انا اقول لك ردي مثل رد الاخت الكريمه "الله كريم "

اهلك اسمحي لي واضح انهم ما يخافون الله فيكم ، ولكن وش العمل وهم الاهل والعزوة
اختك ما لها غنى عنهم وإذا طالبت بحقها يمكن يعادونها ، والزوج ما تقدر تستعين فيه لأنه ما تدري بالزمن وما يسوي

الحل لأختك هو الصبر ثم الصبر ثم الصبر والصبر مفتاح الفرج
خلها تسوي العرس على الضيق ، في حدود المبلغ أللي عندها ، وإذا زوجها سألها عن المهر تقول له إنها عطته اهلها لأنهم محتاجين جداً جداً ، وتطلب السماح منه ، وما تقوله على الحقيقة ، لأنه يمكن لين عرف يسوي سالفة كبيره ومشاكل مع اهلها وبعدين هي راح تخسر اهلها ويمكن بعد تخسر زوجها ، ومن لها بالدنيا غيرهم .

إختي مشكلة اختك ألحين اكبر من مشكلة فلوس وعرس ، مشكلة اختك ألحين هي كيف تقدر تروض نفسها على الصبر وما تستسلم للأحزان والهم لانها ممكن بالهنفسيه اللي فيها تدمر حياتها
خلها تفهم ان الفلوس تروح وتجي وإن بالفلوس الواحد يقدر يأدي طاعة الله عليه في صلة الرحم وبر الوالدين ، وإن فلوسها اللي راحت تعتبرها ثمن للسعادة اللي ممكن تحصل عليها في بيت جديد وحياة جديدة .. وخلها تعرف إن "من يتقي الله يجعل له مخرجاً ويرزقه من حيث لا يحتسب"
إذا اهلكم باعوكم علشان المال إنت اشتروهم بالمال ، ترى الثمن تقبضونه عند رب العالمين ، في الدنيا قبل الآخرة .. صدقوني
انت مهمتك ألحين يا اختي انك ترفعي من عزيمة اختك وتهوني عليها امر المال والعرس والسمعة بين الناس
ترى اللي جاي لها اكبر من اللي راح منها بإذن الله تعالى
وخلها تستعين بالله العظيم نعم المولى هو ونعم النصير

سلام

المشكله ياناس فوووووووق ماتتصورون

اهلي سحبو باقي المبلغ والصرافه باسم ابوي

واي شي تسحبه اختي تجي رساله ع جواله


امي اخذت العشره الباقيه وراحت تفصل غرفه لها

وفصلت مطبخ وفرشت البيت وصبغت بويات ياناس قهر يبونها تموت قهر


المشكله امي دايم تدعي تقول جعلها تموت علشان مايصير زواج وافتك


انتم يمكن ماتتخيلون الحقد والكراهيه اللي في امي علينا

ورب الكون مازليت عليكم بحرف


الحين ابي حل

للاسف أن بعض الاباء والامهات والاخوان يجدون مهر المراة حق لهم وهم يعلمون أن الاسلام قد جعل المهر حق للمراة فقط هي التي تتصرف فيه ومن واقع هذه التجربة فان الزوج يردي أن يرى من الزوجة كل شيء جميل من ملابس وعطورات ومكياج ..... الخ وتفنن في ذلك وما تقدمة الى بيت من مساعدات مثل غسالة أو متطلبات المطبخ وغيرها من الامور التي يشعر بها الزوج أن الزوجة ساهمت معه في بناء هذا البيت فهذا سوف يجعل الزوج يقدر أهلها وأنهم لم يرموا بنتهم من أجل المال
لكن أهلك وضعوا العراقيل في الزواج والله يستر على مستقبل هذا الزواج

أعلم الكثير من الاباء يدفعون من جيبوبهم من أجل اغزاز بناتهم وعدم التقصير عليهن أمام الزوج حتى يشعر الزوج بمدى كرم هولاء الاباء بل هذا يدفع الزوج الى التفكير الف مرة حينما يحصل سوى تفاهم بينه وبين زوجتة فيتذكر كرم الاهل والوقف معه لذا ترائه يتراجع دون أن يلحق الاذاء في هذه الزوجة هذا من وجهة نظري وهذا الذي أنوي أعمله من ابيني إن شاء الله إذا احد تقدم لها وهو مد يد المساعدة لها وله والإغداق عليها وليس الاخذ منها

أسال الله لاختك الفرج وأن يتفهم زوجها وضعها وأن يتنشلها مما هي فيه

أختي تصبر و تصبر و الفرج جاي بالطريق ..

ماذا عساها تفعل .. لا شئ .. تتزوج بالقدر البسيط ع فكرة السعاده ليست بالمال .. أجل قد يكون سبب و لكن ليس أساسيا للسعاده ... ماذا يعني لوتزوجت بالقليل ,,

بعد 10 سنوات إنما هي تزوجت و خرجت من منزلها عن رجل كريم يحسن معاملتها ,,,
هل سيفرق عندها إن تزوجت ب5000 أو 500000 ألف ... نفس الشئ ...
الأهم أن تتزوج .. و الله يتمم لها على خير .. لا تجعلي من المال عرقله لزواج أختك ...

__________________


سبحان الله و بحمده .. سبحان الله العظيم ..

جزاكم الله الف خير

بس انتم مافهمتو قصدي اللي بيتزوج اختي مو منا عارفين


يعني من الناس اذاشافو شي مايسكتون وخالته مكلمتني وتقول خلي اختك تشتري اشياء حلوه لانه بيسوي حفله ثانيه


عندهم بالدمام والله ياناس ماشرت شي عليه الكلام انتم يالبنات حطو نفسكم بمكانها قسم اني راحمتها


يعني شي يفشل صدق كيف اذا قالت عطيته اهلي وظروفهم تعبانه بيقول اهلك ماشافوا خير فقراء انتم


واشياء كثيره متوقعتها واختي رفضت الزواج بس ابوي مصر علشان مايرجع المهر

أختي .. إن شاء الله زوجها يتفهما .. و الله الفلوس مو كل شئ بالدنيا .. صدقيني ..
إن شاء الله بيحترمها و بيحبها .. و عادي إذا حبها بسامحها ..

يمكن الله عوضها بالشخص .. في مقوله دائما من أختي الله يحفظها يوم أكون متوترة و عندنا مناسبه ..
الجمال ليس بالفستان و غلائه و من أي مصمم .. هنالك جمال اسمه جمال الروح و أناقه الإنسانه في مشيتها و ابتسامتها و تعاملها مع الآخرين .. هذا يضفي جمال على أي فستان أنه يكون الأفضل .. بالتوفيق ..

الله يعطيها على نياتها ..

__________________


سبحان الله و بحمده .. سبحان الله العظيم ..

يعطيك الف عافيه

الله كريم

انا اللي اعرفة ان الاهل يعطوا البنت عشان تكمل تجهيزها

يعني انا اخذت من عند ابوي 20000 زيادة غير مهري

المهم قلبي لازم تصبرينها وان شاء الله زوجها يطلع ولد حلال ويكمل لها تجهيز

اختي انتي باي مدينه ؟؟؟

__________________
وعند الله لاتموت الامنيات

انا بالرياض

ادعولي ياناس تكفون