الله يجزاكم كل خير اللي مريتو وردينو على موضوعي ولا تفكرون ان هذا اللي صار لي بسبب اني مهمله ولا عيب فيني لا والله انا بشهادة الجميع ربة منزل ممتازه والبس احلى لبس انا وبنتي طبعا محد يصرف علي انا اصرف على نفسي من الضمان لكن الله ما وفقني بوظيفه ولا بدراسه
ارجوكم لا تحطموني زياده انا موب ناقصه لا تقولون طوري نفسك احس اني ما اعرف شي انا كل شي اعرف عن الحياة وكيفة التعامل مع الناس ومع الزوج بالذات اعرف كل الحقوق وكل الواحبات واعرف كل شي يحبة الزوج ويكرهه بس ما الله وفقني زوجي الاول قسم بالله البس له احلى لبس واسوي له احسن اكل ادري انه كل شي يعجبه ومبسوط مني بس ما يحب يبين ولا يقول ولا يتكلم يعني كاني عايشه مع جماد البنت بطبعها تحب الثناء والمدح في ابسط شي تسويه
وانتي اختي اللي قلتي كملي دراسه انا وصلت الجامعه بس ما عد كملت فيه شي يمنعني من الدراسه وما احب اذاكر ولا شي ودايم وقت الامتحانات تتورم عيوني واذا جلست بالبيت ارتحت
انتو تحسبون كلامي واللي يصير لي اني انسانه مهمله ولا مقصره لا وربي موب مقصره بشي لدرجة اكثر ربعنا يقولو لامي يا بختك بها البنت بس بالبيت لا محد يقدر ولا احد يحترم ما فيه الا تهزيييييئ وتكسيييير لكن الله المستعان ويا اختي اللي تقولي لا تدعي على احد انا ما دعيت انا تحسبت وطلبت ربي ياخذ لي حقي وهذا ما فيه شي
والله يفرج همومنا يا اختي امل ويرزقك من حيث لا تحتسبين والله يوفقك بزواجك ويحبك وان شالله ما يشوف غيرك يالغلا والله يرزقك الذريه الصالحه الباره ان شالله وكل الموجودين امين يارب العالمين

لا يالغلا حنا ما قلنا إنه عيب فيك بس فيه جزء من الخطا صار بسبب إنك سلكتي الطريق الخاطئ لحل مشكلتك و هي

مراسلة رجال غريب و وثوقك فيه لدرجة إرسال صورك له !...... بس إن شاء الله إنك تكونين تعلمتي من هالتجربة .
و كلامي مؤيد للأخوات بأن تزيدي ثقتك بنفسك و كوني أقوى من ظروفك لا تسمحين لأي كلمة من أي أحد إنها تهزك و إلا

تشغل تفكيرك .... إبحثي عن موضوعات لتطوير الذات و ثقفي نفسك عن طريق الإنترنت... و أهم شئ إلجأي إلى الله عز

وجل بالدعاء الصادق .....
الله يفرجها عليك و على كل متضايق عاجل غير آجل

__________________
اللهم ارحم أخي رحمة واسعة و أجعل قبره روضة من رياض الجنة

أختى الفاضله اسال الله انه يفرج همك ويرزقك بالزوج اللى تكونين عنده اهم وحده بدنياها وعلى بالدعاء واسال الله انك تكونين اول زمره ممن يدخلونا الجنة حيث انه جاء وصفهم بالحديث قلوبهم مثل افئدة الطير من الرحمه والبراءه والتوكل على الله ..والظاهر من حالك انك صاحبة قلب هين لين ...ويدخلنا للجنة اجميع مع تلك الزمره ..أما بعد من الم}سف ان تتعرض أمرة مثلك لديها بنت ..لألضرب من خلال اخوها ..الله يصلح اخوك ويجعل اهلك يحسون بعظم المسؤولية تجاهك ..وعليك بالدعاء والاستغفار وكرة الصلاة على النبيى عليه الصلاة والسلام

__________________
أصالةُ الرأي صانتني عن الخطلِ ** وحليةُ الفضـلِ زانتني لدى العَـــــــــــــــطَلِ
مجدي أخيراً ومجدي أولاً شَـرعٌ ** والشمسُ رَأدَ الضحى كالشمس في لطفـلِ
غالى بنفسي عرفاني بـقيمتـها ** فـصـنـتـها عن رخيـــــص القـــــــــول مبـتـذلِ
ما كنـتُ أوثــر أن يـمتد بي زمني** حــتــى أرى دولــة الأوغـاد والسفـــــــــــــل
أعــــــللُ النــفــس بالآمال أرقبها** ما أضيق العــيــش لولا فُســــــــــحــة الأمل

.. تأثرت كثيرا بقصتك !!

