الأخ المحتار
أرجو إخباري بما يحصل معك من جديد

أخي البليغ والله إني ممتن لك وأشعر إنك أخ ناصح تتقي الله فيما تكتب مما جعلني أشعر أنك وأمثالك تعتبرون عماد هذا المنتدى تنصوحون وتوجهون.
أماعن الجديد :
طبعا تغير الوضع وأصبح البكااااااء ملازم لها حزنت عليها كثيراً وصارت في حالة هستيرية .. تناديني وتقول وأطلع من عملي خير تقول اجلس أقول طيب وأجلس أمامها .. ما عندها شيئ تقولها فقط بكااااااااااااااااااء وبعدين تبدأ تتكلم وتقول والله ما أسامحك .
أقول قبل كم يوم تقولين روح اتزوج غير مأسوف عليك وتقولين والله لأساعدك في المهر والحين تبكين ، حاولت أهدئها وإن اللي حصل لأني محتاج إلى إنسانة تعفني وإنتي رفضت تقومي بواجبك تجاهي .
لكنها في حالة هستيرية .. تخيل قلت لها صلي على النبي قالت ما أعرف الله ولا أعرف النبي وبدأت تردد كلمات كفرية .
تركت النقاش معها خشية عليها والتزمت الصمت .. طلبت جوالي وصاحت أعطيتها الجوال أخذت تقلب فيه تدور رسائل ولما ما وجدت شيء ضربت الجوال في الجدار لما صار كل وصلة في جهة .
والحمدلله إن الجوال سلم ورجع اشتغل .. وطلبت مرة ثانية وأصرت قلت خذيه وخليته عندها لين هدأت.
كلمت أمها تجي عندها وتهدأها والمصيبة إن الحريم غير موثوق في كلامهن .. لأني سبق إني رحت لأمها وشكيت الحال وفهمتها على كل شيء والله حتى الوضع الخاص لأني ما أتحمل .
كان رد أمها بالحرف الواحد قالت : روح اتزوج والله إنك معذور وبنتي ما حد يقدر عليها كلنا عجزنا فيها وهذا الكلام ما قالته مرة وحدة بل أكثر من مرة.
لما طلبت من أمها تهدأ الوضع وتجي للبيت وتجلس مع بنتها قامت تصارخ علي وتقول ظلمتها .. وقهرتها وعذبتها .
البيت عندي يغلي والعيال يراقبون الوضع باندهاااااااااش تااااام ، أمهم مشغولة بمصيبتها وجدتهم ما طلبتهم عندها عشان ما يتأثروا ، وأنا ماعندي مكان ثاني أخليهم فيه.
حاولت البارح أخذهم لبيت عمهم مع إنه بعيد عشان يلبعون مع عيال عمهم وينسون الموضوع ، لكن ما زال الوضع في البيت متأزم .
الله يصلح الحال

__________________

سبحان الله ليش ما تنلام .. يعني أكثر السنين اللي مرت علينا وهي حارمتني من حقوقي كزوج ولا أستطيع الوصول إلى حقوقي وخاصة حق الفراش إلا إذا هي مزاجها معتدل وراضية .. وبالمناسبة هي عنيدة لأبعد الحدود حتى لما كانت في بيت أهلها . كانت دائما في مشاكل مع أخوانها وأمها.
امرأة غير قادرة على إسعاد زوجها ولا قادرة إنها تعفه .. ودائماً ترد بصلافة وعناد وتحدي وتكبر ولا تعترف بي كزوج واذا أرادت مني شيء تقلب علي الدنيا حتى أنفذه .
إمرأة يهددها زوجها بإنها رح يتزوج عليها إذا ما تعدلت تقول وبكل جرأة وتكبر روح اتزوج غير مأسوف عليك .
تجي إنتي في هذا الرد وتقولين ما تنلام.
سبحان الله كيف تفكرون .

__________________

الصراحه اي حرامه على وجه الارض ماترضى ان يشاركه احد في حبيب وشريك حياته
انا اشوف انك تبعد عنه فتره وترجع وراح تشوف التغير في حياته اتجاهك لانها راح تغار وراح توراك ازين ماعندها لان تبي تترك زوجتك الثانيه وانا من كل قلبي اتمنى تنصلح حياتكم وتنسى موضوع لزواج والله يوفقك

طيب من التانية الى تبى تتزوجها؟ وهل انت متاكد انها راح تسعدك وكم عمرها؟ وكيف خطبتها؟
معليش اخى ااانا قلت لك كذى عشان اوريك المثل الى يقول امسك قردك لايجي الى اقرد منه

__________________

أعرف المثل هذا بس ما ينطبق على حالتي ولو حصل إن اللي جاي أقرد من بدري رح أتخلص منه.

__________________

أتوقع إنك ما ركزتي في الموضوع زين وخاصة ردي رقم3

ركزت وهذا هو الرد الذي أردت لن تتغير زوجتك بين يوم وليله بدون سبب وجيه وهذا هو السبب بإعترافك بنفسك ..
كان لي قصة حول هذا الموضوع لأني سبق أن خاطبتها بكل صدق وأني في خطر وأخشى على نفسي وأن إيماني يضعف أما الفتن وقلت لها اتق الله فلم تلق لكلامي أي أهتمام وحصل مني زلل لأني تعرفت على فتاة وكنت ناوي أخطبها لكن الفتاة هي اتضح أنها لعوب وطلبت مني أن أطلق زوجتي فرفضت فكادت لي الفتاة وحاولت الوصول إلى زوجتي ونجحت في الحصول على إيميلها وجوالها وأخبرتها أنني على علاقة بفتاة .. الحاصل كانت قصة مأساوية أفقت بعدها لأنها سببت لي صدمة . وعاهدت بعدها أنني لن أعود لهذا الوحل وقلت لزوجتي أنا محتاج إنك تعفيني عن الحرام فرفضت كل ندائي لها حاولت وصبرت هددتها بأني سأتزوج فقالت تزوج غير مأسوف عليك.


إذا عرف السبب بطل العجب ، وجاي هنا تسأل عن سبب تصرفاتها ؟؟
حاسب نفسك قبل أن تحاسب الآخرين ، لو هي اللي مسوية اللي سويت وسوت علاقة مع غيرك بتكون ردة فعلك طلاقها ، نعم الشرع حلل لكم أربع زوجات ـ بس بما شرع الله بطريق كله حلال بدون غش وخيانات من ورى الظهر ، اللي يبي يتزوج يكون صريح من البداية ويعلن لزوجته ويناقشها في الموضوع ، ما يروح يسوي علاقه بهدف الزواج وانت سيد العارفين أن العلاقات اللي زي كذا عمرها ما كانت للزواج ( وتدري وش تكون له بالذات هذي العلاقات ) لا تظلمون ولا تخونون ولا تحللون لأنفسكم ما تحرمونه على زوجاتكن بدعوى الحلال والحلال بعيد كل البعد عن ما تفعلونه من خيانات ـ إدخلوا البيوت من أبوابها إذا بغيتم الحلال فعلاً .. الله يهديك ويهدي كل ذكر مثلك ، والله يعين النساء على خياناتكم على فكرة أنا لا أعلم الغيب ولكن لن تتوفق في زواجتك القادمة لأنك ظلمت زوجتك ، وتذكر هذا الكلام ..

__________________

طيب يا فاهمة ويا فيلسوفة .. ليش ما نظرتي لخطأها اللي هو أفدح من خطأي وكان هو السبب في خطأي أصلاً .. يعني في السنة الواحدة ما أستطيع أن أصل إلى زوجتي إلا مرات معدودة ومحدودة جداً السنة كلها 360 يوم خلاله ما أقدر أخذ حقي إلا 20 يوم مع المبالغة الشديدة .
كم صبرت وكم حذرتها وكنت والله إنسان عفيف وبشهادتها هي .. كنت أحاول أقنعها تتعدل وأحاول أفهمها إني في خطر ، قبل كذا والله عمري ما كلمت أي بنت ولا كان لي علاقة أبداً من هذي العلاقات .. حتى قبل زواجي .. ووالله ما وقعت إلا بعد محاولات أكثر من سنة ونصف من تلك الفتاة ، حاولت أتخلص منها لكن زوجتي للأسف طناااااااااش .
حذرتها حاولت أفهمها إني في خطر أحتاج إنك تعفيني .. خوفتها بالله وبأن الملائكة تلعنها كل ليلة حتى تصبح تقول مو شغلك أنا وربي نختلص .
بعد كل هذا وأنا عملي كان قريب من الفتن ووالله إني تركته مع حاجتي الماسة إليه هروبا من الوقوع في نفس الخطأ مرة ثانية .
بعد كل هذا تجين وتقولين الرجال يخونون ولو خانت الزوجة صار ما صار ..
لعلمك ترا الزوجات فيهن خيانات لكنها ما تنكشف بسهولة ..
كوني منصفة أكثر وفكري قبل أن تكتبي لأن كل ما تكتبيه هذا ستحاسبين عنه أمام الله .. لأن المنتدى هنا قائم على النصح وتبادل الآراء والحلول .. وارجوا أن تتركوا الردود المتشنجة المتعصبة ..

__________________

تخونها وكيف تبغالها تعاملك تاكد ان نهاية حياته معاك راح تكون طلاق وثاني شي تقول انك تحبها اي حب هذاالي يخليك تتزوج عليها وانا لومكانها راح امشي واسيبك مندون تردد ولايعد تبغى تموتها قهر وتسكنها جنبها ماقول الا اللة لايبلان واساساانت الي قتلت في نفسها اي حس جنسي ناحيتك لانك خنتها وبتتزوج من وحدة متعرف عليها وانسى انة يكون بينكم اي تفاهم لان الغلط راكبك من ساسك لراسك وهذا تصروفاتها كلها معاك لانها قاقدة الثقة والامان معاك واتحدى لو هو السبب الحقيقي الي بيخليك تتزوج عليها انت تكرها هذا هو السبب لاوماتبي تعيد الاغلاط الي سويتها معاه مع الثانية
بريي انت زوج لاتستحق الاحترررررررررررررام ابدا

من جد بعض الردود باهتة وغبية جداً .. كلامك فقط للانتصار لبنات جنسك ولا فهمتي الموضوع .. يعني أنا قبل أخونها هل كانت معامتلها زينة .. طيب لو كنت ما خنتها أصلاً هل كانت ستتعدل .. كانت قبل أخونها تقول بالفم المليان ما رح أتغير ..
فاقدة الثقة ليش وهي اللي اختارت هذا الطريق .. قتلت في نفسها أي حس جنسي .. لا والله هو مقتول من قبل أخونها من يوم كنت أترجاها إنها ما تقصر في حقي كزوج تقول روح اتزوج ومقتول من يوم كنت أحذرها إني أخاف على نفسي من الفتن تطنش .. ومن يوم كنت ألمسها تقلب الدنيا نكد وتقول أنت قليل أدب .. تخيلوا وحدة تقول لزوجها هذا الكلام .. هذي مو خيانة لزوجها ومو نقض للاتفاق اللي في العقد .. قتله العناد والتكبر وشوفة النفس ..
نصيحة إنتي وأمثالك إذا ردودكم بهذي الطريقة اكتفوا بس بالقراءة ولا تحملوا أنفسكم ذنوب بانتقاص أحد من الأعضاء اعترف أنه سبق وأخطأ .
وللمعلومية أحمد الله وأثني عليه إنه منّ علي إنك مو إنتي اللي مكانها لأنها الظاهر أفضل منك بكثييييييييييييييير .. ، ولو كنتي فعلا مكانها أنا اللي ما كنت رح أصبر يوم واحد.
اللهم لك الحمد والفضل.
بس لا عاد تدخلين موضوعي وخليك إنتي وأمثالك خارج الموضوع لأنه لا مكان هنا للمتشنجين والمتشنجات وأرحب بكل اللي عندهم توجيه ونصيحة وطرح جيد وفكرة مفيدة.
الموضوع للإصلاح وليس للتشفي

__________________