مرحبا
اخوي تعرف المشكله وين ؟ المشكله انه مابينكم ملكه .. انه مستغربه من موضوع خطيبتي بس بدون ما يكون في عقد وهالموضوع وايد متكرر في المنتدى .. يعني ما اشوف في فرق بين صديقتي ورفيقتي وبين خطيبتي كلهم في الهوى سوى مافي عقد شرعي بيناتكم .. احسه تساهل في هالموضوع خصوصا ان المكالمات والسوالف في اي وقت تكون عادي والكل داري .. المهم بخصوص موضوعك اخوي .. انت بينكم مجرد مكالمات والبنت ماعندها خبره في الحياة الزوجية واسمح لي اخوي حتى انت ماعندك خبره لانك مو متزوج .. وماتكفي القراءة ولايكفي الاطلاع ان الواحد يكون عارف الحياة الزوجية .. المعاشرة اهي اللي تبين للواحد شلون اهي الحياة الزوجية وشنو النقاش وشنو المشاكل وحلولها وغيرها من الامور .. اخوي اول خطأ لازم تتجنبه وتحط بالك له قبل لا تتزوج ردود فعلك وان هناك مواقف كثيرة ممكن تحدث بيناتكم لهواش والزعل والعصبيه ابد مو الحل .. وانك مستحيل تلاقي زوجه مواصفاتها 100% تعجبك ومو بس الزوجة الا اي انسان ثاني .. التربيه والبيئة اللي تعيش فيها لها تاثيرها على شخصية الفرد واسلوبه .. خذ المواضيع ببساطه عشان تقدر تخلي حياتك تمشي .. وخلك متسامح وحاول تفهمها الاشياء اللي تحبها والاشياء اللي ماتحبها واترك لها المجال انها تقول رايها واللي تحبه واللي لا ... عشان تبان الصورة جدامكم واضحه .. وتحياتي وربي يوفقكم

حاول أن تعلما أنها أخطأت بأن تقول لها :: هل سيعجبك الوضع إذا سويت فيك زي ما سويتي فيا ::

يعني مثلا لو سبتني زوجتي وقالت لي أنت معفن .. فردي المفيد أن أقول لها " هل ترضي أن أقول لك معفنة "

بهذه الطريقة راح تعلماها أن الكلمة خطأ وفي نفس الوقت ستعلما ألا تعيد هذه الكلمة معك ..

حاول تستخدم هذا الأسلوب ..

يجب أن تقتنع أن المحبة من الله عز وجل .. وكلما زادت المحبة بين الزوجين .. كان الإهتمام أكبر بين الطرفين ..

أنت في بداية مشوارك .. حاول أن تقلل الإهتمام الزائد .. ولكن في نفس الوقت عاملها بأخلاق عاليه ..

لا تغضب .. عالج الأمور كلها بحسن خلق ..

تصرفها عندما كانت عن جارتها يدل على ضعف الإهتمام بك .. قلل الإهتمام بها ولكن في نفس الوقت عاملها بأحسن ما تستطيع .. وهذا الشيء سوف يزن العلاقة بينكم .. ومع الوقت سوف تحصل موازنه في الإهتمام .. سوف تهتم بك .. وسوف تهتم بها .. ونسأل الله أن تحبك وأنت تحبها ..

وفقك الله أخي لكل خير .. وأعانك على هذه الدنيا ..

أخوكم :: الهتاني ::