.. بس انتي لازم توقفين وقفه قويه بوجه من يظلمك , ليش تسمحي لهم يهزؤنك بالطالعه والنازله ؟؟ ليش تسمحي لهم يضربونك ؟ ليش تسمحي لهم يعايرونك بلقب المطلقه ؟

.. عزيزتي .. ما اطلب منك ان تتهاوشين مع أهلك , لا بس لازم يفهموا أنك انسانه , ولك مشاعر واحاسيس , مو جماد أو شغاله ,, طول اليوم تشتغل وتكرف وتطبخ ..

.. يعني لازم في أحد في البيت متعاطف معك ,, لازم هذا الشخص يوقف معك .. ولازم أنتي بعد تكوني حازمه بامورك ,, لا تسمحي لاي احد يعايرك بانك مطلقه , والطلاق ما هو عيب أبدا علشان يعايرونك ..

.ز وما تسمحي ابدا ابدا لاي احد يمد يده عليك ..

..ولازم تحبي نفسك ,, علشان الكل يحبك .. وعلشان تقدري تحبي بنتك وتربيها احسن تربيه ..

.. والاهم هو الدعاء والصلاة ..

.. الله يفرج همك أختي .. وان شاء الله نسمع عنك اخبار حلوة ..

ربي يفرج همك ويزيل غمك ويرزقك بزوج صالح يعوضك عن كل ما فاتك ،،،


ولكن عليكي بصلاة الليل ،،،

__________________
قدرت بلحظة وداعك أداري دمعتي لا تطيح &*& ولكن يوم قفيتي عجزت وطحت أنا كلي

أنظري للحياة بروح التفاؤل وأنسي اللي فات
أهتمي بنفسك وبنتك وربي بيعوضك خير إن شاء الله
وأستغفري كثير ربي يفرج همك ..آمين

أسأل الله تعالى أن يكشف همك ويزيل غمك ويرزقك بالزوج الذي يسعدك والذريه الصالحه التي تُقر بها عينك

أختي الكريمه

اعلمي أنك لن تجدي احترام من الغير مالم تحترمي نفسك وتوقريها وتعزيها

لاترضي بالإهانه ودافعي عن نفسك مهما كان الشخص الذي أمامك

طوري نفسك طوري مهاراتك أعيدي اكتشاف مواهبك ونميها

عندك وقت فراغ فاستغليه

لاتستسلمي

فإن بعد الظلام نور وبعد العسر فرج وبعد البلاء عافيه

لاتجعلي شبح الطلاق يسيطر عليك

لاتقنعي نفسك بالفشل

اجعلي شعارك

نعم تعثرت لأنهض من جديد

وتفائلي بالخير تجديه

__________________
إن بعض القول فن ، فاجعل الاصغاء فناً ..
>> المعرف لرجل <<

اسمعي من رجل خاض تجارب الاصلاح

وياليت تجاوبين على اسئلتي

_ من يكتب النصيب والزواج اهلك ام الله ؟
_من بعلم لك الخير هنا او هنا مع هذا او هذا ؟

من كونك واراد لك ماانتي فيه ؟

هنا لن اقول طوري نفسك مع الناس. لا. انما اجعلي تطويرك مع الله كيف ؟ بكثرة الاستغفار ولاحول ولاقوة إلا بالله

احتي الفاضلة عمرك 26 سنة تبارك الله وحتى ان تجاوز اكثر من ذلك فانتي مازلتي في رونق الشباب وهذا اختيار الله لك .
لماذ تعتبرين انك تزوجت مرتين لالالا مرة واحدة فقط الثانية اياك ان تعتبرينها اخفاق ولاتعرفين لماذا امتنع الاخير عن اتمام الزواج واعلمي ان هذا شر صرفه الله عنك .
اذا تعلقي بحبله المتين فهو المطلع فوالله لن يتركك الله وهو من اوصلك الى هذا العمر والبسك الصفات الحميدة
.... يظهر لي انك انسانه حساسة وانفعالية وهذا الشي لايخدمك وانما يجلب لك العناء فابتعدي عن التحسس من كل مايقال ومثلما يقال( خلي اعصابك في ثلاجة ) فوالله لن يضرك من يقول انتي مطلقة او انتي غير موفقه وخلاف ذلك .( فالطلاق حلال ) وقد يكون خير .
عيشي ساعاتك بسعادة عندما ينتابك التفكير اخرجي من ذلك الاطار الى اطار اخر وستجدين نفسك باحسن حال .
واياك اياك ان تتنازلي بالاسترخاء والاعتماد على مواقع الزواج وتواصلك مع من لاتربطك به صلة شرعية .
فعني شخصيا وانا رجل لن اوافق على الزواج من فتاة طلبت الزواج عبر موقع وخلافه .ليس لظن السؤء حاشانا جميعا وانما حتى تصدق المصادر ونتيقن اننا نمضي وفق طريق لاشبه فيه .

تعلقي بحبل الله ومن وصل الله وصله . ابتسمي من الان فالفرج قريب

كلامكم كله صحيح بس انا ما اقدر اوقف احد عند حده صعبه اسكت امي يوم تقولي طلقك زوجك ونشبنا بك انتي وبنك ما لي غير الدموووووووووووع وصعبه يوم ابوي اقوله جيب حليب للبنت ولا ابي مصروف ويقول لا الا اذا تبين ضروري اسجها عليك دين وترجعينها لي اذا اخذتي الضمان وصعبه انه اخوي يوم يضربني وانا اكبر منه ما اقدر اسوي له شي غير اني اروح غرفتي ابكي لانه اقوى مني وصعبه يوم اخواتي يعايروني ويقولون لي يالمطلقه وش ارد اقول اقول لاء ما ني مطلقه ولا وش اسوي لهو احسن شي اسكت ولا اروح غرفتي ابكي والله كل شي صعب علي
وانتو لا تلوموني يوم سجلت بموقع الزواج ووثقت في الشخص اللي اختارني لاني اولا كنت متاثره من كلام الكل وابي اتزوج عشان اسكتهم وثانيا ماكان في نيتي اني اكلم شباب ولا العب واخرب سمعتي وسمعت اهلي صح انا كنت غبيه لاني وثقت فيه بس انا على نياتي هو حلف لي وقال خلاص اعتبريني زوجك وصدقته لا تحسبوني انسانه سهله مع الشباب ولا اكلم وخاينه اهلي لا بس الظرووووووووووووووووف اجبرتني حسبي الله ونعم الوكيل
والله تعبت حتى محد يقضي لي طلباتي الا بطلعت الروووووح ويذلوني ويهينوني
وعلى كل اللي اسويه يقولون لي وش سويتي وش تعبك ويالله تهزييييييييييييئ وتجرييييييييييييح امي واخواتي مرتاااحين واخواتي المتزوجات اذا جو واجتمعو ا الكل ينتضر المطلقه تخدم وتجيب وتقدم القهوه والشاهي وتطبخ لهم ولا وحده منهم تتحرك وتساعدني كل شي ينتظروني انا ليش عشاني مطلقه يعني
ويقولو وش متعبك كلها حبتين رز سويتها وانا والله اكرف اشكال والوان وما اقصر باي شي
وانتو اللي قلتو لي كملي دراسهبالله وين التركيز والنفسيه المرتاحه عشان اكمل وشلون انجح وشلون اتوفق وهم يدعون علي بان ربي ما يوفقني بدنا ولا اخره كاني وحده عاااهره موب مطلقه وين الله يوفقني ومحد يدعي لي بالتوفيق
حتى اخر واحد تقدم لي وما اعجبته تقول وحده من خواتي انتي تتزوجين ما اتخيل شكلك وانتي متزوجه وحااااااامل احس انك عجووووووووز والله ما تدرون شلون هالكلمه جرحتني وعذبتني وهي ما تحس
ودايم اذا اجمعوا البنات يقلون لا ما نروح للمطبخ حنا ورانا ازواجنا ما نبي ريحتنا طبخ لكن انتي روحي ما وراك احد وانا اموووت حسره وقهر ياربي وش هالعاااالم ما تحس ليتهم يتكلمون وراي ولا يتكلمون قدامي

قسم بالله اقرأردودكم وانا دموعي تسييييييل انتو ما تعرفوني وشوفو اشلون تدعون لي وجزاكم الله خير
نفسي امي وابوي واخواني يدعون لي لو مره ما اسمع منهم الا الكلام الجارح والتهزيئ والحقران
لكن ما اقول الا حسبي الله ونعم الوكيل

ياحبيبتي الله يفرج همك ويرزقك الزوج الصالح ألي يسعدك ويستر عليك ويغنيك عنهم
حبيبتي أحنا هنا فضفضي لنا وطلعي كل ألي بقلبك لنا
ولاتنسين الأستغفار والدعاء
حسبي الله على كل ظالم

__________________
أشتقت لكم جداً 💔