شكرا أخواتي لاهتمامكم بموضعي ورجوعكم ليه فعلا دليل الاهتمام
هذا الموضوع كان مثل التنفيس عن القهر اللي فيني
فعلا في كلام كثير بين السطور مش مذكور لان أنا كتبت الموضوع كتنفيس
كان وقتها أبي أكمل دراستي الماجستير لأني مش لاقيه وظيفه عشان أضيع الوقت الفاضي
أمي كانت موافقة راضيه وحتى هي بنفسها قاتلي اذا ملاقيتي وظيفه بعد فتره كملي دراسة
المهم بعد ما وصل الخبر لأختي، كانت امي في غرفتها ودخلت عليها قلتلها خلاص اني ناويه أروح اقدم حق ماجستير قبل رمضان اذا ما لقيت وظيفه اتفاجئت امي تقول شو تبين في الماجستير رح تتعبين على طول عرفت انه أختي هي اللي غيرت تفكير امي، وقتها زعلت مش عشان اني مش راضين بس عشان زعلت على نفسي لاني حسيت اني ما اقدر اسوي شي الا واختي مدخله فيه ولاني ذكرت كيف عذبني قبل

لما كنت في الجامعة ووايد اشيا.
حاليا انا نسيت موضوع اني أكمل.
في هاذي الفتره هديت الأمور من بينا لاني انا ما احتك فيها وايد فانا حاليا اعمل تطوعي ، اذكر بعد ما داومت في اول اسبوع اذكر امي سالتني عن حالي وهل انا مرتاحة كنت انا وامي وابوي وهي في الصالة لانه بايته عنا قلت لها اني ماشي الحال ، امي دعت لي قالت يارب القى وظيفة وأتزوج ، ردت أختي قالت لا تخافين عليها هاذي اكيد رح تلاقيلها في الدوام ، لا تخافين عليها رح تتضحك لهم وتسويلهم حركات ، انا رديت عليها قلتلها انا مب من هذا النوع، يمكن غيركم يقول انه ردها عادي بس انا اعرف انه تبي اتبن اني وحده مب محترمه قبل قدرت توهمهم. بعدين رجعت كررت الكلام نفسه انا رديت قلتلها انتي ما تدخلين طبعا ابوي قال كيف انتي تقولين جذي قلت اذا تبيني اتكلم معها باحترام هي لازم تحترمني، والله انه كيف ارتحت لما رديت هذا الرد. انا اللي قاهرني واللي ما اعرف سببه انها دايما تحاول توهم امي اني إنسانه رخيصة .
هي كانت بايته عندنا من أسبوعين هي واطفلها لان زوجها مريض وحالتهم ولخبطه، أمس كانت تحاول تتقرب مني وتحاول أتكلمني بس انا ما اثق فيها وأخاف منها وأحس انها ظلمتني.