أكره عندي هذا السؤال ههههههههه ما أحبه أبد

وهذا الإسبوع سؤلت عنه عن طريق أحدى زميلاتي في العمل وجاوبت هههههههه

الله يجعل أعمارنا في طاعته سبحانه وتعالى

طنشي يا أختي ولا عليك من أحد سألوا أو لم يسألوا ما راح يغير شيء من الحقائق

من الاخر اللى يسألك السؤال دة تقولى عمرك الحقيقى لو لقيتى اللى قدامك ضحك علق على عمرك ضايقك بكلامه او غاظك جداً فى وشو مرة واحدة كدة
[gdwl]حسبى الله ونعم الوكيل[/gdwl]ولا تخافى
عشان اكيد اللى هيسألك السؤال دة مش هيكون يعرفك لان اكيد كل اللى انتى عزيزة عليهم واللى هما عزاز عليكى يعرفو عمرك وكل حاجة عنك حتى اقاربك اكيد بيعرفون عمرك يعنى لما تتصرفى زى ما قلتلك مع اى حد غريب متخفيش
لاكن بقى لو عريس انشاء الله يكون ردك كدة
انت بقى تدينى كام سنة يقلك مثلا 20 قوليلو لا وبعد كدة تقولى عمرك الحقيقى ولما يسالك ليه ما تتزوجين الى حد الان
تقولى وبكل ثقة ما الاقى ابن الحلال اللى يستاهلنى واستهلو وخلاص على كدة
وسلمى امرك الى الله

__________________

لا تسال المرأه عن عمرها ولا الرجل عن مافي جيبه
مقوله احيان ارد بها عن الفضوليين لما يسألون هذا السؤال
الغريب انا زمان اتضايق لما الناس يستغربون عمري ولا يصدقون لانهم كان يعتقدون اني اصغر
اما بعد الثلاثين فاصبحت فرحه بردهم واسغرابهم من عمري
لكن ما اخفيك اني بدأت اكره حساب عمري وعلقت على اخر مره حسبت عمري فيها
ولا عندي اي رغبه بحسابه مره ثانيه (عشان مايزيد )هههههههههههههههه
وهنا تذكرت حكمه قالتها احد قريباتي [ انا بحسب عمري بس اذا وصل عمري للخمسه وعشرين بوقف ماراح احسب بعدها ] واستمرت تقول هالكلام حتى وهي معديه الثلاثين واحنا نرد عليها يعني تبغي تفهمينا انك مابعد وصلتي 25 الى الان وترد تقول كيفكم هذا عمري وانا حره

و الله يا ذي الأسئله مالها داعي أبد
كل عيد و كل مناسبه وطنيه لازم أنسئل متى تتخرج و أقول الترم الجاي
و فيه شايب حولنا كل مره يسألني نفس السؤال و أقول باقي الترم الجاي
فيهز الشايب راسه و يبدي نظرات الحزن و يخبط كف بكف ويقول ابطا ماجا الترم الجاي
( طيب يا خوي و ش تبي و ش عليك ) حتى ما عنده بنات لو بيرسم علي
الحمدلله ربي نتعني بالسلامه و تخرجت
و نفس الشايب باقي ما مات و لا خفت لقافته ياولدي وراك ماتتزوج قلت له الترم الجاي ان شاء الله
و أبدا نفس الإمتعاض و نظرات الحزن
و مازال الشايب مستمر حتى تاريخه يسأل متى تتزوج و الحقيقه مليت وقلت له و الله ياعم ماني فاضي ( أبو التصريفه )

المؤلم أكثر من السؤال ما بعد السؤال من نظرات حزن و استغراب تقتل
و كأنه يراك عايب أو فيك مشكله و لا يعلم أن المسأله قد تكون قناعات شخصيه أو مسألة قسمه و نصيب
عموما أختي اذا أحد سألك و قلك كم عمرك سوي نفسك خجلانه و استحيت يعني انك فهمتي قصدها بتخطبك و لا تجاوبين
و اذا احد سألك قال ورا ما تتزوجين سوي زي و قولي ماني فاضيه و متى ما فضيت تزوجت
أسأل الله يرزقك الزوج الصالح الي يسرك ما يضرك

زهرة
آمين يارب عسى الله يطول أعمارنا في طاعته
تسلمين على المرور والمشاركة



عزوبي بس رجل
فعلا أسئلة الناس ما تخلص
في السابق ما عندي مشكلة إني أقول عمري
لكن من وصل عمري 25 وطالع صرت اكره احد يسئلني هالسؤال
وحتى لو كانت تبيت خطبني تهون لما تعرف عمري
فلذلك ماحب اجاوب على السؤال
جزاك الله خير على المشاركة والدعاء


مش مجرد كلام
عجبتني : منزمان وانا موجودة على هالدنيا << شكلي رح ارد بهالعبارة
أما أقولها ليش بتخطبيني صعبة لأنه عارفه انها تبي تخطبني
اشكرك على المشاركة وعلى دعائك أقول آمين


مطلقة صغيرة
آمين ويوفقك يارب ويسعدك


موهبة الكويت
وإذا كانت اللي تسأل أكبر مني اخاف تصدق إني أكبر منها
مشكورة على المرور والمشاركة


