.. اولا مبـــــــــــــــــــــــــــــــــــروووك مقدما ,, والله يهينك ويسعدك ويوفقك , في حياتك الجديدة ..
.. واحنا هنا بهالمنتدى اخواتك , وان شاء الله نقدر نساعدك .. ونفيدك ..
.. اولا أخوي ما قلت لنا , هل عاداتكم تعطون مهر للعروس ؟
اذا كان انكم تعطون مهر للعروس , فهي بالمهر تشتري لها ملابس خارجيه وللطلعات , من احذيه وجاكيتات طويله للبرد , وايشاربات واحجبه , وشنط , والعطور والمكياج , والاكسسوار وملابس النوم .. هذا كله تشتريه العروس بنفسها ومن مهرها .. وما يشوفهم المعرس الا هو انت , علشان يكون سبرايز ( مفاجاه ) ,,
.. بس اذا ما تعطون مهر , فانت ملزم انك تحط لها ميزانيه خاصه لكل هذه الاشياء , وترسل لها فلوس وهي تشتريهم , بنفسها , واذا عروستك في لبنان , فهي تقدر تنزل مع اهلها الى سوريا , وتشتري لها كل اغراضها من هناك , لاني اعتقد انه سوريا ارخص , لاني مره زرت لبنان وتسوقت بشارع الحمراء << اعتقد هيك اسمها ^_^ .. وكانت الاشياء مو غاليه كثير بس الاسعار ما تناسب عروس وميزانيتها محدودة , لذلك ارسل لها مبلغ وخبرها تشتري لها ملابس للخروج , وللبيت , وللنوم , واكسسوار , وعطور , وميك أب ..
.. نجي لملابسكم ليوم الزواج .. انت اذا كنت تملك بدله رسميه حلوة ونظيفه , ليش ما تلبسها؟ غير القميص الا معها او الكرافت وخلاص , والعروس تتأجر فستان ناعم مره وبسيط وحلو , ولازم تحط ميزانيه خاصه لهذه الامور , واذا تسمح لك الظروف انك تعمل الفرح في صاله اعمله , واذا ما تسمح وعندكم مكان واسع بالبيت اعملوا الفرح بالبيت , واذا تقدر تعمل تعمل فرح بالصاله , اطلب منها انها تبحث عن صاله سعرها مناسب , وتبحث كمان عن استيديو للتصوير يكون سعره منيح , وكمان مطعم يتكفل بالطعام للفرح , واطلب منها انها تبحث عن الا سعره يناسبك , وعقب ما تتفاهموا على عذع الامور ارسل لها الفلوس علشان تحجز , او ارسلها الى صديق تثق فيه او اخت او اخ , يعني اي احد متفرغ ويقدر يحجز لك ,, ولازم تحدد موعد الزواج قبل علشان يقدروا يحجزوا لكم , او انها بس تعطيك اسماء الصالات واسعارها والتصوير وكل شيء واسعاره , وانت باول جمعه تنزلها للبنان , تروح تحجز وتدفع الفلوس ..
.. وكرت الحفله لازم ينطبع ويتوزع قبل الفرح باسبوع , علشان الاهل والاصدقاء , يقدروا يجهزوا حالهم , والاهل المقربين منكم , لازم يعرفوا موعد زواجكم قبل بكثير علشان يجهزوا حالهم من بدري ,, واذا تحب النقوط والهدايا تكون اموال , تقدر تكتب ملاحظه بسيطه بنهايه الكرت ( نتعذر عن استقبال الهدايا العينيه , وذلك لتعذر اخذها الى كندا , لذلك الهدايا الماليه انسب لنا ) << يعني تكتبوا ملاحظه بسيطه مثل هذه بالكرت ,, والاجانب يعملوا كذا ^_^
.. اما عن المطبخ .. انت تقريبا مجهز كل شيء .. بس ينقصك , طناجر صغيره تكفي لشخصين حاليا , يعني طنجرتين او ثلاث , ومقلاه العدد 2 وبحجمين مختلفين , وملاعق للطهو , وملاعق لغرف الطعام , والطناجر خليها تيفال افضل , واشتر طقم كاسات , وطقم ملاعق , وطقم سفره لشخصين , وكم سكين لتقطيع , واذا رجعتوا الى كندا بوقت كافي , تقدر تاجل شراء هذه الاشياء الى بعدين , تنزلوا السوق وتشتروا هذه الاشياء سوا , بس قبلها لازم تحتفظ ببعض المال لهذه الاشياء , اذا راح تاجلها لبعد رجوعكم الى كندا ,,
.. اما عن الحمام .. أشتري لكم طقم حمام من ورب.. الخ , والصابونات اشتري لك ولها شامبوا وصابون جسم , وصابون يد , ومعجون اسنان ,وليف الجسم , وحاول تنوع بالماركات , وما تشتري كثير من هالاشياء ,, ولا تنسى تشتري لنفسك كم عطر وادوات حلاقه , وكولونيا , وتونك ولوشن وكريم خاص فيك ,, بعد انت معرس ولازم تجهز حالك ..
.. اما عن الاكل .. فاشتر بعض الاشياء البسيطه , مثل المعلبات والمكرونات , ولازم تنبه لتاريخ الانتاج والانتهاء , ولانك اكيد راح تاخذها لسوبر ماركت علشان تشتروا بعض الاشياء .. فلا تكثر من هالاغراض .. خصوصا انك راح تغيب عن البيت 3 اسابيع او اكثر .. فلا تشتري ابدا اشياء خاصه بالثلاجه او الفريز << اقصد المجمدات من لحوم وغيره , لانك احتمال تطفي الكهرباء عن الثلاجه ..
.. ولا تنسى انت بعد لازم تجهز حالك , وتشتري لك كم طقم ملابس داخليه جديده , وكم طقم بيت , وكم بيجاما , وملابس خروج حلوة .. انت بعد معرس ولازم تكون جميل ومرتب ..
.. اما عن انك تشتري لها شنط علشان تحط فيها اغراضها ,, لا اخي , هي تجيب الشنط من عندها .. واذا تقدر تعطيها الفلوس من بدري , وتشتري اغراضها , وتشحنها , علشان انت تبدأ بترتيب اغراضها , وترتيب البيت .. او على الاقل تشحنها , وتوصل بدري , وتتركها لها , وهي لما توصل ترتبها ..
.. اما عن شنو انت تحمل معك في سفرتك الى لبنان .. فاحمل معك ملابس تناسب الجو عندكم , وخصوصا الحين الجو حلو عندكم بلبنان , وملابس مريحه وحذاء مريح , لانك راح تطلع كم مشوار بسيط مع العروس لحجز التصوير والصالة وباقي امور الحفله .. وكم لبس مرتب , بس لا تكثر ملابس علشان ما يصير عليك وزن بالطائرة لانك محتاج كل فلس ..
.. اما عن السكن بعد الزواج .. فالافضل انك تحجز يومين او حسب ميزانيتك فندق يكون سعره مناسب ,, وتجلسوا فيه , وتىخذوا راحتكم .. وبتجلسوا , اسبوع مع اهلك , علشان ترتاح , ويكون بمكان خاص فيكم , ومعه حمام خاص , وهالاسبوع يجون الاهل والاصدقاء , يباركوا لكم , وبآخر يومين يسلموا عليكم ,, ومن بعدها تسافروا , علشان تقضوا اخر اسبوع من اجازتك , في تجهيز البيت وترتيبه , وشراء باقي الاغراض الناقصة .. وترتاحوا كمان من حفلة العرس ..وترتبوا عشكم الخاص ..
.. وقبل لا تسافر ,, لازم تحط بطاقات حلوة بالبيت , ولافتتات , حلوة من صنع يدك او اطبعها والصقها في ارجاء الببيت ( مرحبا بالعروس الحلوة ) او ( نورتي بيتك يا احلى عروس ) .. راح تفرح العروس بهذا الاستقبال .. بس لا تكثر منها ..
.. وان شاء الله قدرت افيدك ,, واذا احتجت اي شيء لا تستحي تسئل كلنا هنا خواتك , ونعين ونعاون ..
.. واذا انا تذكرت شيء راح اجي واكتبه لك ..
..,, ومبرووووووووووووك مقدما ..
التعديل الأخير تم بواسطة ملاك الغربة ; 23-03-2010 الساعة 09:01 PM
23-03-2010, 09:13 AM
ـــكم بلا استثنـاء ~
واجعله قرة عينٍ لي واجعلني قرة عين له قولوا آمييييييييييييين
ضوابط المشاركة
العرض المتطور