صراحة صدمتيني ،، بعد ما ارسلتي تسألين

صدمتك ليه ؟؟؟؟؟؟؟
أنا إيش أرسلت ؟ و إيش كتبت ؟؟؟؟؟
كتبت اسمها مثلا أو عنوان بيتها أو عيلتها فرضا ؟؟؟؟؟؟؟؟؟؟ أو حطيت صورتها ؟؟؟؟؟؟؟؟؟

كتبت الجنسية + الشهادة + العمر + ... إلخ
فيها شئ يصدم الواحد ؟؟؟؟؟؟؟؟؟؟؟
بيانات عادية ..

-------------------------------------------------------

اتوقع ان الخاطب ممكن يظل في نفسه شئ تجاهها طالما عرضت نفسها على مواقع الزواج
واغلبهم مايصدقون ان البنت ترسل لموقع واحد

أول شئ ، مو هي اللي عرضت نفسها على موقع الزواج .. أنا كتبت في البيانات إني قريبتها و بعلم
و إذن من زوجي .. لإنه اللي يلعب مثلا ، ما راح يفكر يرسل لي ،،

تاني شئ ،، هذا موقع ( ممنوع المراسلات فيه + معروف + بإشراف الندوة العالمية الإسلامية +
مراقبة المشرفين و الشيخ + أي شئ ما يتمرر قبل لا يمر على المشرف و يوافق عليه + أي واحد يسجل بيقسم على مصداقيته + إذا كان الشاب صادق فالشيخ يطلب منه إرسال هويته و جواله و هو
اللي يكلمه و يتأكد منه ،، ثم وحدة من عندهم تتواصل مع البنت و تكلمها بجوالها و تطلب عنوان الأهل)

ليه الصدمة ؟؟؟؟؟؟؟؟؟؟؟

_________________________________

بعدين في بنات تصل اعمارهم ل 39 ولم تتزوج وعمرها ما فكرت ترسل لاي موقع

كل واحد حر بحياته ،،
إذا هي ما فكرت ، فأنا أفكر بقريبتي ..

و ما راح أستنى لحد ما توصل لسن 39 ..
و أنا قلت إنه البنت ما ينقصها شئ ،، و أنا ما جيت عرضتها في سوق لا سمح الله ؟؟؟؟

---------------------------------------------------------

بعدين خواتها واخوانها مهما كانوا مشغولين مستحيل ينشغلوا عن موضوع زواج اختهم ولو تقدم لاحد
اخوتها رجل مناسب مستحيل يردوه

طيب ؟ تبغي أخوها يروح يبحث لها في العمل ؟ و لا أختها تروح تدق بيت الجيران ؟؟؟؟
طيب ؟ و أنا إيش جالسة أعمل ؟ مو بأحاول أدل الشاب المناسب لطرق باب بيتهم ؟؟؟؟
و أحد قال إنه أخوانها بيردوا الرجل المناسب ؟؟؟؟

البنت ما بيجيها الشخص المناسب ..
أظن الأمر واضح ..

__________________________________

لان اي بنت لا لا لا ترضى ان تجد اسمها في موقع زواج بدون علمها هذا من رأيي ولا ادرى عن رأي البنت لانها للاسف لا تعلم

أختي ؟؟؟؟
عندك الوحي ينزل لك من السماء و نحن ما ندري ؟؟؟؟

أحد قال إني كتبت اسمها في موقع الزواج ؟؟؟؟؟؟؟
إذا مانت فاهمة الموضوع ، فاتركي الموضوع رجاءً ..

لإني أبغى رأي الناس اللي فاهمين الموضوع .. مو اللي يشموا من قفا يدهم ..

__________________________________

بدل ان تسألي عن ردة فعل البنت اسألي عن ردة فعل الام طالما انها بهذه الصفات
وممكن تزيد من جرح البنت واذيتها بعد ما تعرف بالعرض اللي عالنت
وممكن ما تصدق ان بنتها ليس معها علم ممكن تفكر انكم متفقات
وطالما انك بعيدة عن بلدهم ولا تستطيعين الذهاب اليهم اجد ما فعلتيه لا يجوز الا المفروض كان بعلم الام

أنا مغتربة علشان دراسة و راجعة ،،
و الشئ التاني .. الأم أنا ضامنتها فلا تعلميني أسأل عن ردة فعل مين ،، ؟؟؟؟؟

و هو لسى ما صار شئ ، علشان أروح أخد رأيي الأم ..

__________________________________


من رأيي لا يجوز الحكم من انفسنا على الناس بهذا الشكل / الاولى اخبار الام والبنت

مو لازم أكتب أنا كيف حكمت ؟؟؟؟؟؟؟
أعرف و خلاص ،،

و الأولى منك ،، التحدث بأسلوب أفضل من كذا .. و فهم الموضوع ثم الرد ..

_________________________________

انا شخصيا اتوقع انه الشباب الكويسين ما راح يلجاوا للنت للزواج احنا عرب ولدينا عادات وتقاليد
انا من هالرأي هذا تماما تماما

طيب و الشيخ يقول 400 حالة زواج حصلت من الموقع ؟؟؟؟
و أنا جيت أكتب هنا ، علشان أعرف القصص و التجارب اللي حصلت ..

و رجاءً ..
لا تجي تعلميني ،، لإني فاهمة و متعلمة ..
و مو عيب الواحد يسأل ..

_________________________________

واخيرا هل انتي وزوجك على استعداد لتحمل مسؤلية من سيتقدم لهذه البنت وعلى استعداد للسؤال عنه والمفروض تخبروه ان البنت لا تعلم بأمر الزواج او الموقع شئ هذا لو صدقكم

لا تدخلي زوجي في الموضوع ، و لا تجيبي سيرته لو سمحتي ..
هو ماله دخل بالموضوع ،،

و أنا كاتبة في المواصفات الشئ هذا ، يعني لا توصي حريص ..

و أنا مستعدة لتحمل مسؤولية السؤال عن اللي راح يتقدم لها ..
يعني إلى الآن وصلت 3 رسايل و ما رديت عليها ،، لإني ما أبغى لها أي زوج و السلام ..

و قبل لا يحصل أي شئ فرضا ..
بيكون هناك سؤال و استفسار و الشيخ مثل ما ذكرت بيتطمن و يتأكد من هوية الشاب ..

----------------------------------------------------------

( رجاءً .. اللي بيرد و هو مو فاهم الموضوع .. لا يرد لإني ماجيت هنا
علشان أشرح سياسة الموقع ) ؟؟؟؟

مثل ما ذكر الأخ عزوبي بس رجل ..
إذاعة القرآن عملت مقابلة مع الشيخ ..
و الموقع تحت رعاية الندوة العالمية للشباب ..

موقع العفاف اللي مو عارفه ،، موقع معروف ,,

روح الطير


ليش هالهجوم اللي مالا داعي على ملاك


اللي اعرفه طالما عضو طرح موضوع فانه يتقبل جميييع الردود بما فيها اللي ليه واللي عليه خاصة وان انتي اللي طلبتي اراء الجميع وهي هذا رأيها والمفروض نحترمه وهي ما تعدت عليك بأي لفض خارج

صراحة صدمتيني ،، بعد ما ارسلتي تسألين
بدل ان تسألي عن ردة فعل البنت اسألي عن ردة فعل الام طالما انها بهذه الصفات

و هذا إيش اسمه ؟؟؟؟
مو اسلوب انتقاد ؟؟؟؟؟؟؟؟


لان اي بنت لا لا لا ترضى ان تجد اسمها في موقع زواج بدون علمها

ماهجمت عليها ، بس واضح إنها تحكم على شئ ماتعرفه ..
أحد قال إني كتبت اسم البنت في موقع زواج ؟؟؟؟؟؟؟؟؟

و راجعي طريقة ردها من جديد ..
شوي و تقول لي ( يا غبية ؟ )

_______________________________________

و إنت شايفة إني احترمت رأي الأخ لا أستحقها و الأخت أموت في أولادي .. بالرغم من اعتراضهم ..
لإني احترم رد اللي يحترم موضوعي ..

أنا ماني جاية هنا إلا علشان أسمع الرأيي المعارض و المؤيد و الأسباب ..
مو علشان ناس تحكم من غير ما تعرف إيش الحكاية ؟؟؟

و لو ماتعرف إيش الحكاية ، بأشرحه لها ،،
لكن مو تجي تنتقد بالأسلوب هذا ..


و كلامك و انتقادك احترمته ، لإني احترمت طريقة اعتراضك ..
عرفتي الفرق ؟

للتوضيح :

لسى ما صار شئ ،، تسجيل فقط ..


و أنا جيت أسأل علشان أعرف ؟ إذا صارت أي خطوة .. إيش أعمل ؟؟؟؟؟؟؟
و إذا الشئ هذا غلط ..

فعادي ..
بكبسة زر .. كل شئ يتلغي و انتهى ..

و لو بيصير شئ ..
فالواحد يسأل و يتأكد و يتطمن و كل شئ .. و بعدين في الأخير ياخد رأي أهل البنت ( أمها ) ..
و بعدين يعطي للشاب الإذن ..

جيت بأعرف ؟ عن نوعية الشباب في موقع مثل كذا ..
أحد جرب ؟ أحد سمع قصص .. إلخ

و الي بيدور عن العلاقات مثلا أو اللهو ، فما راح يجي في موقع مثل كذا مراقب بشدة ..
عنده المواقع مليئة بالفتيات ..

و قريت في النت إنه وحدة أخوها مسجل هناك و بعلم من أهله ،، علشان يبحث عن فتاة ملتزمة و صالحة ..
و هي كمان تفكر إنها تقول لأخوها يسجلها ،، و كانت هي كمان تسأل البنات إذا أحد جرب الموقع هذا ؟؟؟؟

رجاءً ..

إغلاق الموضوع أو حذفه ..
و معذرة للإزعاج

هدي أعصابك

Hold Your Horses ......


أختي الكريمة أنت ما سويت شي خطأ


المشكلة فيمن لا يستطيع أن يفرق بين عمل موقع الشيخ والندوة العالمية...
وبين مواقع الزواج الأخرى السيئة والغير موثوقة ... ويساوي بينهما.....

هـل

يقبل احد ان يساوي منتدانا الرائع بالمنتديات الأخرى المتخصصة بالحياة الزوجية

لا

فهدي اعصابك على من يتسرع ولا يفرق بالحكم


الله يعطيك على قدر نيتك للخير







عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

يـغـلـق ..
بناء على الرد السابق ..

__________________