اخوي : ليه الغرور

هذا الاخ الي جاب لها الهدية ورفضتها زي ما قالت لي يدري انها متزوجة وقد شافني يعرفني يعني لكن شخص حقير حب يستغل الوضع المهم اما اهلها فحسب كلامها انه كلمها هي مباشرة ولما قلت لها كيف سمحتي له قالت هو جاء البيت وجايب الهدية ويبغى يتقدم لي قلت له انا لسه على ذمة زوجي
وكيف تقولي هذا الكلام هذا اللي مخليني مستغرب ما جاء في بالها اني هاقول كيف اساسا اتجرأ وسوى كده ولا الا اذا في تشجيع من كلامها عني ،
اول مرة تجلس عند صاحبتها الفترة هذي والمشكلة الكبيرة ليس لي بها علاقة ولكن مشكلة قضائية ضدهم وكنت مقدر انها تكون متضايقة بس المشكلة لما سابتني حصلتها عادي ووجها عادي وصالون ومرتاحة
بالنسبة للخيانة اقولها وانا مستحي شوية مرة وحيدة في حياتي كانت قبل هالمشكلة بثلاث شهور واعترفت للاسف من هبلي وعبطي مع اني كنت تبت ولكن تقبلت وسامحت وانتهى الامر

اذا عرف السبب بطل العجب.....!
الخيااانه مررره والله مره خصوصا انه بينكم حب قبل الزواج ... وبعده .؟...!


ثانيا موضوع الرجل اللي جايبلها هديه اظن والله تعالى اعلم انها تريد ان تثيرك باي شي وتحسسك انها لازلت مرغوبة ولو كانت ام اطفال ....!


وجلستها فبيت صديقتها ... يمكن عرفت فيها مع من خنتها .. ويمكن جلسة الصديقات واستنتاجاتهن وغرت صدرها زياااده عليك ....!

انت راجع حساباتك من اول وجديد
وفكر منيح ايش لي خلاها تعمل هيك
ما هي اعترفت انها تحبك
شوف وين الخلل وصلحه من قبل فوات الاوان
المراة مو ببساطة تترك دارها وتضحي باولادها من اجل انها تبي تغير زوج
انصحك بعدم التفكير بالطلاق خليها تفكر وانت كمان فكر
وان شاء الله بتتوصلو لحل
ملاجظة للاعضاء مش لي يجي يكتب ينصح بالطلاق
دعوا الرجل يفكر بروية
وكمان.......
لا تحملو اوزار الناس على ظهوركم
رب كلمةلا تلقي لها بالآ تهوي بك سبعين خريفا في نار جهنم )

__________________

اخوي الفاضل اذا تبي تردها لزوم تغير من شخصيتك وطريقة تعاملك معها كذا ما يصير
اخوي ممكن طلبت الطلاق بسبب انك سمحت لها انه تغيب عند خويتها اسبوع على الرغم انها هي الي طلبت منك لكن ممكن تفجأت مثلي ومثل كل الزوار هنا انك سمحت لها تغيب عن البيت اسبوع وعند صديقتها بعد وانا الي شايفه موب عادي
اخوي النساء بتحب زوجها يدخل بيها ويقول لا وممنوع ودوم يسالها ويغار عليها على الرغم تبدي انزعاجها لكن بداخلها فرحانه
اخوي نصيحه اذا ما تغير طريقتك وشخصيتك بالتعامل معها لا تردها خوفا من وقوع اشياء اخرا اكبر من الطلاق
والســــــــــــــموحه

__________________
تِبَسَّم لِلزمَنْ تكِفىْ تَرىْ صَمتْ الَقهَر حَراَّقِ:14:

الاخوة : ابغى حل ، cila ، محمود
اشكر لكم ردوركم وجهدكم في الاستنتاج والتفكير ومحاولة ايجاد الحل جزاكم الله خير

بالنسبة انها عرفت مع من خنت تعرف من اول وكان انتهى الموضوع وسامحت وعشنا كويس
ولكنها تحججت به من ضمن الحجج في اللقاء اللاخير
اما جلسة الصديقات فانا متاكد انهم زنوا على راسها في الموضوع بعد ان حكت لهم هم وامها بالتاكيد
اما اخي محمود انها تضايقت اني تركتها اسبوع فلا اظن ذلك بدليل اني اتصلت وكنت دايم معصب باتصالاتي بخصوص ها الموضوع ولاحظت انها تتهرب مرة تحاول تنسيني ومرة تقولي الاولاد بيلعبوا وانا ارتحت
وعلى اخر المدة كانت رسالاتي بالجوال شديدة اللهجة بانهاء هذا الاستهتار وتغير هذه الحياة واعتقد انه قالت اروح لاهلي عشان يتعلم ما يسوي كده

الواضح انك طيب ... وشخصيتك ضعيفه شووووي ... احسدك على قوة صبرك وتحملك
وزوجتك استغلت هالاشئاء زائد حبك لها ..
وانت اخطيت باشياء كثيرة
الثقة الزائدة
ترك الحبل على الغارب لها
دللتها ... حتى اصبحت عندها لاتساوي شي... لانك اصبحت طوع امرها

الحل
انت بين امرين واحلاهما مر
الحل الاول
تجي على نفسك وترضيها باي شكل ..
واذا اصبحت تحت طوع امرك.. غير من شخصيتك الانهزاميه وخلك قوي ولا تعطيها وجه زيادة عن اللزوم
ومشها على تعاليم الدين الاسلامي اللي ما يزعل احد ... وعودها على العوايد الطيبة والدروب السنعه .. واترك عنك المياعه والتساهل معها... لانه يقال .. اذا اكرمت الكريم ملكته واذا اكرمت اللئيم تمرداً
هذه ااذا اردت بناء حياتك بكل قوة وحزم وشجاعة واذا كنت تريد المحافظة على ابنائك ... لجل عين تكرم مدينة.

