معاناة أرق تحولت لمسنجر وحب
السلام عليكم ورحمة الله وبركاته
اخواني اخواتي ليس لدي ابداع باللغه عشان اصيغ مشكلتي فارجو منكم اعطائي حلول لعل الله ان يوفقكم لحل يريحني ابدأ بالمشكله بس مو لي لـ اختي اكبر مني بعدة سنوات
في البدايه اختي تعاني من ارق بالنوم فتحاول لساعات بدون فايده المهم في يوم من الايام لقت ايميل دكتور نفسي اسمى نفسه دكتور صديق
المهم قامت اختي باضافته وشرحت له الحالة التي تعاني منها بشكل موسع لدرجه قالت له كل شئ بالبيت فقال لها ربما انك تحبين عشان كذا ما تنامين فاقترح عليها ان يختبرها اختبار اسماه اختبار الحب والنتيجه ان اختي لم تحب احد بحياتها المهم وبعد عدة جلسات على المسن طبعا كان يحدد لمرضاه ايام كل يوم لعلاج حاله من الحالات وصرف لها حبوب بس بشرط تخبره اين يقع بيتنا لان في البدايه لم يصرح لها بالسبب اقصد حرصه على احضار الدواء للبيت وبعد فتره اختي ما صارت تدخل المسن اهي كانت متعمده لانها قالت لي اصر على انه يحضر لي الدواء الي البيت وانا رفضت المهم بعد فتره
ارسل لها رسالة بريد الكتروني وقال لها انه تعلق فيها واحبها بشكل جنوني من طريقة كلامها اسلوبها معه قال اهي اللي تصلح زوجه لي المهم اختي ما دخلت سوت ايميل ثاني على انها صديقتها وسوت اضافه للطبيب النفسي وقالت له انها تعاني من مشكله واضافتك عن طريق فلانه تقصد اختي واهي اساسا اختي بس بتشوفه اهو صادق في الزواج او لا المهم يوم شرحت له حالتها ووصف لها العلاج قال لها ممكن نطلع برا العلاج شوي
قالت له عادي تفضل وش عندك
قال انتي تعرفين فلانه يقصد اختي قالت له هذي صديقتي من زمان قال لها انا راح اخطبها بالله قولي لها وشوفي رايها فيني المهم انه صار صديقة اختي وهي في الاساس اختي مو صديقتها بس بتشوف اهو صاد ق اوكذاب السالفه طووووووووويله جدا بس انا قلت باكتب المفيد عشان تكونون على بينه المهم
بعد فتره يقول انه سافر امريكا يكمل الدكتوراه
واكتشفت بالصدفه انا اختي ترسل له وتكلمه بين فتره واخرى بدون عقد او حتى خطوبه اناحاولت خلال 4 شهور اني احصل على دليل قوي على انه اهو الدكتور ولقيت مره رساله وتاكدت حاولت انصح اختي بطريقه غير مباشره
بس مافهمت
في الاخير قررت ارسل لها رسالة جوال قلت فيها فلانه اتقي الله ترى والله اني ادري بكل شي بس ساكته المهم يوم ارسلت له وقرأت الرساله عصبت وقالت لي خير وش مسكتي علي عشان ترسلي لي الرساله انا واثقه من نفسي وراحت اتصلت على صديقتها وقالت لها قولي انه اخوك وصرفت الموضوع المهم ارسل لي الدكتور على جوالي يقول ولا تجسسو والصداقه مو بالغصب ياشين النشبه انا مافهمت ايش يقصد بالصداقه اللي يقول عنها المهم ارسلت له الايه اللي تقول واتوا البيوت من ابوابها الى اخر الايه رد على برساله طويله عريضه يدعي عليه وعلى اخوي ويقول انه حرمه مو رجل والرساله مررررررره طويله وان الله راح ينتقم مني على اللي سويته باختي وانا والله ما سويت شى غير الرساله وكان الموضوع بيني وبينها ماحد يعرف من اهلي كله عشان ما اقلل من قيمتها لانها انسانه ماشاءالله عليه تصلي وتصوم وقيام ليل الله يثبتها يارب المهم وقبل شوي ارسل لي رساله انا فلان اخو فلانه اللي اهي صديقة اختي انا رديت عليه
يا اخوي فلان او فلان كل شى واضح بالنسبه لي بس اشوف انا اللي رجل كامل وواثق من رجولته ودكتور ما يكذب بعد ما يكتب رساله على انه حرمه صدق عش رجب ترى عجب
اسفه طولت بس اريد نصايحكم بالموضوع لاني والله وبالله وتالله الموضوع عندي واضح الادله عندي بس اختي تنكر وتصر علي اني انا ظلمتها انا حطيت نفس غبيه ومشيت الموضوع على انه اخو صديقتها بس حتى ولو والله لو اهلي يدرون بالموضو راح يذبحونها
هل اسكت وانا اشوف الغلط ام ماذا افعل
مشورتكم بارك الله فيكم ..
التعديل الأخير تم بواسطة في الإنتظار ; 06-04-2011 الساعة 11:51 AM
السبب: ليتناسب مع المضمون
05-04-2011, 01:32 AM
ضوابط المشاركة
العرض الشجري