انا فعلا محتاجه نصايحكم

شعري يتساقط بكثره.. اذا مشطت تنزل شعيرات كثيره من جذورها
نفس شي اذا بس مررت يدي داخل شعري
اذا استحميت و فركته بالشامبو كمان يتساقط لدرجه انه كل مره تنسد مجرى الماء في الحمام
غيرت الشامبوهات ,, الاحظ فرق في نعومة الشعر و كده بس التساقط مستمر
وقفت استشوار من مده طووووويله,, يدوب وين و وين, أخر مره كانت قبل 3 شهور كنت حاضره عرس
و لما استشور استخدم زيت لحماية الشعر من حرارة الأستشوار

تساقط الشعر بدأ بعد الولاده و هذا شي طبيعي
بس الي مو طبيعي انه التساقط يزداد اكثر عن كل شهر و الولاده كانت تقريبا قبل 6 شهور
كنت اخذ حبوب multivitamin و حبوب فتامين D و حبوب الحديد و خلصوا قبل شهرين و لسه ما اشتريتهم

انا ما استعمل خلطات ايا كانت,, و السبب اني ما أأمن انهم راح يجيبوا نتيجه, و السبب الثاني صعب الواحد يلاقي الخلطات الشعبيه في الغربه..
في حياتي صبغت شعري مرتين,, يوم زواجي و يوم خلصت النفاس بولادتي الأولى و اصرار من اخواثي
بس كنت استعمل الحنا مع امي و من يوم اتزوجت ما استعملتها من 5 سنوات او اكثر
وطول عمري ما استعمل الا زيت الزيتون الخالص الأصلي EXTRA VIRGIN OLIVE OIL

احيانا تجيني افكار و وساوس اني ممكن اكون مصابه بمرض خطير لا سمح الله
اذا ابغى اعرض نفسي على دكتور اي دكتور اروح له.. جلديه مثلا
طيب ايش من تحاليل اقدر اسوي عشان اتطمن على نفسي

معليش طولت.. بس فعلا الموضوع هذا مخوفني

الله يتقبل منا الصيام و القيام و حسن الطاعات
اوصيكم و نفسي بحسن الطاعات و العبادات في آواخر الشهر الفضيل