقيصيريه لان البنت كانت على جمب مانزل راسها مع اني الطلق كان حامي وظليت يوم ونص تعبانه وفتح 10س وظليت فالولاده 5 ساعات فالاخير قالولي لازم عمليه كان المفروض من البدايه بس اذا حملت مره ثانيه ان شاء الله بطلب عمليه بدون عوار راس

اهلا شابات

انا خلاص صرت من فريق (القيصرية) ..

أول ولادة .. جاني الطلق لمدة يومين وما انفتح الرحم الا 3 سانتيمتر .. وفي لحظة خفت دقات قلب البيبي كثير وودوني على غرفة العمليات على طوووووول ..

والولادة الثانية .. كنت اتمنى طبيعي بس !!!! آنه حملت بعد سنة وشهر من الولادة الاولى ووقت الولادة كان عمري ابني الأول سنة وعشر شهور بسسسس .. طول فترة الحمل كنت احس بألم مكان حرج العملية وكنت احس (دبتي) كلها تعورني على طول .. وكنت قليل احس بحركة البيبي وكنت اقول يمكن بسبب الألم .. بس في الشهر التاسع تقريبا الأسبوع الأول منه .. رحت عند الطبيبية .. وكان كل شي طبيعي جدا ما عدا ان وزن البيبي ما كان يزيد .. في الأسبوع الثاني اكتشفت الدكتورة ان الماء اللي في بطني ثلاثة اربعائه اختفى .. مع ان ما في شي نزل علي .. بس اختفى هلون بدون سبب .. وبعد وزن البيبي ما زاد هالمرة .. فقالت الدكتورة في خلل والبيبي مو مرتاح حق هلون ما يزيد وزنه ..

المهم (تراها قصه مشوقة والله) .. طلبت مني الدكتورة اعد حركات البيبي واذا كانت اقل من سبع حركات
اني اروح لها على طول .. وطلبت منى اروح لها لمدة ثلاثه ايام عشان تقيس حركة البيبي .. كانت تحط لي الحزام وتقيس الحركة ودقات القلب .. وبس قررت في اليوم الرابع عملية قيصرية ...!!!!!

بس ما خلصت القصة .. لأنهم لما طلعو البيبي من غرفة العمليات (وطبعا انا للحين في العمليات) .. طلعوه بسرعة جدام الأهل وكان عليه اجهزة تنفس وكان يخوف الموضوع .. ولما زوجي سأل قالو ان البيبي تعبان شوي ..

ولما انا قمت من البنج .. طبعا محد قال لي اي شي .. بس بعد ساعة جاتني الطبيبة وطلبت من اهلي يطلعو من الغرفة لأنها تبي تكلمني .. ولما طلعو من الغرفة قامت تبكي !!!! وقامت تعطيني مقدمة ان الله يحبني .. وان امي وابوي راضيين علي .. واني اكيد سويت شي زين عشان جذي الله يحبني !! آنه خفت وكنت منصدمة شنو صاير !!!!

قالت الطبيبة انها يوم تحط الموس عشان تفتح بطني .. من اول ما حطت راس الموس انفتح بطني مثل الزبدة (لاحظو ان في العمليات اللي شفتها يحتاجون جهد كبير) واول ما انفتح طلع شي اسود وكان هالشي راس البيبي !!!!!!!!!!!!!!!!!!!!!!!!!!!!! يعني الله ستر انها ما جرحت راس ابني والله ستر لأنها قالت انها لو اهملتني واجلت العملية يوم واحد بس كان بطني راح ينفجر ويطلع البيبي .. واروح فيها انا وهو
الف حمد وشكر لله العلي العظيم .. بفضله اولا ومن ثم بفضل مداومتي على مواعيدي مع الدكتورة ..


وقالت الدكتورة ان رحمي رقيق وهو تمزق .. والبيبي بدل ما يسوي ينزل في عنق الرحم كان ينزل من التمزق يعني كان ينزل تحت من ناحيه بطني .. يدفع من ناحية الجرح للعملية السابقة .. وبس الله كريم الحمدلله ..

الله يخلي لي ابنائي ياااااااارب .. ويخلي لكم ابنائكم ويرزقكم الذرية الصالحة ..

هذي تجربتي وتحياتي للجميع ....................

انا ولاداتي الثنتين قيصري

اول مرة صرت بنص التاسع و الجنين لسه فوووووووووق ما ينزل على الحوض الدكتور قاللي نستنى وقت الولادة ممكن ينزل لكن انا ما حبيت اعذب و ما الي قدرة بالالم و الانتضار و اخترت قيصري

و الولادة الثانية نفس الشي .. و لا فكر بالطبيعي .. ربع ساعة و ابنك يكون جنبك و مكان العملية يلتئم و اصلا ما يبين. بلا وجع و ترهل و توسع المهبل و .. و...

