لا يا حبيبتي من قال لازم نهتم لكل كلمة انقالت لنا على الطالعة والنازلة

انتي انسانه فاهمة وواعية من كلامج ما شاء الله .. واكيد تعرفين وين بتكون سعادتج .. والصراحة يومين بالاسبوع ولا شي بالنسبة للي متوظفة كل يوم وفوق هذا تاركة عيالها للشغالات ..
أتوقع ان انتي ما تبين تتركين الشغل ولاحظتي بأن زوجج يحب يشوفج شاغلة نفسج بالشغل لأنه يحسسه بشي من الحركة في حياته بدل الروتين الممل

الصراحه انصحج بانج تطنشين كلام اهل زوجج ولو اني اتوقعهم سووا كل هذا من شدة حبهم لولدج واتوقعه شي طبيعي عند بعض الناس لكنه فعلا يضايق .. عشان جذا لا تزعلين منهم وبنفس الوقت طنشي وقولي جدامهم حاضر وان شاء الله ومن وراهم انتي لج شخصيتج المستقلة ..

حاولي تقعدين مع زوجج وتتفاهمون في هالنقطة وشوفي اللي يناسبج والله يوفقج امين

__________________

.::. سبحانك اللهم وبحمدك أشهد أن لا إله إلا أنت أستغفرك وأتوب إليك .::.