اشكرك اخي ابو ناصر لكن المقصود هنا بعد الشوفة الشرعية مو خطبة بس يعني اكيد لما ياتي الرجل لرؤية البنت يكون متلهف لرؤية خطيبته وكذلك البنت تكون متلهفه لان كلا الطرفين بنا احلامه على الاخر ثم بعد الرفض السؤال هل يقع شي بالنفس لما يرفض الرجل من قبل البنت

الأمر سيان

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167

من وجهة نظري على حسب شخصية الرجل وعلى حسب ظروف كل واحد

فمثلا مثل ما قالوا الاخوة والاخوات من قبل إذا كان مثلا يحب البنت او عجبته بعد ما شافها ورفضته بتتأثر نفسيته لانه هو يريدها زوجه له

او ممكن يتأثر في بعضهم حساسين ويحط في باله ليش فضته ويطلع ويلف ويدور

وممكن ما يتأثر إذا كان واثق من نفسه وعارف ومتيقن إن الزواج قسمة ونصيب وانها مو من نصيبه وربي بيرزقه خير منها

يعني على حسب النفسيات

لكن الشي اللي مافيه خلاف غنه يوجد رجال يصير في بالهم هذا الشي والبعض الاخر متوكل على الله وراضي بنصيبه

والله انا اشوف انو كلاهما يتاثر

بس اللي يفكر بعقل ماراح يتاثر

يعني يقول خيرة ان ربي ماراد هالشي

وان شاء الله ربي مايريد لك الا كل خير

__________________
وعند الله لاتموت الامنيات

ياخوات الحين انتو ادرا مننا..!

والله العظيم اتكلم وانا صادق مو تحيز او لاني رجل ,,كل الاخوات قالو ايه يتأثر صدقوني مثل ماذكرت لكم مايتأثر الا شخص يحب وحده يعني بحالات استثنائيه

وبالعقل الرجل ماتشغله العاطفه مثل البنت ومايشغله موضوع الزواج وقت ماجا بباله الزواج بيروح يطرق الابواب

اما المرأه تخاف من العنوسه وهالامور وهي عارفه لو رفضته بيروح يدور غيرها اما هي تضمن احد يتقدملها بعده..؟

وهذي الاسباب الي تخلي المرأه تتاثر والرجل لا

وسلامتكم

اول شي الله يعطيكم العافيه

ثاني شي هذي حصلت لاخوي

تم رفضه

هو شافها من دون قصد طبعا ً

وتصير هذي بنت خالتي

ولكن الرفض ما جاء من البنت

لا جاء من ابوها وما ودي اقول السبب لان بتفتح موضوع ثاني غير اللي احنا فيه

اخوي تأثر نفسيا

وبحكم ان هو اصغر مني بسنه وتقارب العمر بيننا

افهمه وافهم شعوره وعرفت انه تأثر مره وكلمته عالموضوع وقالي ما راح اتزوج غيرها خلاص

ماعاد ابغى اتزوج

لكن الحمد لله طلعته من حالته النفسيه

وتجاوزها ولكن لازال يذكرها لي


الف شكر لصاحب الموضوع

__________________
اللهم ارزقني الزوجه الصالحه

أنا رأيي مثل الأخ FOR EVER ...

عفوا الاخوان هنا اتوقع انهم يردون قبل مايتخيلون الموقف يعني انت يااخي الكريم جلست مع احد اتركنا من خطيبه وتلاحظ انه مارتاح لك مهما كان راح تحز بنفسك وتعيد حساباتك مو معقولة لما تشوفك الحرمة وتقول مااعجبني هذا ومو هذا فارس احلامي وطريقة كلامه مااعجبتني ورفضتك البنت وتقولي عااادي ماادري مااقتنعت بكلامكم ياشباب وحتى البنت يكون قدامه طريق وراح يجي نصيبه زيك زيه وحتى لو انت ماارتحت وجاك الرد وسبقك من البنت وايضا راح يكون فيه اثر بالنفس والله اعلم اعذروني على الاطالة

الاختلاف بالرأي لايفسد للود قضيه..
اللي بالون الاحمر ياختي ,, نفس الشي منطبق عليكم وانتو وشلون تردون بشعورنا اصلا مو تتخيلو موقفنا..!

وثاني شي لما يرفضوه شي طبيعي بيجي بباله كم اسئله ليش تم رفضي ايش فيني عيب ماعجبتهم بايش هذي اسئله بديهيه بابسط موقف تحصل ,, اضربلك مثل لما تدخل على راعي سوبرماركت وتطلب منه سلف دين وقلك لا ممنوع ويجي واحد بعدك يطلب دين ويسلفه عادي شي طبيعي بيجي لاي انسان ليش سلفه وانا لا ومن هالاسئله...

بس التأثير هو الي بيكون شاغل الانسان فتره ومتاثر كل ماذكر الموقف وزي كذا

الرجل اليوم يرفضوه بيطلع من عندهم وهو يسئل نفسه ايش فيني ويسئل نفسه كم سؤال ومن بكره تلقيه يروح لبيت أخر يطلب بنتهم ولا كانه شي حصل,, اما المرأه بتتأثر لأن موضوع الزواج ماهو بيدها مثل الرجل وكله بيد الله بس الرجل هو الي وقت مابيتزوج بيبحث اما المرأه..؟
وصحيح كل انسان بيجيه نصيبه بس فرق الشعور يأختي شعوري كرجل ضامن اني وقت مابي اتزوج اببحث

وفرق شخص ماهو ضامن بيجي أحد بعده ولا هذي فرصه ماتتكرر مرتين..؟

وانتي احكمي بعقلك من اي ناحيه حيتأثر الرجل دام هو بيبحث بعدها وبعدها وبعد بعدها..!

والي يعجب بوحده ومايبي غيرها ويتم رفضه منها بيتأثر اكيد وهذي حالات استثنائيه بس اتكلم بشكل عام لما يتم رفضه كأي خطبه تقليديه
وبصراحه نادرا البنت تقتنع لما يقولو لها الزواج قمسه ونصيب بتقعد تقولها وهي حازه بخاطرها اما الرجل بيقولها وهو طبيعي لأنه بيبحث ثاني وثالث ورابع..كمثال عالموقف هذا: شخص مربطه يدينه وينتظر احد يأتي ينقذه ولاجا شخص وطل فيه واذا مأنقذه بيتأثر مايدري بيجي شخص بعده ولا لا وهذا الشخص المحبوس مثل المرأه الرجل يأتي يبحث عنها ولو رفضته عادي يروح لبنت ثانيه وهكذا

بس قلت يتأثر بحالات استثنائيه اذا يحب المرأه وحالات استثنائيه يعني

ويشرفني اكون بينكم واناقشكم

سي يو

اكيد بيتاثر خاصه اذا شافها وعجبتو او كان يحبها من بعيد

وبرايي حسب الشخص لان الناس مش كلهم مثل بعض

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه