السلام عليكم ..كيف حالكم
الشكوى لغير الله مذلة بس بقولكم وش قاهرني وهلك صحتي ابي افضفض ابي ارتاح
عدت اخر مشكلة بيني وبين زوجي بسلام لكن خلت لي اثر نفسي قلت لازم انسى وارجع قواي من جديد واخلي المركب تمشي ..المهم قلت له مسنجرك هذا سبب المشاكل ورقم جوالك تغير قالي اوكي
بعد اسبوع من المشكلة شبك بنفس المسنجر ان لان ومشغل نفس الشريحة الي له فيها ماضي
والله ياجماعة ان عروق راسي صارت تخبط ببعضها وحسيت بسخونة بكل اعضاء جسمي كنت بنفجر انا من اخر مشكلة معه وانا اخذ حبوب منومة مابي اذكر شى احتري بس متى يجي الليل عشان افصل وحالتي تصعب على الكافر ..المهم جلست اقوله ليش وماليش قال هذا مسنجري ومن حقي ادخل فيه وجوالي يعرفه كل الناس قال انا غيرت رقمي وماثر فيك وانا وربي البيت ياجماعة قلت له مشكور على تغير الرقم وماقصرت وللمعلومية الرقم هذا صارلي اكثر من شهرين اقوله غيره يعني ماحط شريحة ثانية حتى نشف ريقي ومع هذا شكرته وصار يتحجج باشياء تافهة ..هو له طريقة معينة يتسفرني فيها الي هو بروده مثلا اقوله شى اهاااااا اوكي اقول دق علي يقولي مشغول ادق مايرد وكل حركة تصير منه ترفع ضغطي واحترق مع نفسي وممكن اغلط عليه باي كلمة سبة اصير بدل ماني مظلومة اصير انا ظالمة وبالاخير انا الي اعتذره
واقوله اسفه ماني مقتنعة باسفي له بس مابي الخصام يطول معه كذا مقدر

وهو من يغلط بحقي مايجي يعتذر لدرجة اني اقوله انت مو المفروض تعتذرلي ؟ ارحم نفسي ياعالم يقول طيب اسف وبكل برود بروده قضى على اعصابي سحقني اتمنى اني لو عندي برودة اكثر من الثلج واعامله بنفس اسلوبه بس مقدر عجزت طبعي حار ولا صار الزعل بنفس الوقت ابي الامور تهدي هو ماعنده مشكلة حتى لو طول الزعل مافرقت معه
انا ماصرت احس بالامان ابد معه وتصرفاته معي تحسسني انه بايع مو شاري كل مرة اشتكي من شى وتنقلب علي السالفة واصير انا الي اعتذر لانه يستغل وقت عصبيتي ويطلع مني كلام مب زين وهو يرد علي ببرود واحس انه استفزني بالحيل
لا تقلون لي وش تبينه يسوي يصارخ معك لالالا مابي كذا انا ابيه يتفاعل معي وقت المشكلة ويحتويني ويحاول يراضيني وخاصا لو غلط بحقي مو يجلس يستفزني لين يخليني انا الغلطانة بالاخير وانا الي اعتذر له
بليز ابي تعطوني طريقة كيف اقهر زوجي مثل مايقهرني كيف اخليه هو يجي يعتذر لي والله حتى لمن يشوفني ابكي واتقطع مايرحمني

__________________