الي متي ضياع وتشريد وعدم استقرار ...

انا الان مسجله بالمنتدي من بيت خوات مرة اخوي <<< شفت كلهم مسجلين بهالمنتدي ومو معطيني وجه

قلت اسجل زيهم بس ما تنازلت ولا وحده فيهم عن الاب توب ودخلت من الاي فون مادري حق مين فيهم ^_^

ويقولوا لي لو ما تسكتي نطردك <<< ومن زين القعدة عندهم يحطون موضوع ويردون علي بعض الظاهر كل البناية داخلين بالمنتدي ..!


بس أنا عندي مشكلة وياليت انتم تسمعوني << ولا وحده منكم يالي جالسين عندي ترد ..

مشكلتي صعبة ولها سنين كل يوم اقول تنفرج بس أشوفها تتعقد اكثر :

أنا اصغر وحده عند إخواني وخواتي ، تزوج اخوي الكبير وانا صغيرة وبكيت يوم زواجه لكنهم

أخذوني من عنده بالقوة و بعد زواجه لصقت فيه ما أنام الا معه بغرفته وزوجته حاقدة علي ..

شوي شوي اخذوني خواتي الكبار وجلست معهم ومررررررت الايام وتزوجوا وحده وراي الثانية

و قبل كم سنه تزوجت اخر وحده من خواتي .

وبقيت لحالي ، وحددددددده مملله ، و تشررررررريد كل يوم ببيت وحده من خواتي او ارجع

لبيتنا الاساسي والي هو عند اخوي الكبير بس جزء منفصل عنه ..

بس امل واموووت من الوحدة والطفش ، و تعبت من التنقل كل يوم ببيت هذي مو حااااااله

صرت إكره مرة اخوي اكررررررها واكره زيجان خواتي اكرررررهم .. احس هم سبب تشريدي

أتمني يطلقون كلهم و يرجعون عندي ..

لا تقولون تتزوجين لا ، ما ابغي أتزوج خلاص كررررهت الزواج كله ...

كرررررهت كل شي له علاقة فيه تعقددددت نفسيا ..


وللمعلومية انخطبت 4 مرات خلال هالمدة بس ما يصير نصيب ..

شوفولي حل ، قبل يطردوني هذولا الي جالسة عندهم و تراهم يتابعون مشكلتي ..