اول شي يا عشوقه مبروك ان العرس ما تأجل :14:
يلا يا عروسه شدي حيلك و خلي نفسيتك عاليه و الا ترى يبان يوم العرس

انا كمان مغتربه و بعيده عن اهلي في بلد ثاني
ايام الخطوبه و الزواج ابدا ما جاني هذا الأحساس بالعكس كنت مستعجله متى اتزوج و اروح عند زوجي حبيبي
افكاري كلها كانت منحصره بكيف وضعي راح يكون هناك في هذاك البلد
و كيف ان انا و زوجي راح نقضيها سهر بالليل و طلعات و فسحات في النهار
سبحان الله ابدا ما فكرت اني راح ابعد عن اهلي, لأنه البلد الي راح انتقل له يبعد بس ساعه و نص بالطياره
و كمان لأني كنت بكمل دراستي كنت رايحه و جايه بين اهلي و زوجي
و اول سنتين زواجي كنت عند اهلي اكثر بسبب الدراسه و الحمل كمان

و بصراحه لأسباب خاصه كنت فعلا ابغى اطلع و ابعد عن البلد هذا و انسى كل الذكريات فيه

و الحمدلله الين استقريت نهائيا عند زوجي و بدأ الجد
و أعتقد ان اول مشاركاتي بالمنتدى هذا كان عن وضعي و عن الوحده و الملل و صعوبة التأقلم مع الناس لأختلاف اللغه
و حالتي كانت جدا صعبه و كئيبه و كمان لأننا كنا بعيدين عن العاصمه و المساجد و النشاطات الإسلاميه
وكمان انا بطبعي اجتماعيه جداااااا يعني كان مستحيل يعدي يومين ورى بعض من غير ما اطلع و اسوي شي
كنت مشتركه بعدة نشاطات و غير الرحلات الشبابيه و كمان حضور ندوات و محاضرات
و فجئه كل هذا اختتفى.. كل شي راح و صرت لوحدي بين جدران البيت و زوجي لازم يطلع على شغله
و الأصعب كان اعتمادي الكلي على زوجي.. يعني اتخيلي لو ابغى افاجئه بهديه بيكون هو معاي

اول خطوه للتأقلم بالنسبه لي هي اننا انتقلنا للعاصمه و صار قربنا و جيراننا عوائل عرب
و كثرت النشاطات و طلعت من الوحده و كمان اتعلمت لغة البلد بنفسي عن طريق كتب من المكتبه و أشرطه و زوجي كان معلمي

و الحمدلله تأقلمت و الحين اكثر بسبب اطفالي و لأني اخطلت مع الأمهات الثانيات
و الحمدلله مبسوطه اللحين و ما احس بالأشتاق الزايد لأهلي.. الحين يمكن يمر اسبوع و ما اتصل فيهم
بس بنكون دائما متواصلين بالمسنجر و السكايبي

و كمان انا علاقتي بأبي اقوى بكثيييييير من امي, تلاقينا انا و ابوي متفاهمين و نتكلم في كل شي و اي شي
و هو مرجعي و مستشاري الأول
اما امي علاقتي فيها كمان حلوه و الحين بعد ما تزوجت و صرت ام صارت علاقتنا كمان اقوى

اما انتي وضعك غير احمدي ربك
اهلك عندك في نفس البلد ولو في منطقه ثانيه و في بلد عربي و اللغه تمام

انتي حاولي تتقربي من الجيران.. اعزميهم عندك اول شي و تعرفي عليهم و خليكي كمان حذره بأختيار الصحبه الصالحه
اشتركي بنادي رياضي حتى لو نحيفه الرياضه صحه و نفسييه حلوه
كمان اشتركي بدورات لغه او كمبيوتر او حتى اشغال يدويه
و كمان ليش ما تكملي دراستك و تحاولي تنشغلي فيها
و نصيحه صادقه مني ياريت لو تأجلي الحمل سنه او سنتين و عيشي حياتك و استمتعي بالرومانسيه مع زوجك
لاحقه على تعب الحمل و السهر و وجع الراس


ياويلييي طولت توي انتبه هههههه
معليش اعذريني,, ترى هذه كانت فتره جدا مؤلمه و ما يكفي الأختصار بسطرين

مبروك مقدما على العرس :14: