من الخطأ تطبيق شيء ما على شيء ما
:::
لا تتشددي معه في النقاش
استخدمي معه أسلوب (كلامك صحيح...لكن...)
ربما سوف ينفع هذا الأسلوب
:::
كوني متأدبة لطيفة هادئة مع استخدام الصوت الهاديء الواثق...
:::
افهمي شخصية الرجل تماماً وتعاملي معه على ضوئها

صادق البليغ

أول ما تزوجت كان كل يوم هواش و سواطير

لكن ألحين الحمد لله أتبع نفس طريقة البليغ

صح كلامك و لكن ,, طيب اسمع وجهة نظري بعد ما أسمع وجهة نظره

صار يسمع لي و يأيدني

كنت أعلي صوتي بس ألحين أكون هادئة و واثقة

و الله طريقة جميلة اتبعيها فديتج و الحياة لابد يكون فيها نقاش لكن بشروط

الله يسخرهم لنا و يرزقك ذرية صالحة تنسيك حتى النقاش

__________________
ليتني طفلة أكبر همي لعبتي

نفس كلام البليغ و جداوية كنت بأقوله لك ..

قريت مرة في كتاب ، إنك عشان تقنعي إنساان بوجهة نظرك المخالفة لوجهة نظره ..
فأبدأي ، بكلمة ( صح ) ، صح .. معاك حق ،، ايوة .. أتفق معاك ..

ثم ، يوم تحسي إنه بدأ يرخي .. قولي له ، معاك حق و أتفق معاك .. بس فيه نقطة
صغيرة بأضيفها .. و قربي جهة نظرك بأمثلة يحبها زوجك .. أو حكاية مثلا ..

إذا شفتي الموضوع بدأ يخرج عن مساره ، و بما إنه جدل ما راح ينفعكم و لا يضركم ..
فابعدي عن الجدال و تعلمي فن ( التغابي ) ..

أ / روح الطير

ممكن تكلمينا شوية عن فن التغابي

الله يرضى عليك يا أم علي هههه

__________________
ليتني طفلة أكبر همي لعبتي

ههههههههه جداوية ..
مسّكتيها علي حرام عليك ؟ دحين كل مين قرأ ردك ناداني أم علي ..
بتكرهيني في النونو من بدري ؟


فن التغابي .. من تعريفي يا د/ جداوية
إنك تحسسي اللي قدامك - خاصة لو كان من جنس الرجال - إنه كلامه صحيح ..
و إنه معاه حق ، و إنه سيد العارفين و الفاهمين .. يعني خذيه على قد عقله
( أقصد في الأمور اللي ما تستاهل و اللي ما تأثر في حياتكم الزوجية )

بس مو دايما ،.
مرات إذا زودها ، فلازم تعطيه على دماغه عشان يحس إنك تتغابي بمزاجك ههه
و يحس بالحماس و الأكشن في الحياة الزوجية

أعطيه ع دماغه بإيش قصدك ساطور و لا شاكوش و الله صدق حماس و آآآآآآآآآآآكشن اليوم بجربها


المعذرة يا موهبة

__________________
ليتني طفلة أكبر همي لعبتي

المعذرة يا موهبة[/QUOTE]


بالعكس يا قلبي اخذي راحتج
هالمداخلات يزيد الموضوع اثراء

بارك الله فيكم

__________________
لا اله الا انت سبحانك اني كنت من الظالمين

نورة حبيبة قلبي
شكلي باسوي مثل امج الله يحفظها اتظاهر بالاقتناع الخرجي فقط
الى ان يحس اني مابي اتناقش معاه بسبب الخصومات اللي فاتت
عسى الله يفتح عليج دنيا واخرة




عزيزتي نبض الدان
احس مثل ما قلتي ما يبني اصير احسن منه باي شي
يبي دايما هو اللي ماسك زمام الامور
جزاج الله خير
والله يشافي حبيبتنا لمني بشوق





شقردية
اسعدني تواجدج ومشاركتج



يا قلبي عليج يا دانة المغرب
انا قصدي ان هو شرايه بالمراة القوية
ما سالته ان انا امراة قوية والا لا ؟؟
ومشكورة على النصيحة
استفدتج منج ويد يا عمري



شوكة بين الورد
الصراحة ما احب الحياة جذي جامدة مافيها مناقشات
بس شنسوي مجبر اخاك لا بطل
بارك الله فيج

__________________
لا اله الا انت سبحانك اني كنت من الظالمين

اخي البليغ
انا هادئة واتكلم بصوت هادي
بس هو الله يصلح حتى سابع جار يسمع صوته
شكرا على مشاركتك





اختي جداوية
اسوي مثل ما قلتي
بعد ما اسمع كلامه اقوله عطني فرصة اتكلم
يقولي تكلمي عدل والا مابي اسمع - قصده وافقيني بالراي- وقولي ان كلامي هو الصحيح وبس..
ومشكورة على دعوتج الطيبة




يا روح روحج ياروح الطير
الصراحة كنت انتظرج مشاركتج
استخمت نفس الاسلوب
ومن اجي باقول وجهة نظري
يبدا يقلب علي ويعصب ويهاجم
ومرة من مرات الهوشات اقصد النقاشات استخدمت اسلوب التغابي
بس ماكو فايدة عرف اني اتغابى
يمكن لانه هو عارف طريقة تفكيري
وان هاالاسلوب مو اسلوبي بس كنت بامشي الموضوع
مشكورة فديت قلبج على المشاركة

__________________
لا اله الا انت سبحانك اني كنت من الظالمين

جداوية ..

على دماغه بالطاوة أمزح معاك
زوجي أصلا ما يحب يتكلم ، فربي راحمه مني ..

بس إذا وعدني بشئ و نسي و لا تناسى ..
فمرات إذاا كانت شغلة ضرورية فأفكره بها و أقول له ( هااااه .. كلام الليل يمحوه النهار ؟؟؟ )

فيحرّف الحكاية و ( يقولني شئ ما قلته ) .. فأمشيها له ..
و مرات بس أجلس أطالع فيه ..!!!؟ و هو يفهمني و خلاص ننسى الموضوع ..

---------------------------

موهبة الكويت ..
يسعدك يارب .. فديتج على قولتكم ^^

شكله زوجك شمالي شرقي ، مثل أخوي ..

و زوجك زي ما قلتي ، شرقي ..
يعني يبغى يكون هو دايما - صح - .. و إنت تحبي النقاش ..
فلازم تتنازلي شوي ، عشان المركب يمشي .. : (