انا كبرت اريد الزواج (للنقاش ) - الصفحة 2 - منتدى عالم الأسرة والمجتمع

25-01-2010, 01:33 AM

قلبي طفل مغرور

عضو مميز

تاريخ التسجيل: Dec 2009

المشاركات: 813

انا كبرت اريد الزواج (للنقاش )

الولد

امي ابغى احس بالاستقرار
ابغى وحده تفكر فيني
وتهتم فيني
ابغى ارجع من الدوام الاقي الغداء جاهز

ابغى اعيش حياتي

صرت رجاااال
زوووجووني

الام الغلبانه

ياابو فلان تراني بازوج الولد

حسبي الله عليك كان ماساعدتني
الولد كبر لازم نزوجه
عشان نفرح بعياله

والله لو ماتساعدني لابيع قسمتي من ورث ابوي
وازوج ولدي وانت الله لايردك

الوالد

يالله نروح نخطب له

ماشاء الله على بنت فلان

امها تقول

(مايمدح البنت الا امها)

البنت
تكنس

وتغسل

وتمسح

وترتب

وتمسك اخوانها

وكل يوم يجونهم ضيوف
والبنت هي الي تطبخ

ماشاء الله تبارك الله
وصغيره

عمرها14
مو لازم شهاده
شهادتها زوجها وعيالها

ولدكم ماينرفض

ماشاء الله تبارك الله
حياك الله يام فلان
بس الناس لازم يعرفون
اكيد ياام فلانه

ابو الولد
الولد يبغى نظره
والله مايشوفها الاب2000
الاب خذ هذي 2000
وروح شوف عروستك

يدخل الولد

ماشاء الله ملاك
المكياج والتسريحه مو مقصرين

اهل العروس وين طلباتكم
كم المهر

70 الف

ذهب

25 الف للام

30 الف للاب

ماشاء الله وش بقى

العشاء والاستراحه
20 الف ذبايح

الاستراحه على حسب
الله واعلم

هذا المهر كله

والبنت عمرها14

توها تعرف تلبس العبايه

يوم الزواج

الام

والله ماتطلع بنتي الا 5000
تاخد الي فوق الناس والي تحتهم
ياخذ زوجته ويروحون:14:
ويروحون شهر العسل

بعد شهر العسل يروح هو للدوام
يصحى الصبح ويلبس
ويروح يداوم ويرجع تعبان
وتربان

الاميره النائمه في سبات عميق
ماتدري متى خرج والا متى بيرجع
يجي بيده غداء ويصحيها
حبيبتي قومي نتغدى
تقوم تغسل ووجههاوتتغدى معاه

على نهاية الشهر يرجع هو من الدوام
ويطبخ اندومي انتهت الفلوس
وبعد كم يوم يفتح علبة الجبنه
ويسوي الشاي
ويرجع يصحيها حياتي
قومي نتغدى

حبيبي باروح عند اهلي
اوكي يالله اوديك
مااقدر ادخل عند اهلي ويدي فاضيه
اشتر لي اي شي
ادخله معي عند امي
تبغاها تقول عنك بخيل
من عيوني
وايش اشتري
انت وكرمك
مايخلي شي بالسوبر الا ويشتريه
عشان بس يبان كريم

حبيبتي
كم لنا من زواجنا
واهلي ماعمرهم
دخلوا بيتنا
ولااكلوا عندنا شي
ايش رايك بكره نعزمهم غداء او عشاء

ليييييييييييييييييه
اهلك كثيرين
ومااقدر اطبخ
ولااعرف استقبل ضيوف
وبعدين انا تزوجتك لحالك
ماتزوجت اهلك معاك

حبيبي
شفت اليوم امك تقول
اقوم اساعد اخواتك
انا موشغاله عند اهلك
فهم امك ماتعيدها

حبيبي
شفت اختك اليوم
تدق على شباب
وتقولهم انا شركة تجميل
هههههههههههههههههههههه
وهم يقولولها كلام حلو
والله ونستني

حبيبي
بنت خالك حاسدتني
وتقول عني مو حلوه
وتدفني عشان اسقط البيبي
الي في بطني

حبيبي
بنت عمك تقول انك كنت
تحبها وانها احلى مني
وليه تزوجتني وخليتها

حبيبي
شفت شغالة اهلك
طلعت ترمي الزباله
وتاشر لواحد في الشارع

وماتخلي احد الاتجيب عنه كلام
وهي الوحيده الصادقه الصديقه
اللي ماتكذب

ويروح هو يمثل الفارس القوي
البطل على امه واخواته

ويشكي لعمه وخاله من بناتهم

وبيتها زبااااااااااااااااااله وانتم بكرامه
وتجي طالعه حفلة زواج
ماشاء الله حتى ملابسها الداخليه جديده
وكلها ذهب
وعيالها حتى ماتلاقي مكان تبوسهم فيه
من النظافه
حتى الوجه اللهم لك الحمد والشكر

وعند عماتهم خل عيالك يمسكون العيال
والا فايدة العمه في المجتمع

اعزائي اعضاء ومشرفين المنتدى
الغالي طولت عليكم بالمقدمه
بس
سامحوني
هذا مجتمعنا
وهذا حالهم

محور النقاش هنا

*لماذا يرضى الشاب لنفسه هذه العيشه؟

*لماذا يطلب الاب هذا المهر لابنته وكانها سياره عارضها للبيع؟

*لماذا الزوجه تكره اهل الزوج بينما الزوج يمثل العبد المطيع لاهل الزوجه؟

*لماذا ترضى الفتاه ان تكون كسياره معروضه للبيع وتتزوج بهذه الطريقه؟

*هل هذه النظره الشرعيه التي اشار اليها الرسول صلى الله عليه وسلم؟
ام انها زيف تدليس وخداع للزوج

*لماذا لايتزوج الشاب من فتاه تقاربه في السن ومتعلمه؟

اعزائي المساحه لكم
ولكم حرية الراي
يسعدني تفاعلكم
واتقبل النقد الهادف والبناء

منقوووووووووووووووووووووووووول

__________________
‏‏‏‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

التعديل الأخير تم بواسطة daimound22 ; 25-01-2010 الساعة 01:44 AM السبب: توضيح العنوان

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه