لاتخلي كل تفكيرك فقط بزوجك وكل ماسوا شي تشكي فيه حرام عليكي
بكرة الرجال يمل ويطفش
وكوني متاكدة يااختي لو زوجك يبغى يسوي شي غلط يسوي ومارح تعرفي بس الحمدلله هو صريح ومتعاون معك وللان متحمل
الله يهديك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

أشهد أن لا إله إلا الله وأن محمد رسول الله صابره خير يا خيتي وش صار علينا وش فيك تعوذي من الشيطان قبل يومين وأنت إيش حلاتك و جالسه تتغزلي بزوجك وتقولي الشعر فيه وحسينا إنك أحسن وصرتي بأفضل حال من قبل وش فيك يا أختي أول شئ ياصابره أتقي الله في نفسك و في زوجك وفي أختك ياصابره زوجك إنسان يخاف الله و يتقيه فلا تظلمينه بلوساو س وسؤ الظن يا أختي ليش تسوين بحالك كذا يا أختي أطردي هالتفكير عنك
بعيد ولو حسيتي في الشيطان جاك يوسوس لك أفزعي لصلاة
وقراءة القرآن أقهريه أنت بذكر الله ولاتخلينه يقهرك و يسلب منك راحتك و سعادتك ويخرب حياتك صابره ترى لصبر حدود وزوجك لابد يجي يوم و يستنفذ طاقته في الصبر عليك وترى الرجل ماراح يندم على فعل شئ يسويه بقناعه منه أنتبهي ياصابره زوجك إنسان وله أحاسيس ومشاعر وعنده كرامه
وأنتي بشكوكك و أوهامك هاذي و أفكارك تطعني بكرامته وأخلاقه صابره زوجك يحاول إرضائك وإلا كان ما راح تجبرينه إنه يسمعك صوت أرحامه و هو بعيد عنك المفروض تثقين بزوجك وما تاخذك أفكارك لأشياء أصلا ليس لها وجود أو ذكرفي حياة زوجك أنا نفسي أفهم ياصابره أنتي ليش تفسرين الأمور بهاذي الطريقه لماسألتك عمتك عن زوجك ليش شكيتي بكلامها وليش أي فعل أو قول من زوجك تفسرينه بطريقتك الخاصه و على حسب رغبتك ياصابره ترى الحب نعمه لا كن إذا زاد عن حده إنقلب على راعيه نقمه صابره أنتي إذا أستمريتي بهاذا النهج وهاذا التفكير ماراح ترتاحي أبد وحياتك بتصير هلاك لك ولزوجك و أنا أقولها لك بصريح العباره و لاتزعلي من كلامي
لأني و الشاهد الله إني أبغى مصلحتك إذا زوجك شاف تفكيرك تجاهه بهاذي الطريقه صدقيني ماراح يتحمل إللي جالسه تفكرين فيه وفي النهاية
أخاف أنت إللي تخسري حياتك ومستقبلك مع زوجك صابره أنتي لازمك تغيري أسلوبك وطريقة تفكيرك تجاه زوجك
وترى ماصارت يا أختي كلنا متزوجين و نحب أزواجنا وندور رضاهم و ندور الطرق إللي تقربنا منهم مو تنفرنا منهم نمنحهم الثقه و الإحترام والتقدير قبل الحب وش فايدة الحب إذا أقترن بالشك والغيره ياصابره الشك والغيره تحرق الحب الشك والغيره وعدم الثقه مقبرة الحب و نهايته شوفي لو زوجك مثلا أعطاك الحب فقط ولا كنه غيور وشكاك وماعنده ثقه فيك أنت تخيلي في نفسك كذا وشوفي هل تقدري تعيشي معاه
أبد وحياتك معاه بتصير تحت رقابه تامه حتى التلفزيون لو فيه رجل وشافك تطالعي فيه بيقول لك عجبك الرجل هاه
جالسه تطالعين هاه أنا ما أنا مالي عينك ولا راح تتهني لا بسفر و لاسوق ولا طلعه وحتى حركاتك يراقبها أرجوك أرجوك ياصابره حاولي تخلين نفسك عكس زوجك و خليك محله وتخيلي كل العلل والأفكار إللي تجيك في زوجك بالله عليك أعكسي الوضع وتأمليه الحين الحين بينك وبين نفسك وشوفي إيش يكون إحساسك وشعورك إذا زوجك شك فيك إنك تكلمي أخوه من ورى ظهره وإنه يتخيل إن بينك وبين أخوه علاقه أنت فكري بعقلك ليش تخلين نفسك صيده سهله لأفكار بليس والله ياصابره أختك هاذي إللي جالسه توسوسي فيها لو قدر الله وجاها شئ والله ماغير تندمي على أفكارك وتعضين أصابعك ندم ياصابره هاذي أختك من لحمك ودمك كيف يطاوعك قلبك تفكري بهاذي الطريقه تجاها أحيانا الإنسان مايحس بقيمة الشئ إلا إذا أفتقده و هاذي أختك و حيدتك
ليش تاخذك الظنون السيئه لها
صابره تراني لحد الآن ماقلت شئ و عندي كثير كلام لك بس ماعندي و قت أقوله الحين برجع لك بوقت آخر إن شاء الله تكوني بحال أفضل من الحين
ومزاج أحسن وأتمنى ماتتضايقي من كلامي لأني تضايقت من عنوان موضوعك ودخلت مد رعمه على طول وبصراحه ماتحملت وكتبت إللي بخاطري بدون مجامله تبغين تزعلين مني كيفك تبغين ترضين كيفك وأسلم عليك ياصبوره وألقاك على خير إن شاء الله تعالى .



‏ ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

وقسم بالله يام سلطان انتي استحي منك
والله طاح وجهي وانا اقرا كلامك
والله اني اشيل همك بكل مواضيعي واستحي من ردودك ونصايحك لي
واستحي اني مقدر انفذ نصايحك
استحي استحي والله عالم
صدقيني كل الي يصير لي غصب عني
صدقيني اتمنى الموت ولا اعيش الي اعيشه
الاحلام اذبحتني يام سلطان
اليوم العصر غفت عيني واتحلم نفس الحلم المخيس
وبعدين حلمت ابو زوجي الله يرحمه يقولي تروشي بروق السدر
ولله يام سلطان احلام لو اقولك عنها يوقف شعر راسك
ياحبيبتي نفسي اموت ولا اظلم احد لا بشكي ولا بوسواسي
انا احب اختي هي وحيدتي
اليوم دخلت علي مسنجر وتقوووولي وحشتيني وتقوللي ابيك تجيبين لي هدية من السعودية
قلت لها وانا وجهي مكشر وش تبين؟



قالت ابيك تجيبين لي موية زمزم
وقسم بالله اكتب لك وابكي
وبعدين هجمت عليها بالكلام قلت انتي اصلا ماتقولي اني وحشتك الا وتبين مني مصلحة يالمصلحجية
قالت عشان قلت لك زمزم صرت مصلحجية؟
واهي قبل هالاحلام لو تطلب عيوني اعطيها
بس اتاثر واتعب
انا عارفة يام سلطان انج بتقولين لي احلام وافصلي الحلم عن الواقع
اقولج صح بس تراني اتاثرررر وايد
وااثار الاحلام تتحول عندي الي شك
ادعيلي يام سلطان انتي قلبك طاهر
ادعيلي دعوة يمكن تصيبني واحتسبي اجرك معي عند الله

__________________

امين حبيبتي

__________________

صابرة بصراحة

لو زوجك تزوج عليك .. وش بتسوين؟

تذكري الله يا صابرة.

تذكري إن بعض الظن إثم.

تذكري إنكِ قد تكسبين ذنباً بسبب سوء ظنكِ بزوجكِ.



ونعم .. أتصور أن جزءاً كبيراً من معاناتكِ سببها عدم ثقتكِ في نفسكِ.

__________________


اللهم طِيبَ الأثر .. وحُسْنَ الرحيل.

حبيبتي مهرة وربي ماودي اكسب اثم حتى بكافر
فما بالك زوجي
تتوقعين ان الشى هذا بارادتي وانا اتعمده
انا اتعذب اتعذب بمعنى العذاب
انا كانت عندي ثقة بنفسي جبارة قبل الزواج
لدرجة اني كنت اقنع نفسي اني ملكة جمال
واصدق حالي
كان فيني غرور بنفسي واقول انا وبس
مع التمسك طبعا باخلاقي ومبدائي
صدقيني ضاع كل شى فيني حلو يامهرة

__________________

حبيبتي هذا كان شرطي عليه قبل الزواج
ووعدني في البيت الله الحرام انه مستحيل يتزوج من ثالثة
ويلا الخراج مع اثنين
واذا تزوج بنسحب من حياته
للي اوله شرط اخره نور ياتالينا انا شرطت عليه ذا الكلام قبل لا يملك علي وقدام الاهل ووافق
انا مؤمنة بشى ياحبيبتي تالينا ان الانسان ماهو مجبر يتحمل شى يعذبه
وربي ماخلق الرؤوس مفرقة الا عشان ترتاح
وقلت له يعني لا تضيع لي عمري وحياتي ترى اذا تزوجت بطلق ولو عندي معك درزن عيال
ووعدني قبل الزواج وحلف لي انه مراح يتزوج وصعب ثلاث حريم بهذا الوقت
وارتبطت فيه على هذا الاساس

__________________

حبيبتي صابره ... ليش الاصرار على الخطأ خاصة وانه معذبك ومتعبك ؟؟؟؟

طلبتي ان ما نقسى عليك .. ولا ودي اني اكتب لك رد قاسي شوي لانك جايبه لنفسك عوار الراس والقلب ومو هاينه
علي ابد ..

كل الحاله اللي انتِ فيها .. من وساوس الشيطان ... والشيطان نحن اللي نعطيه مجال انه يدخل لنا ..
تعوذي من الشيطان ... واتركي عنك الشك اللي انتِ مصرة عليه رغم المعاناة والألم اللي محصلته من وراه ..
تصرفاتك ممكن تخلي زوجك يبعد عنك .. وقتها ما ينفع الندم في شيء ..
نصيحتي لك .. انك تتقربي من الله اكثر ... الشيطان ما يلقى للانسان مدخل الا اذا كان الانسان مقصر في ذكر الله
والتعوذ منه .. فقوي علاقتك مع الله بيزول الشك .. وتذكري ان بعض الظن اثم .. وانتِ كم مرة ظنيتي بزوجك وطلع
ظنك مو في محله ..
الله يفرج همك ويريح بالك ... ويسعدك ويحفظك ياااارب

__________________

صحيح كلامك حبيبتي
يمكن البعد عن الله والتقصير في العبادات
اساله ان يغفر لي ويرحمني برحمته

__________________