من ألحين اعتذر لأن كلامي راح يكون قاسي عليك ..

لأن اللي قاعده تسوينه ما يحتمل أي نوع من اللين

*

أولاً : إذا شخص عطاك هدية ... شنو راح تقولين له ؟

شكراً صح ؟ وبتفرحين بهالدية وكأنه العيد ..

هذا شخص عادي .. فـ مابالك في الله ؟

عطاك الصحة والعافية

وعطاك عائلة أكيد تحبك

ومدرسة كل يوم الصبح تروحين تتعلمين

ورجلين تمشين فيهم

وايدين تكتبين بهم وسوين اللي تبينه

ووجه في أحسن خلقه

وعين تشوفين بها

وخشم تشمين به

و و و و إلخ

هذي نعم من عند الله ... تقومين تستخدمين هذي النعم في معصيته ؟

المفروض تشكرين الله وتحمدينه على هذي النعم ..

تقومي تعصينه ؟

شلون تصلين ؟

شلون بتقابلين الله يوم القيامة ؟

إذا سألك ربك ليش تعصيني ؟

شنو بتقولين له !

ما قدرت أنساه ؟

أحبه ؟

ثانياً : تدرين ليش انتي مو محتاجه حق اللين ؟

لعدة أسباب :-

- أولها وأهمها : انتي واعية إنك مراهقة وواعيه انك في سن خطير وبعد تسوين كل هذا !

وواعية ان هذا الشي غلط ! دام غلط ليش تسوينه ؟ !


ثالثاً : انتي حيرانه بين اثنين بين إن تواصلين مع شخص تعتقدين إنه يحبك .. وبين عذاب الضمير والخوف والقلق

رابعاً : أبوك وين يروح من الصبح لي آخر النهار ؟

يشتغل صح ؟

يشتغل حق منو ؟ حقي آنه ؟ حق جيرانكم ؟

مو يشتغل حقك انتي وحق اخوانك وخواتك ؟

يا الله باك ر إذا عرف باللي قاعده تسوينه المسكين شنو بيصير فيه

بيتفشل بين الناس

بتنزلين راسه في الأرض

بيستحي حتى يروح شغله

الكل بينظر له بنظرة استحقار

المسكين اللي قعد ليل ونهار يشتغل عشان يوفر لك حياة كريمة

من لوازم مدرسية

غيرك اصلاً مايقدر يدخل مدارس !

ومن ثياب وأكل ومكان تنامين فيه

وبيت تعيشين فيه ... وملايين في العراق وباكستان و و و إلخ مو قادرين يلقون مكان ينامون فيه !

ك ذا تجازينه ؟

ترضين أحد يقول عن أبوك : ما عرف يربي بنته ؟

والمسكينه أمك لا سمح الله يمكن يصير فيها شي من الصدمة

تقعد من فجر الله .. توعيك حق المدرسة

وترتب أغراضك وتنظف لك البيت وحملتك داخلها 9 شهور وتعبت عليك

وتسوي لك أكل تاكلينه

وتشرف على راحتك

هذي هديتها لك ؟

أما خواتك الناس ما بترحمهم ويمكن محد يتزوجهم

خامساً : تدرين هذا الولد شنو يقول من وراك ؟

شنو يقول في داخله ؟

يقول : هذي بنت مو زينه

ما اقدر اتزوجها

ليش اتزوجها .. يمكن تخوني لأنها خانت ربها وأهلها !

شلون بتربي عيالي واهيه كانت تسوي الشيء الحرام معاي ؟

شلون بتقدر تعبي عشانها وشغلي ... وهي ما قدرت تعب ابوها عشانها !

ولا تستبعدين ترى يمكن يقول حق اصدقاءه عنك ..

سادساً : خلاص حبيبتي

كل اللي تسوينه حرام

فكري بكلامي .. وعسى الله يهديك

طيب انشاء الله بسمع كلامك وكلاككم كلكم ... وبتركه وانا ادري ان هذا اللي يدور في راسه هالكلام اني مو زينه واني واني ....

ماراح يقول شي ثتني فاحسن اني اتركه انا بكرامتي ولا اهو اللي يتركني بمذله ..

مشكوورين ..

.. الله يصبرني وبشغل روحي باشياء ثانيه والحين المدارس قربت وبشغل روحي فيها

وانا من سببه العام رسبت في بعض المواد بس واسطة ابوي نجحوني ..


ومو جل مره تسلم الجره لازم اخذ حذري ..

مشكورين للمره المليون