بالعكس حبيبتي سلوكك صحيح 100% ... ما شاء الله عليك ... الله يجزيك كل خير ..

اهلنا علمونا نحترم النعمه ونقدر منها ...

شوفي طفلك ما دام انه صغير ... اكيد بيتعلم منك بس لا تضغطين عليه ....اما زوجك اجلسي معاه وتفاهمي معه بهدوء

الاطفال حبيبتي يحبون التشجيع والمكافآت ... عيالي يوم أبي اعلمهم سلوك او عادة طيبه وابعدهم عن عادة سيئة

استخدم معاهم هذه الطريقة ..فقولي له مثلا : اذا خلال 3 أيام ما رميت شيء على الارض او في القمامه من الأكل الزائد

بحط لك في الصندوق مكافأة ... وشوفي شو بتختارين لولدك ... إما شراء رسوم متحركة او لعبة او اكلة معينة وهكذا ..

وشوي شوي علميه ان العمل هذا يكسبه الاجر من الله ... لانه اذا صغير وايد ما بيفهم ...

زوجك لما بيشوف سلوك ولدك مع سلوكك بيتغير لحاله .... و اذا هذا السلوك يحرجه امام الناس ... فما في داعي تأكلين

الطعام اللي طاح ولو كان نظيف ... اما تجمعينه وتعطينه البط والعصافير او ترمينه في القمامه ...وما عليك من حد ..

الله يسعدكم ويحفظكم ويوفقكم يارب ...

__________________

أخوي لوف أو لايف

أنا كنت مشغولة قبل مع الجامعة و كان أغلب وقته مع الشغالةة أو زوجي ..
و كان يجلس مع الجيران و كلهم انجليز و ينببسطوا عليه ..
بس دحين تفرغت له الحمد لله .. و أشتغل على مشروع تخرجي من البيت مو الجامعةة ..

علشان كذا جالسة أصلح فيه قد ما أقدر ..

----------------------

أخوي معدن الرجولة

الله يجزاك كل خيييييير و يجزاك الجنة يارب .. قريتها و استفدت الحمد لله ..
و قريتها لزوجي قبل شوي .. و سألته هااه كيف مو حلو ؟
قالي فيه أشياء أول مرة أعرفها ..

بجد ربي يكتبها في موازين حسناتك

و نصيحتك على العين و الراس .. و هناك أمور كثيرة الصراحة كان زوجي معارضني عليها أول ما جينا
هنا ،، و بعد ما بعدت عنها من كثر معارضته لي ،، صار الحمد لله هو بنفسه يعملها و ينصحني عليها ..

يعني أول ما جينا كنت أحسه ينحرج يبين إنه مسلم .. ببس دحين صار يمشي بفخر و اعتزاز ..
و الحمد لله .. بس الشئ هذا ما قدرت أقنعه فيه .. و إن شاء الله على يدكم

---------------------

أخوي عزوبي بس رجل ..

ايه ، الإتنين يتصارعوا و يتصافوا لحالهم .. مرات يعض ولدي ، و يقوم ولدي يبكي .. أقوله روح عضه إنت
كمان .. مو رجال ؟ دافع عن نفسك ..

بس في موضوع النعمة أخاف ربي يعاقبنا و يزيل نعمه عننا .. و ما أتحمل الصراحة أشوف الأكل ينكب ..
و أنا جيت سألت ، لإني صرت أشوف نفسي بديت أتهاون كثيييير في ذا الموضوع ..

و أمي كانت تخاصمنا لو حبة رز عالأرض و دعسناها ، و لو أكلت السندويتش و أنا بأمشي .. تقولي
أجلسي و كلي علشان لا يتفتتفت العيش عالأرض و تدعسوه .. بس زوجي في ذا الموضوع جدا
متهاون ..

و شكلي من جددددد ..
بأركز على ولدي أكثر شئ و أبوه راح يتأثر إن شاء الله إذا شافه مهتم ..

أخوي قلب صااااافي

اميييين و الله يجزاك خير

و بجدددددد نخاف من غضب و مكر الله ..
المفروض نشكر ربنا عالنعمة بإحترامها .. مو برميها مع القاذورات .. و الإسراف بها ..

------------------------------------------

أخوي معدن الرجولة

صحححححح نحن كذا برضو ، و كنت أحسب الناس اللي كذا انقرضوا .. و ربي يكثر من أمثالكم ..
و في المطعم أقول لزوجي كذا نشيل الباقي تيك أوي ، لإني أعرف إنهم راح يرموا الأكل ..
و أنا ما أقول له من باب البخل لا سمح الله .. بس من باب المحافظة عالنعمة ..

و كان زمان يشيله ، و نعطيها للعمال .. بس هنا ماعندهم أحد ممكن ياخد الأكل الباقي ..
و الشحاتيين اللي هنا ما أظن بياخدوا ..
هذه حجة زوجي دحين ، نعطيها لمين إذا شلناها ؟؟؟


بس راح أهتم أكثر من قبل إن شاء الله

عزيزتي لمني بشوق ..
أنا من المتابعات لك

يا قلبي هههه أنا ما أكل الشئ اللي أترمى عالأرض في الشارع ..


1 - بس فرضا ، كنت في مطعم .. و طاحت مثلا البطاطس المقلية عالأرض .. زوجي يقول ، اتركيه هم
يشيلوه بعدين .. و إذا تركتها ، الناس تجي و تدعسها أو الجرسون يدعسه .. فصرت أشيلها و أركنها
على جنب .. ما أكلها .. بس أهم شئ إني شلتها و ما خليت أحد يدعسها ..


2 - برجر كاملة مثلا ، مرمية عالأرض أو كيس خبز .. و الناس تدعسها ..
أسحبها و أركنها لأقرب جدر .. ما أشيلها .. بس مسافة 10 سنتيمير احركها ..
يعني ما أجلس ألملم كل شئ عالأرض ، بس قطعة بسكوت كبيرة قدامي و كنت راح أدعسها ..
أشيلها على جنب .. أدفها على الركن و كذا .. و ما أهتم لكلام الناس ، خلاص هم شايفين أنا إيش
بأعمل .. و هذا الشئ الصح ..


3 - مثلا ولدي يفتح كيس الحلاوة و بالغلط تتناثر القطع كلها على السيراميك في السوبرماركت ..
زوجي يقول له اتركها خلاص و امشي .. أنا ألمها لإنها تحت رجولي و أشيلها عن الأرض ..
لإني لو تركتها كذا ، راح تندعس ..


و إذا ساندويتش مثلا بأكلها في معمل الجامعة ، و طاحت من يدي .. أشيلها أمسحها و أكلها ..
زوجي يقول خلاص ارميها .. طيب عالأقل لو ما أكلتها ، أشيلها و أعطيها للحيوانات ، أقل شئ ..
و لا إني أتركها مرمية ..


4 - قلت لزوجي أمس يوم ولدي جاء بيرمي التوست ..
نحن المفروض نحيي السنة ، بس كذا إنت بتقتل سنة و تمسحها .. و ولدي راح يتربى على كذا
إنه يرمي الأكل ..

5 - في البيت ، إذا ولدي بياكل مكسرات و تناثرت عالأرض .. أخليه يلمها كلها .. و أساعده ..

و الله يجزاك كل خيرررررر

و أنا جيت كمان استفيد منكم ، لإني خفت على نفسي و حسيت صرت ما أهتم مثل قبل ..
و مرات ندعس النعمة في البيت ،، و قلت بداخلي ، لحد هنا و خلاص ( استوب )
لازم أحسن الشئ هذا و أغيره للأفضل ..


مشكووووووووووووورة

بالعكس ، موقفك جدا ممتاز ..

وخاصة أنكم في مجتمع لا يقدر مثل هذه القيم ..

ولذلك تكون مسئوليتكم مضاعفة في غرس الآداب الإسلامية في نفس الطفل ..

فإن الطفل إن لم تتم توعيته فإنه سيتأثر بمن حوله ممن لا يقيمون لهذا القيم أي اعتبار ..

وصدق الشاعر حين قال :

وينشأ ناشئ الفتيان منا *** على ما كان عوده أبوه ُ

وقد كان أهلي في السابق حين كنت طفلا يوبخونني أشد التوبيخ حين لا أكمل صحني أو أترك بقايا للطعام ..

أو أترك اللقمة حين تسقط ولا أعود لألتقطها ..

فما زلت حتى الآن أتضايق حين أرى شخصا يقوم بمثل هذه التصرفات ..

ودائما يتبادر إلى ذهني الآية التي كان أهلي يرددونها على مسامعي في مثل هذه المواقف :

( ثم لتسئلن يومئذ عن النعيم ) ..

جزاك الله خيرا أختي الكريمة على اهتمامك وحرصك على مراعاة النعمة وتعويد الطفل على احترامها ..

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

و الله إنه تأثيرها كان قويييييي على قلبي يوم قريت الأية ، حسيتها هزتني من جدددددد
و إن شاء الله من اليوم راح أرجع أهتم مثل ما كنت في بيت أهلي

أمي و أبوي الله يرحمه ، كذا كانوا معنا .. و كانوا يعتبروها من الأساسيات مو مثلنا دحين ..
زوجي يقولي ، إنت الفلوس في يدك سبحان الله أحس فيها بركة مو مثلي ..

و إن شاء الله بأرجع مثل قبل وو أكثر ..
و كل شوي راح أفتكر الأية هذه و ما أنساها .. و أقولها لزوجي
و متأكدة راح تأثر فيه بقووووووووووووة

مشكوره عزيزتي روح الطير




علي موضوعك المهم


الذي زادني حرصا علي المحافظه علي نعم الله علينا


واستمري في تعليم ولدك مع جرعه زائده من الصبر


في رعايه الله

__________________
الحمدلله علي أنعم الله الظاهره والباطنه

نور دبي
ألف شكر لك ..

--------------------------------

امممم .. هذا جزاة اللي ما يسجل خروج .. قبل النوم ..
ياربي إيش ذا الإحراج
كنت نايمة و حسيت بحركة زوجي دخل الغرفة يتأكد إني نايمة و طلع ..؟؟


امممم .. زوجي العزيز أكبر نساااااااااااي في العالم ..
مو مشكلة .. بأجلس معاه و أفكره ..


من مواقف النسيان تبع زوجي :
- مرات ينسى كم عدد أخوانه الأولاد و أفكره مع إنهم مو كثيرين، و مواقف زي كذا ..
و مرة أقوله أختك عندها ولد اسمه كذا .. يحلف إنه ما عندها غير ولد واحد و بعدين يقول لي متى
جابته ؟؟؟؟ لا و يكون متصور معاه ..
- مرات يشوف فيلم حزين ، و يتأثر .. و يكون شافها من شهر و نسي .. <- يعشق الأفلام
- الحلو ، كل ما لبست شئ مكرر .. يحسبه جديد و يسألني متى شريته ؟
و أضحك عليه أقول له ايه جديد ..

-------------------------------


بس أهم شئ ..

استفدت كثييييييييير من الردود و زوجي كمان.. كنت راح أخليه يقرا الردود من نفسي بعد كم يوم ..
مرات الواحد إذا سمع النصيحة من الأخرين يكون التأثير عليه أكبر و خاصة الرجال إذا جاته نصيحة من
رجل مثله .. مادري ليه ؟


اتفقنا اخييييييييرا على ذا الموضوع و الحمد لله ..
و قري الرابط ،، و هناك أشياء ما كان يعرفها و لا حتى أنا كنت أعرفها ..
وو تعلمت إنه مرات إذا علمت ولدي ، فممكن تكون طريقة غير مباشرة للتأثير ..


خلاص نقفل عالموضوع .. !
و الف شكررررررررر للأعضاء و نصايحهم .. و أكرر شكري لـ :
همس
عزوبي بس رجل
لايف أوف لايف
معدن الرجولة
قلب صافي
لمني الشوق
شاطئ المحبة
نور دبي
زوج روح الطير

و نصايحكم ما حتروح هباء منثورا ، و الأجر لكم إن شاء الله كل ما علمت ولدي ..
لإني الفترة الأخيرة بجددددد حسيت إني بديت أهمل الشئ هذا و أتغير ..

أستمري على تعليم ولدك ..وزوجك حاولي تكلميه بعيد عن ولدك وقولي له لازم نحترم النعمه عشان مانفقدها
تصدقي عيوني ..واحد من أولادي بطران يرمي النعمه بالزباله ..أو يتنفرمن بعض الأكلات
العام الماضي روحنا لليمن ..وشاف الفقراء وشاف كيف هما يبحثوا عن النعمه والأكل ...
شاف بعيونه... فكل مايبغى يرمي الأكل أقوله فلان شفت الفقراء والمساكين اللي باليمن ماهم لاقين النعمه

ونحن نرميها من البطر قول الحمدلله كيف لو نحن مكانهم ..إيش نسوي ولو صرنا فقراء مثلهم مين يأكلنا ..وطيب منه بدأ

يتغير ويحفظ النعمه ...

إنتي برضو ذكري زوجتك بالفقراء والمحتاجين اللي بأنحاء العالم وقولي له دول بيفشتوا الزباله عشان يلاقوا لقمه يأكلوها

والله يعينك ..

__________________