حاسة اني فاقدة الذاكرة

ماني قادرة اتذكر لا متى سقطوا اسناني و لا اني رحت لطبيب اسنان و لاشي

يااربي معقول وين راحوا اسناني اللبنية ؟؟؟


بالنسبة لابني .. لسه فدييته .. عمره سنتين .. بس الحمدلله معتنيه باسنانه

اول مرة اخذته للطبيب كان عمره سنة و شهرين وولا سن معاه

فاخذته اتطمن عليه.. و طلع الحمدلله مافيه الا العافية لكنه بطيء بالتسنيين

لما يكبر ان شاء الله .. بخليه لحاله يتولى مهمة خلع اسنانه المتلخلخة ...

شاكرة لك موضوعك الظريف اخي .. و عقبال ياربي ما نبارك لك بالزواج من زوجة صالحة تقية نقية

و بعدها نبارك لك باول مولود لك و تحكينا عن تجارب ابنك .. قول اميين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مشاء الله عليا
حد هنا بيحسد
عمري ما روحت لطبيب الاسنان
وده من رحمة ربي لاني خوافة جدا
لكن للاسف ابني حبيبي سنانه كلها ضاربة والسوس واكلها وعنده خراج الدكتور قال لازم تتنظف وتتحشي لكن انا خايفة عليه
بصراحة الدكتور لطيف معاه جدا ولسة ماعمله اي شيء لكن ابني من الشارع اول ما يشوف العيادة يصرخ ويبكي لحد ما نخرج
بس قررت اعملهم لما زوجي يجي من السفر لاني مش حتحمل صراخه

__________________
لا اله الا الله

آآآآآآآآآآآه

إذا تذكرت عيادة الأسنان تجيني حالة خوف الله يرحمنا

ولأني دائما عندي مشاكل في الأسنان الله يعافيني ولايبلاكم

الآن أولادي أتابعهم باستمرار في تفريش الأسنان واستخدام السواك والتقليل من الحلويات.....

كل هذا خايفه عليهم

مشكور على هالموضوع الله يوفقك ويجعلك ربي دائما مفتاح خير مغلاق شر..............آمين

اعتقد انه يعتمد على اسلوب الاهل اذكر مره بنتي
كان عندها سوسه تبي حشو اتذكر انني قلت لها
سوف نذهب الى صديق الاسنان الذى يصلح كل شي
وسوف تحصلين على ظحكه حلوه وستكر ,,,,,,,,,,,,,عندها ابنتي احبت ذلك
واعتقد ان المسؤليه تقع على كاهل الطبيب ايضا فاحيانا نجد الطبيب لا يحاور
الطفل ولايبتسم وواضع الكمامات على فمه وكانه بيسوي عمليه جراحيه مما
يلقى الرعب فى نفس الطفل ويظل المسكين يبكى ويصرخ

__________________
صلي الله وبارك على سيدنا محمد صلى الله عليه وسلم

اكره طبيب الاسنان


والسبب بنتي اول مره وديتها قامت تصارخ وتبكي وبعد عده محاولات عملت لها ابره التخدير

وبدات تشتغل في سنها والبنت لازالت تصارخ

عصبت الطبيبه وقالت لها في الم

قالت بنتي لا

سالتها ليه تصرخي قالت خايفه اني اتالم


موضوع طريف

في رعايه الله

__________________
الحمدلله علي أنعم الله الظاهره والباطنه

لاااااااااااااااااااااااااااا مأسااااااااااااااه ما انساها مع اخواني والتخويف ولعب بالاعصاب ودي اخنقهم الحين


عندي اخوان الله يسامحهم شر شر من سمعوا اني اشتكي لامي ان سني يتحرك وهو يحومون حولي وسوسولي تعالي نحنا نخلعه لك :20:

ما تبين تروحين للطبيب ويعطونك ابره وغيره وغيره من حوارات الرعب ولا في اشهر افلام الرعب الحائزة على جوائز اوسكار


خلاص استسلمت ومسكوني وخلعوا سني عاملين فيها دكاترة والحمدلله ما صارلي شي لان الضرس لوحده كان مستسلم لشرهم

وبعدها قالولي لازم ندفن السن وانسويله قبر ههههههههههههه استغفر الله وانا امري لله والاخوان عندهم مقبره خاصه بالاسنان برا البيت وكل واحد يقولي هنا ضرسي وهذا يقول هنا ضرسي واخذوني بعد ما غسلنا الضرس بالصابون وحفروا وانا ماسكة السن وبعدها دفناه

هههههههههههههههههه


والحين الدور على ولد واحد فيهم ....لما تجيه الام الاسنان يطلب من ابوه لزق جروح (البلاستر) علشان يحطه على ضرسه

والله ذكريات جميلة شكرا على هالموضوع الجميل ...على فكرة النشيدة شجعت الاطفال اللي عندنا وقاموا يتقبلون يروحون لدكتور الاسنان مع تخدير اصبع الدكتور

__________________

الله يسعدك ياأني ضحكت عليك ضحك تخيلت شكلك وأنتي واقفه وماسكه السن

وولد أخوك هذا فطسني ضحك ربي يحفظكم أنتي واخوانك وأولادهم

أخوانك مجرمين مثلي زمان مو ألحين

__________________
أشتقت لكم جداً 💔

وووي يمه أخاف من عيادات الأسنان
والمضحك إن البابا كان أمنية حياته واحد من اولاده يصير طبيب اسنان !!
بس للأسف امنيته لم تحقق بعد ! ميولنا كلنا تجارية ... والحين باقي اخوي لصغير يمكن يحقق امنيته

بما إني لم ارزق لحد الآن بأطفال بتكلم عن نفسي ! ولأني بعدي اصغيرة
لمن كنت اصغيرة ما واجهت الحمد لله مشاكل في اسناني اللبنية ...
كانت تتخلخل وآنا عجووولة احركها بيدي لين ما تطيح ..
قبل سنتين تقريبا ً كنت اراجع عند دكتورة اسنان واخبرتني إن للحين عندي سن لبني ما طاح !
وضحكت علي !! كانت مصره تبي تشيله عشان تزرع لي بداله سن ثاني لأن سوت لي اشعة واتضح إن ما عندي سن راح يطلع مكان السن اللبني .. بس من سمعتها تقول جذي قلت لها باااي ولا عدت شفتها من جديد
ماعتقد إن بيوم بصير عندي جرأة اخلع سن ! وووي يمه اخاااف خله يطيح بروحه اصلا مو مضايقني كافي خيره بشره !

هالايام بالذات اعاني من الآلآم في اسنان العقل (شكلهم يبون يطلعون) ... بس والله خايفة اروح لدكتورة !
ابي عالاقل تكشف عليهم وتشوف بيطلعون بشكل طبيعي والالا .. بس خايفة صار لي كم شهر كل يوم ااجل الموضوع لبكرة !

اما زوجي الحبيب ,, فيموت رعبة من الأبر فما بالك بطبيب الاسنان ؟
ولكن الشيء الغري بالعجيب إنه اصر في الفترة الماضية إنه يركب له (تقويم) اسنان
وفعلا ً بدأ مشوار العلاج....
وآنا للحين مذهوووولة من هذه القوة والشجاعة



شكرا ً وايد وايد على الموضوع اللطيف ..
حتى الكاكو الي بيدي ضميري مأنبني اكمله خوفا ً على اسناني !

__________________

جدي خلع لي سن كان على وشك القلع

ذهبت اشتكي له و سالني انه يشوفه و حركه حركتين و بخفه شال السن



متابعه

__________________