الحل الثاني
الواضح ان اهلها .. ماهم بعيدين عنك .. يعني ماحولك احد.
خربها معهم كلهم ومرمطهم مرمطه صح... بدل ما نت طايح لهم مثل الكسير .. خلهم يسمعون صوتك خلهم يحسون ان فيه رجال يحسب له الف حساب... والله يابعض الاوادم ما يجون الا بالعين الحمراء

هذا واتمنى لك التوفيق والعوض بالخير

شئ عجيب

فيه زوج يرضى على زوجته تبات برى البيت غير أهلها لمدة أسبوع ؟؟؟؟

انت السبب في كل شئ

المفروض تكون أقوى من كذا وتحزم أمرك

لانه الظاهر احد قاعد يزن على راسها ويخرب بيتكم وزوجتك ضعيفة شخصية من داخلها وتكابر


خلاص غير اسلوبك وطلقها وخد الاولاد وعلمها انك اتغيرت عشان اللي أثر عليها يفرح ويضحك عليها

زوج يخلي زوجته عند صاحبتها لمدة اسبوع !! هذي أول مره اسمع فيها

مايضر لو عند ابوها ,, مايضر لو عند امها , عند اخوها , عند خالتها

بس عند صحبتها !!

يا اخي اسمح لي هذا اصلاً مو منطق

وانت سبت لها الحبل على الغارب وخليتها على راحتها لين طلعت على ظهرك

كيف تنام عند صحبتها !!! كيف يا اخي كيف سمحت لها بها الشي

يا اخي الفاضل

إسمح لي اقولك انت السبب في كل اللي حاصلك

انت خليتها على راحتها , تدخل وتطلع

شخصيتك جداً ضعيفه بمعنى

تقولك ابغى اطلع : قولها مافي طلعه ولا عاد تناقش في الموضوع

معليش لو كان ماعندها اطفال ولو كانت تخاف من القعده لوحدها مافي مانع تروح عند امها بس بحدود عشان تتعود على القعده لوحدها

معليش لو كانت حامل والحمل متعبها تروح تجلس عند اهلها مافي اي مشكله

لكن تطلع من البيت على الفاضي والمليان وتطفش من قعدة البيت بصراحه هذا شي مرفوض

وانت اللي خليتها على كيفها وهذي نتيجة أهمالك

وزوجتك إنسانه لاتوجد لديها اي نوع من الأدب والأحترام لزوجها

وش يعني انه في احد جاب لها هديه ؟

تبي تقولك عادي تروح انت في غيرك ؟

عزيزي

بما ان الغلط الأكبر عليك وانا لا اقول انها مو غلطانه

أتركها عند اهلها لا متزوجه ولا مطلقه وحاول قدر المستطاع ان لاتقصر على عيالك من مأكل ومشرب وملابس وطلعات وكل مايحتاجونه ... الخ

أذهب الى شخص له كلمته في عائلتهم سواءً كان ابوها , خالها , عمها

وأخبره بجميع ماتقدم وأجعل الكوره في ملعبها

وأنشر خبر انك تنوي الزواج ولو تذيع انك خطبت يكون أحسن

إذا كانت لازالت مصره على موقفها وتبغى تجلس عند اهلها وتنام عند صحبتها فأسمح لي

هذي لاتصلح أن تكون أم لأطفالك

الله يصلحها ويهديها

__________________

اعتقد اللي سوته ردة فعل لخيانتك لها

ممكن تكون سامحتك شفويا

اما بقلبها فهي شايلة عليك

هذا غير زن صديقاتها وامها على كلامك

__________________
لا اله الا انت سبحانك اني كنت من الظالمين

اقتباس:

المشاركة الأصلية كتبت بواسطة موهبة الكويت اعتقد اللي سوته ردة فعل لخيانتك لها ممكن تكون سامحتك شفويا اما بقلبها فهي شايلة عليك هذا غير زن صديقاتها وامها على كلامك

اضم صوتي لصوت الأخت موهبه الكويت ..
هي لو دخلت المنتدى وكتبت مشكلتها راح تقول يخوني وصرت اطفش من الجلسه معاه في البيت ابي اطلع من البيت و احاول انسى اللي صار منه .. نفسيتي تعبت من التفكير ماقدرت انسى ...

كمان يااخوان خلونا نشوف الموضوع من زاويه ثانيه ...
انا ما اقسيك عليها و لا ابرر لها تصرفها ...

لكن انت تقول تغيرت علي في الفتره الأخيره ما تجلس في البيت ... معناته مشكلتك معاها في الخيانه هي السبب و حركه الهديه و ..الخ تبغى تخليك تحس بأن مثل مايعورك الموقف يعورها .. وزوجتك معاك من 7 سنوات ماعمرها نامت عند صاحبتها إلا هذه المره .. فلا تلوم نفسك زياده على اللزوم ..مره ثانيه لا تسمح لها ..بس يكفي تلوم نفسك لأن هي كمان اول مره تطلب منك هذا الطلب ..


لاتطلق الحين ولا تفكر في الطلاق الفتره هذي لمن تركد الأمور .. وبين لها انك تبت الى الله وانت فعلا صادق الله يغفر لك.. خليك صادق مع الله ومع نفسك ..

مو كل شيء طلاق عندكم اولاد بينكم وكمان 3 مو 1

استغفر ربك و تصدق لله .. الصدقه تطفيء غضب الرب .. وربي بيسهل لك امرك