|
|
05-09-2010, 09:58 PM
05-09-2010, 10:10 PM
05-09-2010, 10:36 PM
05-09-2010, 11:06 PM
|
المشاركة الأصلية كتبت بواسطة آآهـ منه
السلام عليكم وريحمة الله وبركاته
مشكلتي مدري وش اعتبرها بس ابيكم تقولون لي رايكم انا عمري 27 سنه وعندي ولد قبل كم سنه تزوجت بو ولدي وكان طيب وحنون وماقصر علي بشي ابد بس انا ماحسيت بشي تجاهه وماقدرت احبه مهما حاولت ومرت الايام وربي اخذ امانته الله يرحمه ... توفى وولدي عمره 6 شهور في فترة زواجي وبحكم شغلي المختلط احيانا ... التقيت بشخص أول مره بحياتي كلها قلبي يفز لشخص ورب البيت شعور اول مره احس فيه على كثر اللي حولي ويحاولون يتقربون مو قصد مني اني اطالع والا اخون بس كانت الكلمه على قد الكلمه بالشغل وكل اللي تكلمناه كم مره وكان عن الشغل ولا هو حسيته قليل ادب ولا انا كان في بالي شي بس قلبي فز ...وحسيت ان قلبه فز وكل ماتحركت فيني المشاعر ناظرت الدبله ومسكت الجوال وكلمت زوجي وقلت له احبك حتى لو كذب بس ماابغى هالكلمه تروح لاحد غير زوجي كانت الفتره على بعضها اسبوعين بس خلصت ورجعت مكاني وراح الشخص هذاك في حال سبيله بعدها بفتره جا نفس الشخص المكان اللي اشتغل فيه وكان اللي بينا بس كلام بالشغل بس وربي كنت احس فيه وهو يمكن حس فيني ارتبك ... ارتبك مااعرف اتكلم وحتى هو يصير وجهه احمر ويرتبك انا بطيعي قاسيه بشغلي مع الرجال يعني مااعطيهم وجه ومعروف عني اني اهزأ الرجال ومااعطي وجه ابد ابد بس ماتوقعت اني احب والا اعشق لأن ببالي ان مافي احد يستاهل الحب و كل الرجال مايجيبون الا المرض <<< المعذره من الرجال بس من كثر مااسمع قصص استمر شغله معنا اسبوعين وراح وماحد منا تجاوز حدوده كنت ادري اني حبيته ... وكنت ادري انه يحبني بس مااتجرأ اقولها وهو يدري انه مابيقدر يقولها مرت الايام وتوفى زوجي .... حسيت اني فقدت كل شي ... الحنان والامان صدق مااستاهله بس فقدته كرهت دنيتي وبيتي والزواج ... ليتني ماتزوجت ... ليتني ماعرفته ولا وافقت عليه ولا غرقني بطيبته وبعدها يروح عني.... ليتني قدرت احبه بعدها رجعت شغلي وكان اول يوم بالدوام بوجهي هذاك الشخص .... مالي خلق احد ولا حتي هو بس يوم عن يوم ... بديت ارجع اشتغل بنفس زي اول وصرت احب شغلي ومااحب اغيب وبعد فتره طلب مني هالشخص رقم ابوي وطلبني رسمي ... الشخص هذا اصغر مني بسنتين ... كانت هذي مشكله بالنسبه بس معاه حسيت اني رجعت طفله ولا في فرق بالعمر ماكنت موافقه اني اتزوج ابد ابد واربي ولدي وبس ... وعلى كثر اللي تقدمو كنت ارفض اخاف انشغل عن ولدي بس اهلي وقلبي ألحو علي ووافقت تملكنا وتزوجنا... قسم بالله اني ماقط شفت اروع ولا احلى من هالنسان ... يحبني مووووووت وانا اعشقه اعشقه معه عرفت وش يعني حب ودلع ومغامره ووناسه وكل شي ... كنت معه اصير طفللللله صغييييره ماابغى شي الا بس هو .. هو خلاني احبه كذا .. هو كان امي وابوي واخواني وكلي ... كنت قبل لا اقول الاه يقول بسم الله عليك واذا اكلت هو يغسل يدي .. واذا بطلع هو اللي يلبسني شراباتي .. خلاني ملكه وربي ملكه تعلقت فيه حيييييييييييل حييييييييل وقلت هالانسان لو يروح انا اموووووت حتى ولدي تعلق فيه بالمره وهو يحب ولدي كنه ولده ... يلعب معه ويوكله ويلبسه وولدي يسميه بابا حتى لهجتي معه تصير غير حتى صوتي يصير غير معه ... كنا نختلف واحيانا نتهاوش بس كل مره نرجع احلى واغلى من اول ...عرفت ان الدنيا حلوه معه هو بس وبدونه حياتي ولا شي تصدقون احب اسولف عنه حنا مع بعض نصير زي الاطفال نتمرجح ونتزحلق ونلعب بالصابون مع ان شخصيتي برا البيت غير وشديده لا جينا نتسوق ... انا اروح بجهه اشتري لنفسي وهو يروح بجهه ... ولا جينا نحاسب نكتشف ان كل واحد شاري للثاني مو لنفسه تصدقون ... اذا شفت شي وعجبني ورب البيت قبل لا اقول هذا حلو بعد كم يوم يجيبه اقول له انا عاجبني بس انت ماتدري انه عجبني كيف عرفت .... يقول حسيت وربي احس فيك كان يقول لي ...اكيد انتي مسويه لي سحر علشان احبك كذا ... وانا ارد عليه وانا اضحك والله انت اللي شكلك مسوي لي سحر علشان تخليني اموت فيك كذا مرت الايام .. مرت سنه كانت احلى من العسل عادي نختلف ونرجع وكل شي طبيعي الى ان جا هذاك اليوم اللي اختلفنا فيه وكانت انا نفسيتي تعبانه من موضوع ببيت اهلي ورحت بيت اهلي اسبوع وهو اتصل كم مره مارديت وقلت له بمسج عطني مجال شوي اجلس مع نفسي .... بس ماتوقعت بعد الاسبوع كلمني ورديت وتفاهمنا وعادي بالعكس كنت مشتااااقه وهو برضه بيمووووت شوق وكانت ذكرى ميلاده وسوينا كيكه وانبسطنا وكل شي تمام ومرت الايام عادي مثل اول بعد هالسالفه بشهرين تقريبا كنت معاه ونسولف واقول له اني متضايقه من موضوع وكنت فعلا متأزمه من موضوع وهو يدري واقول له ان لولا وجوده في هالفتره كان مدري وش بيصير فيني وان اللي مصبرني حبه ومن هالكلام واخذت جواله احوس فيه عادي حنا مانخبي شي على بعض وافرفر بالصور ووصلت عند مجلد الاصوات المسجله وشفت تسجيل واحد وشغلته وكان هو جنبي كان سكوت بالبدايه وانا اقول وشو هذا وهو يقول مدري مااذكر وبعدها سمعت صوت بنت تتكلم بدلع وبعدها سمعت صوته معها .. انا هنا خلااااااااص جتني زي الصدمه ماعرفت حتى اتكلم او ابكي او اسوي اي ردة فعل ماكانت سوالف عاديه كانت سوالف قلة ادب وبمعنى اصح ممارسه عالتلفون ... مدة خمس دقايق كذا سألته وانا قسم بالله احس الحروف بالمووووت تطلع من حلقي .. اقول له هذا وشو ؟؟ يقول مدري مو انا والله مو انا ... بعدها انا ماقدرت اتحمل خلاص رميت الجوال وجلست ادفه على ورا بكل قوتي .. هذا وشوووووو تكلم هذي ميييييين لا تكذب هذا صوتك وهو يحلف مو انا مدري مين والله مدري مين جلس يحاول يقنعني ماقدرت اصدقه قلت له ودنا بيت اهلي ... ظل يحلف ويقول اخوي بس ماصدقته رحت بيت اهلي وقبل لا انزل قلت له ابغى التسجيل .... اذا تبغاني اصدقك عطني التسجيل واخذته ونزلت وقلت له اذا تبغاني اصدق اثبت لي ان مو انت وقلت لاهلي انه مسافر شغل وظليت عندهم اسبوعين ماارد عليه لا ايميل ولا مسجات ولا مكالمات ولا اي شي .... انا قلت يمكن مو هو جلست اسمع مره وثنتين وثلاث ... هو والله هو ... ليتني اطلع كذابه ليتني اقدر اصدقه ودي اصدقه بس هذا صوته هذا نبرته هذا حبيبي شلون مااعرفه اعرف الحروف كيف ينطقها هذا صوته صوته وربي كنت مجنونه اشتاق له اذا اشتقت له اسمع التسجيل اتعذب بس اسمع صوته بس ابغى صوته بعدها اجلس ابكي زي المجنونه بعد اسبوعين انا نفسيتي من زفت لازفت خلاااااص اشتقت له اشتقت له ماقدرت رديت عليه قلت له حلفتك بربي وربك قل لي هذي مين .... وبالنهايه اعترف .... هذي وحده دقت غلطانه وتعرف عليها وكل اللي صار بينهم كان ممارسه بالتلفون يمكن 7 او 8 مرات متتتتتتتتتتتتتى ؟؟؟ متى وانا ماغفلت عنك متى ؟؟ في الاسبوع اللي رحتي فيه ببيت اهلك يوم كنتي زعلانه ليه بس لييييييه قل لي ليييييييييه عطني سبب ؟؟ يعني في هالاسبوع انا كنت افكر وش بشتري لك هديه بذكرى ميلادك وانت تخوني ليييييييييييه ؟!! انا كنت افكر وش البس لك وانت تخون لييييييييه ؟؟ انا كنت اموووت علشان اني بعيده عنك وانت بالعسل مع غيري لييييييييييييييييييييه ؟؟؟ قال غلطه قلت الغلطه تجي مره ثنتين ثلاث بس 7 او 8 مرات هذي مو غلطه انت فتحت الباب علشان يكون في مجال للغلط ... يعني اذا كنت زعلان بخونك وبقول غلطه كل شي اعتبره غلطه بس الخيانه عمرها ماكانت من الاغلاط ولو كانت تكون مره مو 7 مرات ترضى اني اخونك واقول غلطه ؟؟؟ على كذا بجلس افكر في كل مره تزاعلنا فيها .... ياترى كم مره غلطت المهم تاشددت معه بالحكي وانو حرام عليك وهو كان يكلمني وفيه غصه يب يبكي وبعدها سكت وسمعت صوت خويه بعد شوي يناديه من بعيد وهو مايرد ويقرب صوت خويه وحبيبي مايرد وتقفل الجوال حبيبي بين فتره وفتره يرتفع عليه الضغط فعرفت ان الضغط ارتفع لبست عباتي ورحت المستشفى كنت ادري انه بيروح هذا المستشفى لانه كان يكلمني من جنب بيتهم وبيتهم اقرب شي له هالمستشفى ورحت وشفته والضغط كان مره مرتفع كرهت نفسي وانا ابكي اقول له لا تروح عني وهو يهذي يقول لي سامحيني والله احبك ... شفت خويه هناك والله بالبدايه ماانتبهت له بالي مع زوجي قال لي خويه ياحرمه ترى الرجال مافي شي على لسانه الا انتي وسامحيه وهو يحبك وسامحتتتتته ورجعنا لبعض مثل اول لكن .... لكن انا ماقدرت انسى .... كل ماصار شي قلت شكله بيخون كل مارن تلفون قلت يمكن وحده من حبيباته كل ماجا مسج نطيت اشوفه صرت افتش جواله كل ليله كل صباح كل وقت كل ماتناقشنا بموضوع صرت اقول له ( ها بتروح تخون بعد ؟؟ ) يوووه صرت اعذبه واعذب نفسي مو عارفه ارجع زي اول مااااااعرف شلوووون هو حبيبي ماتغير للحين يمشط شعري وانا للحين اشربه المويه بس مو قادره انسى كل اتذكر اقول يمكن عقاب لي لان قلبي فز له وانا متزوجه بس ماكلمته ولا حسسته اني احبه واذا حسيت بمشاعر كنت اكلم زوجي الله يرحمه واعطيه كل المشاعر اللي بقلبي طيب شلووون ارجع زي اول انا بديت امل من روحي والله والله والله اموووووت فيه للحين واحبه وحياتي من دونه ماتسوى شي بس ياربي احس ان ثقتي فيه اهتزت علموني شلون ارجع زي اول وماافكر باللي صار تتوقعون بيرجع يخوني ؟ |
06-09-2010, 05:11 AM
06-09-2010, 07:06 AM
|
المشاركة الأصلية كتبت بواسطة آآهـ منه
ادري ان قلبي فز لغيره بس غصبا عني ورب البيت غصبا عني |
06-09-2010, 06:56 AM
06-09-2010, 07:51 AM
|
المشاركة الأصلية كتبت بواسطة علوالنفس
قصتك أثبتت لي أن المراة مهما تدعي الوفاء الخالص لزوجها وانها لا تنساه ولن تكون لغيره ولو بعد موته ... خرطي .. الا من رحم الله منهن ..
مجرد أن تجد من ينسيها المرحوم حتى تنساه وتنسى معه أيامه الخوالي .. فلماذا تعاتبون امرة القيس في أبياته .. كلّ أنثى وإن بدا لك منها ** آية الودّ حبّها خيتعور إنّ من غرّه النّساء بودٍّ ** بعد هذا لجاهلٌ مغرور |
06-09-2010, 08:45 AM
06-09-2010, 02:26 PM
|
المشاركة الأصلية كتبت بواسطة آآهـ منه
اللي فوقي كفيت ووفيت
انا سبق وقلت ان قراري بعد ماتوفى زوجي اني مااتزوج واربي ولدي لكن اهلي شافو اني لازم يكون في رجال بحياتي اعتمد عليه .... الاهل مو دايمين لعيالهم هذي كلمتهم دايم هذا غير اني ماسويت شي غلط يوم تزوجت بعد وفاته .... يعني اظل طول العمر ابكي موته ؟؟ واضيع سنين عمري وعمر ولدي وانا بس اناظر طيوفه هنا وهناك وبكره يكبر ولدي ويتزوج واظل انا اناجي الليل والقمره طيب بسم الله عليكم اول ماتتوفى الحرمه وقبل لا تنحط بالقبر وانتو تفكرون بزوجه ثانيه انا شفت بعيني محد قال لي عمتي يوم توفت وزوجها كان يموووووووت فيها ... عشرة عمر اكثر من 45 سنه يوم توفت الله يرحمها ماقفل الشهر الا قال بتزوج انا توي احس اني شباب <<< هذا وهو مابقى من العمر كثر مامضى وبعدين يوم فز قلبي .... هالشي ماله علاقه ببيئه مختلطه والا غير مختلطه يعني انت لو تمشي بالسوق ... هذي مو اختلاط ؟؟ اذا رحت المستشفى تتعالج وفيه مرضى حريم ورجال ودكاتره حريم ورجال هذا مو اختلاط ؟؟ يعني كل الدنيا اختلاط وهذي كتبة ربي ونصيبي انه يكون اول من يفز له قلبي وبعدها يكون شريك حياتي مو مجبورهـ اشرح لك ليه قلبي فز والا شلون لأن اللي قلبي فز له هو زوجي حاليا و ماندمت ابد ان قلبي فز له <<<< كم مره قلت ( فز )؟؟ ربي يبليك بفزة قلب ماتعرف تنام بعدها علشان تعرف كيف احساسي هههههه ياشين الغيرهـ |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور