اختي اولا السلام عليكم

ثانيا حبيت اعلق عن خالتك المسحوره , تراها مش هي اللي تقول ان امك السبب لان الجن اللي فيها يبون يسون فتنه بينكم ولا ماهو من راسها

لان هذا حصل مع امي من قبل تقول افلانه سوت لي سحر وافلانه سوت لي سحر وحنا نعرف ان الانسانه هذي والله ماسكينه ولا عندها من الشر مقدار واذا كانت تعرف اسمه سحر هذا زين

لا تلومونها الله يشفيها وادعوا لها

اما عن الشغاله حنا عندنا شغاله قبل انشبتنا وصدق الاندونوسيات بالذات حقودين

او ماجات تسااافر شرينا لها شنطه وهي ماتدري وشرينا لها ملابس جديده كنها تستاهل وخليتها عندي بالسياره

ومن جات تسااافر خواتي دخلوها الحمام وفتشوها تفتيش يهبا تفتيش الجمرك وسبحوها تسبيح تقولين بنزوجها وطلعوها من الحمام لباااص المكتب

وخذنا شنطتها الي بتروح ابها وعطينااه شنطه جديده وفيها ملااابس وسلام ختاام

الله يحفظكم يارب

السحر شي ما ينخاف منه ابد
ان كيد الشيطان كان ضعيفا
اهم شي عليكم با الرقية والمواظبة على الفرايض ولا تخافون من شي
سورة البقرة كل يوم خلوها شغالة ولا تخافين من شي
الجن ما يقدرون الا على اصحاب القلوب الضعيفه
هدي اعصابك ولا تخافي من اي شي لانو ما بيصيبك الا الي كاتبه رب العالمين لك
فليش تخافي , هذه المخلوقات ما ينخاف منها الخوف لله وحده فقط
حطي هذا الشي براسك زين وصدقيني ما بيصيبك اي شي
الله يكون بعونكم اختي

__________________
::: لا تقنط من الواقع فإصلاح الموجود خير من انتظار المفقود :::

كلمي فرع الهيئة القريب منكم يدبرونها والله خير حافظ وهو ارحم الرحمين

شوكه بين ورد
رجل الرجال
السنا
الوزن الثقيل
ابن المكلا
رسيل

ممتنه لمساندكم ولدعواتكم
ريحني كلامكم والله يجزاكم خير جميعاً

حبيت أعلق على كلام .. الوزن الثقيل بالنسبه لخالتي
ممممم ممكن يكون كلامك صح وأمي قالت لها نفس كلامك قبل وعصبت وقالت لأمي انتي ماتفهمين
ومو قريبه من ربك .. أنا لأني قريبه من ربي واخشع بصلاتي وادعيه صار ييسر لي هالأمور وتجيني منامات عن الناس اللي ساحريني
واللي فيني ينطقون بأسمائهم !

الله يشفيها

وآخر المستجدات
كلمنا الهيئه قالوا جيبوها لنا وحنا نتصرف
طبعاً خالي مارضى نوديها بس فهمها أن أمي مالها علاقه بسفرها
وقال لها أنا اللي اخذت القرار لأني ببيع البيت وأمي بتجي معي لبيتي وبكذا وجودك بيصير ماله داعي
الحين هو يحاول يراضيها وأخذها للسوق واشترى لها هدايا !!

وأمي كلمتها اليوم وحلفت لها انها مو ورى موضوع سفرها
وحسيت الشغاله مااقتنعت مره لأنها قالت لأمي اصلاً انا ابغا أموت ولو ابغا اسوي شي سويت


بالله هذا تفكير انسانه مسلمه !!
هي الحين تحاول تهدي الوضع وتحسسنا انها مصدقه
بس مو مرتاحين لها .. مجرمه وممكن تغدر
لأن عندها صوره لأختي الصغيره

ايوا صح
امي بعد اشترت لها هدايا اليوم
والكل صاير يتودد لها ويراضيها خوفاً منها
آآآآخ ياقهري

الله يرد كيدها في نحرها اذا كانت ناويه على شر


: (

في حالتك لا يجب سماع قرار خالك وهو قرار " احمق " !
بل اوصلوها للهيئه وهم يتصرفون .. لديها بعض صوركم وتهدد بالسحر ماذا تنتظرون ؟.! حتى تري احد اخوتك وهو يصرع امامك ويتعذب ؟
بالمناسبه لايشترط الصوره في السحر بل اي اثر " شعر , ملابس , الخ "
غريب خوفكم منها ! مستسلمين لها ! ياختي نحن مسلمين والرسول اعطانا الطريقه لكي نقي انفسنا من هذه الامور
من قال اذكار الصباح والمساء لن يأثر فيه لا عين ولا سحر بإذن الله ولابد ان يقرأها كل من اخوتك وامك كل يوم في وقتها ... وهو بعد صلاة الفجر او اول الصباح .. واذكار المساء تقرأ في غياب الشمس او بعد صلاة المغرب

والرسول صلى الله عليه وسلم قال " من تصبح بسبع تمرات من عجوة المدينه لم يضره سحر ولا سم "
اسأل الله ان يحفظك انت واهلك من كل شر .. وبشرينا بتسليمها للهيئه ^^

الله يجزاك خير ومعك حق بكل اللي قلته
ولو كان الأمر بأيدي كنت كملت الشي اللي بديته وارتحنا
خصوصاً ان الشيخ قال أنتوا بس قدموا بلاغ وحنا نجي ناخذها بأنفسنا ونتصرف

بس مستحيييل مستحيل خالي يوافق واصلاً الموضوع صار شبه مستحيل لأن باقي لها يوم وتنقلع
ثاني شي أمي بعد ماكلمتها وحلفت لها .. أطمئنت شوي وجاها برود من ناحية هالموضوع
قهر من جد ! يعني أمي مفكره ان هالأدميه بقلبها ذرة ايمان او عندها ضمير لدرجة انها بتصدقها عشانها حلفت
وبترضى عليها عشان كم هديه !!!

وأنا كلمت بنت خالي وقلت لها تحاول تسمح صورة أختي من جوال الشغاله بطريقتها
قالت لي ماأقدر لأن الجوال 24 ساعه عندها
بس بتحاول

والله مقهوره بس السالفه طلعت من أيدي وماأقدر اسوي شي

لاحول ولاقوة الا بالله ..
على الاقل يجب ان لا تهملوا :
1- خضوعها لتفتيش حقيقي ومتقن , والتأكد انها لم تأخذ من اثر احدكم , فتشوا اغراضها وحقيبة سفرها وكل شئ !
2- ملازمة اذكار الصباح والمساء
اسأل الله ان يحفظكم ويقيكم شرها ..

^

اللهم آمييييين

خالي كان رافض تتفتش .. وأنا شخصياً مالي سلطه بالموضوع
أمس سافرت خلاص : (
و بنت خالي قالت لي أن خالي فتشها قبل مايوديها بس مو بدقه وكان تفتيش سريع

وان شاءالله نحافظ ع الأذكار وربي الحافظ

شكراً لك

__________________
اللهم أنصر المسلمين في كل مكان ♥