بالعملية تضلي زي ما انتي و الصراحة خياطة في البطن و لا خياطة من تحت .... ما اتخيلها الصراحة

__________________
باحثة عن الحق

انا ممن سجلني التاريخ في القيصريه

السبب توأم وكان واحد بالعرض والثاني وضعه طبيعي

قالوا لي في بدايه السابع ان الولاده احتمال تكون قيصريه اذا ما تعدل وضعهم وصاروا الانثنين الى تحت

المهم بعد جهد جهيد ومعاناة طويله قضت شهور الحمل لانتظر مواليدي واحظنهم وفي موعد حدد لي في بدايه شهري التاسع ذهبت للموعد برجلي ولو يكن في اي شي وعند دخولي المستشفى بدأت انزف وفي التخطيط اتضح تعب في قلب الجنين
جاهدت في الطلق رايت مالم اراه طول حياتي وفتح الرحم سته سم لكن الوضع لم يتغير مازال احدهم بالعرض

فقال لي الدكتور خلاص قيصريه ........... انا رفضت لاني خائفه ........فقال الدكتور اذا ولدتي طبيعي احتمال تفقدي احدهم هنا صارت نقطة ضعفي

وافقت على العمليه بسبب شدة الالم ووضعي بأن افقد احدهم ولان قلب احدهم تعبان

وبعدين حملي غالي يعني بعد تأخر حمل ست سنوات

لم يكن امام احد خيار اخر غير العمليه والحمد لله على كل حال

وبعد كل هذا التعب يقهرني الي يقول انتي ماجربتي الولاده الطبيعيه والعمى كونهم ماجربوا القيصريه يعني شووووو فتحوا بطني شي بظل في تاريخ حياتي

__________________
اللهم احفظ لي زوجي واولادي

يمكن تكون مشكلتك مثل مشكلة عمتي جابت اربع عيال وكلهم بعمليه

لان قالها الدكتور مستحيل تولدي طبيعي الحوض عندك مره ضيق

اهلا اخواتي ......

انا بعد اختكم ممن جربت الولادة القيصريه في بنتي الله يخليها ويحفظها يااااارب بسبب عدم نزول الراس للاسفل اي بالوضع المقعدي.....الرحم فتح بس 3 سم وقررو عمليه قالت الدكتورة مستحيل ينزل الراس للاسفل .....وتوكلنا على الله

انا الان حامل في منتصف الشهر السادس وفيني ولد ان شاء الله واحس ان حمل الولد اكثر تعب من البنت في الوحام وكل شي......والله العالم ماعرف وش راح تكون ولادتي هالمرة ......بس انا افضل القيصريه .....والله ميسر الامور...والله يقومنا بالسلامة يارب جميع الحوامل ... ويرزق كل اللي يتمنى ........وبنتي عمرها الحين سنه ونصف ..والدكتورة قالت اذا كان كل شي طبيعي اقدر اولد طبيعي......

__________________
متى تجي اللحظة اللي اشوفك فيها ياأحلى (لوتس) بالدنيا بصحة وعافية

اوووووه

ياحياتي كلكم قيصريه

بس غريبه انك تسبونها

انا كنت اتمنى قيصريه

بل كنت ابكي بكاء شديد عند أبو بنتي لأعمل عملية قيصريه

وفي النهاية طبيعي وتعب فظيييييييييييييييع

الخياطة من تحت ياسااااااااااااااااااتر


اسوبعين ماقوم من السرير الا بالعذااااااااااااااااب

وحالتي حاله والحمدلله اجر وثواب بإذنه تعالى

بس الصراحه تمنيت انها قيصريه خخخخخخخخ

استغفر الله


ومن ناحية البطن يابنات امشوا كثير ولا تاكلوا واربطوا بطونكم وقت الدورة الشهريه وبتشوفو كيف البطن يروح اسألو مجربه ماشاءالله

__________________
حسبي الله ونعم الوكيل

الحمد لله على سلامتكم جميعا ويتربو في عزكم ان شاء الله انتو ملاحظين معايا انه الولاده القيصريه زادت كثيييير في السنوات الاخيره زمان نادرا مانسمع احد مسويها انا شايفه بصراحه انه الدكاتره بيستغلو خوف الناس والحاله النفسيه للمراه قبل الولادهوخصوصا لما الوحده بتروح للولاده بدري اوفي بداية الطلق هذا اول شي وثانيا عن تجربتي الحمد لله ولدة ثلاث مرات طبيعي وكانت ولاده ميسره اما الولاده الرابعه كانت قيصريه و السبب انه توام وحكايتها طويله بحكيها باختصار من نص الشهر الثامن طلبت مني الدكتوره اعمل تخطيط و وقلت انه في طلق خفيف ولازم عمليه لانه ممكن تولدي باي لحظه وان الولده الطبيعيه للتوام صعبه وحتتاخري في الولاده وحيقل ا لاكسجين عليهم وكلام كثير مايدخل العقل وحطوني في غرفة الولادة 3ايام بلياليها والتخطيط 24 ساعة على بطني المهم انا كنت رافضه تولدني في الثامن وبعد اخذ وعطا مع الدكتوره اصريت اطلع من المستشفى وكنت مرعوبه وكل همي ادخل الشهر التاسع مو مهم طبيعي ولا قيصريه وطلعت رحت استشرت كم دكتوره وطمنوني انه انا والتوام بخير واقدر اولد طبيعي وادخل في التاسع المهم رحت البيت وفلا كملت الثامن ودخلت 10 ايام في التاسع ورحت اعمل قيصريه والحمدلله عدت على خير وكلة باجره