بنت مكة
لو يجوز كنت اكذب بس تنحسب علي
فعشان جذي ابي اتهرب من السؤال
ماشاء الله عليك حلو الواحد يبين اصغر من عمره
انا عندي خالتي وصل عمرها 40 والناس يقولون لها مانعطيك اكثر من 27
ونفس الشي بنت خالتي متزوجة وعمرها 35 يحسبونها ليلحين تدرس
تسلمين على المشاركة


قلبي طفلي مغرور
أي عريس !!!
في عريس وانا مادري عنه
وأي حجاب اللي تتكلمين عنه أكيد مضيعة بالصفحة
بس انتي قلتي قولي عمرك يعني قريتي موضوعي
طيب وين هذا العريس وييينه هههه صدقت


روزبري
توك يارز باحلى عمر قولي ولاتحاتين وكوني واثقة بعد
عي لاحنا شنقول الله يعين
تسلمين على المشاركة


عذب الكلام
إذا جاوبت عن السؤال بصراحة
بعدها كل ما يشوفوني يقولون في نفسهم وييييه مسكينة عنست
لكن لما يجهلون عمري يمكن يحسبوني صغيرة وما يترحمون علي
العابده
صح كلامك مارح يغير السؤال شي لكن تصيرين في نظرهم المسكينة وانا ما حب هالنظرة
آمين يارب عسى الله يجعل أعمارنا في طاعته


فارس
كثير من المرات يكون إجابتي على سؤالهم بسؤال: كم تعطيني؟؟
فلما يقولون اي عمر اقول قربتوا واسكت
اشكرك على المشاركة


زهرة نجد
حلوة هذي ما احسب عمري مرة ثانية عشان مايزيد ههههه
لكن المشكلة إني عارفة تاريخ ولادتي << يعني طالعة فيها الحين
المشكلة عندي انه حساب عمري مايخلص كل مايمر شهر اقول زدت شهر
تسلمين على المشاركة

__________________
يارب افرجها

معدن الرجولة
يمكن هالشايب يبي يخطبك لأحد قريباته
فعلا هذي المشكلة لما يشوفون الواحد تقدم بالعمر وماتزوج
يحطون في بالهم يمكن فيه عيب يمكن فيه بلا ويمكن ويمكن ..
ليش مايفكرون بنفسهم وبس ويخلون الناس بحالهم
الله يعينا
جزاك الله خير على المشاركة

__________________
يارب افرجها

يختي عادي جدا
توي امس انسألت هالسؤال،، كنت اضبط هديه لخويتي ويالسه اتريا الفلبينيه تخلصها
وبين السوالف سالتني عن عمري واذا كنت معرسه وجاوبتها عادي
حسيتها انحرجت يوم قلت لها 29 مادري يمكن تمنت روحها ماسألت عشان ماتحرجني
بس ابدن ماكنت محرجه تميت اسولف وياها عن خططي للثلاثين (:

،،
امي فديتها تنحرج لي سألوها هالسؤال
طبعا محد يسألها الا الدكاتره فالمستشفيات وانا اللي اروح وياها العاده
آخر مره سألها دكتور وعلى طول قالت ترى العمر اللي حاطينه لي تقديري ومكبريني فيه

فديتها،، العمر التقديري اللي حاطينه لها صحيح
يلست مره وياها وفهمتها قلت لها خلينا نحسبها وياج،،
تقولين انج عرستي وعمرج 16
واختي العوده حملتيبها نفس سنه عرسج وولدتيها في سنه كذا..
يعني بينج وبين اكبر عيالج 16 سنه واذا هي عمرها 32 انتي يكون عمرج 48

اقتنعت لو انه مب عايبنها فديتها
قلت افهمها عشان ماتحرج روحها مع الناس اللي ماتحشم

أم الجود
استغرب ليش في ناس تحب الشر الله يهديها
والخيرة فيما اختاره الله
أما عن هم العمر بصراحة انا بدأ معي لما قربت من منتصف العشرينات
لأن مثل ما تعرفين فرص البنت في الزواج وهي صغيرة مو مثل وهي كبيرة
فلما تشوف نفسها تكبر يبدأ عندها القلق وما تحب عمرها يكبر حتى تتزوج وبعدها تكبر عادي هههه
مشكورة اختي على المشاركة



yes no
هلا اختي ياحبي لكلامكم (رمستكم) صح
ماشاء الله عليج بصراحة اهنيج على هالثقة
ربي يوفقج ويحقق كل امانيج
وماشاء الله عليها امج توها صغيرة الله يخليها لكم

__________________
يارب افرجها

في العادة مااحد يسألني هدا السؤال
بس انا ماعندي مشكله اقول عمري على طول لو احد سألني
بس احيانا امي تسألني (ادري انها تسألني عشان بتفكر اني مااتزوجت الين دحين بعد طلاقي خخخخخخخ)
فااقولها 29 خلاص
طبعا بيني وبين نفسي احيان اتمنى لو اني اتزوجت من زمان و خلفت
لكن اقول لنفسي يمكن عشان لما اخلف و انا كبيرة اقدر اربي اطفالي تربيه افضل من الامهات الصغار
و اقول لنفسي عشان اتزوج واحد يكون مكون نفسه مو زي الشباب الصغار فاعيش مرتاحه ماديا و يكون زوجي عاقل
<<<<<<<<<<تبررر لنفسها

__________________
يوم مشرق أخر