أبغى أقولك نكتة

يقولك في واحد أنقذ غريق ورجع رماه في البحر لييش ؟

عشان يطبق المثل : اعمل الخير وأرميه في البحر

عادي ، يا ما في ناس تخدمهم وتتفانى في خدمتهم لكن ما يبان فيهم

فدايما خلي شعارك ( اعمل الخير وارميه في البحر )

ولا تنتظري شكر من أحد وتوقعي كل الاحتمالات وأسوأها

مع إن الموقف هذا بصراحة ما تنحسدي عليه :

اقتباس:

و من جد اللي زعلني و ضايقني مرة، إنه كل أخوانها و أخواتها خلتهم ( يحقدوا علي و على الأم ) و إننا ما نبغى لها الخير لإني جبت واحد مطلق و عنده بنت ؟؟؟؟؟ مع إنه حجة الرفض تبعها ( إنها ما تبغى تترك الوظيفة ) ، مو إنه مطلق .. و المشكلة إنه الأغلبية تعاطفوا معها ، لإنها جلست تبكي و تعمل حالها مظلومة و دخلت المستشفى و عملت لهم حكاية و مقفلة جوالها و ما تبغى تكلم أحد ..

بس برضو لو أنا مكانك ما تصدني زي هذه المواقف عن فعل الخير

ومستعد أمشي في جوازات مو جوازة واحدة لو كنت أقدر بغض النظر عن ردات الفعل القاسية

وإذا زوجك يقول امشي في جنازة أنا أقولك يا بخت من وفق راسين في الحلال

إنت سويتي اللي عليك وأجرك إن شاء الله ما يضيع

سعيك في هذا الموضوع هو سعي إيجابي حتى لو كانت النتيجة عكسية

وأنصحك لو في واحدة تانية من قريباتك جالها عريس عن طريق زوجك ما تترددي في لعب دور الوسيطة

وما في مانع تشتغلي خطابة

وعملك هذا هو ترجمة إيجابية لصلة الرحم

وإنت حبيت تساعدي أهلك وناسك وكله بأجره

بس أهم شي لا تخلي الموقف هذا يعيقك عن عمل الخير مستقبلا

الله يوفقك

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

::
من أول مابدأت أقرأ الموضوع
كنت ناوية أكتب لك:
(أدخل في جنازة ولاتدخل في جوازه)
بس لما أنهيت القراءة قلت في نفسي
(خير تعمل شر تلقى)
* *
*أنتِ عارفة أختها ليه ماتجيب العرسان لها..؟!
لأنها عارفه أن أختها راح تفشلهم وماهي قد المسئولية
وحدة محتاجة تعقل وتنضبط وتتخلى عن تصرفاتها الرعناء

*دي ممكن تحط رأسها برأس الرجال وتعانده وترجع مطلقه لأهلها في ظرف أشهر لأن الزواج
يبغاله امرأة صبورة وعاقلة وتتحمل الرجال وتضبط أعصابها .

* ياروح بيض الله وجهك كنتِ ناوية تجمعي رأسين بالحلال وحاشمه الحرمه الكبيرة
ومن حبك لها نفسك بنتها تتزوج وترتاح بس بنتها تبي تخرب نصيبها بيدها
وأحمد الله ما وافقت وإلا فشلتكم مع صديق زوجك وطلعتم بسواد الوجه معاه
::
أدعو لها بالعقل والهداية
وعلى العموم
الجمع بين رأسين بالحلال أمر طيب
وحتى لو قلنا أدخل في جنازة ولاتدخل في جوازة
بس لما نجد اثنين مناسبين لبعض لازم نسعى لهم
وفيه بنات كثير أخلاقهم رائعة بس محد يعرفهم
فلذلك السعي في تزويجهم أجره كبير
::

عزيزتي اسرة ..

إن شاء الله أنسى بسرعة و الحمد لله إني مجرد ما أتكلم ، خلاص أبدأ أنسى .،
بس ما حأدخل نفسي مرة ثانية ..

و من جدددد الحريم غلبوا كيد الشياطين
أمها مقهورة منها و تقول ( من جد ، ضربني و بكى و سبقني و اشتكى ) ..
كأني ضربتها و لا غصبتها عليه ؟

++++++++++++++

عزيزتي أصعب حكاية ..

لو تطور الموضوع ، كنت حأقول لهم من البداية .. هذا اسمه و هذا مكان عمله و هذولا أصحابه ..
اسألوا بنفسكم و قرروا و أنا بأخرج عن الموضوع ..

و المشكلة حاليا ، إنها ما حكت لأخوانها و أخواتها عن مواصفات الرجال ..
و ما قالت لهم ، رفضته عشان وظيفتي ؟

دقت عليهم تبكي - تمثيل طبعا - و قالت لهم و أنا جالسة قدامها ..
( اهيييييئ اهييييييئ .. رووووح الطير جابت لي عريس متزوج و ماما غصب عني تبغاني اتزوجه
و باقي الكلام ما سمعته ، لإني فتحت عيوني و فمي مو مصدقة اللي تقوله عني )

و بعد يومين عرفت باقي الحكاية و إنها دخلت المستشفى ووو إلخ و باقي الحكاية ..
و لحد دحين ما شفتها .. و مالي نفس أقابلها ..

+++++++++++++++

عزيزتي أحب زوجي ..

ما أدري إنها هي كذا بتفهمني ؟؟؟
و شفتيها من البداية ما عارضت الفكرة .. بس شكلها رجعت من العمل متضايقة و حطت حرتها فينا
و صرنا نحن كبش الفداء ..

+++++++++++++++

عزيزتي أم مشموشة ..

أدري إنه الأم قاسية على بنتها ، و البنت مضغوطة من أمها .. و كنت أحن عالبنت و أكلم أمها دايما
بس البنت لازم تكون عرفتني خلاص ، لإنه مو أول مرة أجلس معها لوحدنا و أتكلم معها و أنصحها ..
و مرات حتى أمزح معها و نتريق مع بعض ،،

بس اللي حسيته و من خلال معرفتي و فهمي لها و لنفسيتها ،.
بإنها لقيت حجة لنفسها أخيرا ، عشان تخلي الكل يتعاطف معها و تمنع إنه أمها تقيد حريتها
و تتحكم فيها .. و تطلع المظلومة في نظر الكل ..

حتى أمها تقول ( بكرة تعمل نفس الشئ مع زوجها ، و حيطلقها و وقتها ماحد بينفعها من أخوانها
و المفروض أخوها الكبير يأدبها و يعقلها بدل ما يوقف معها و يتعاطف معها )

++++++++++++++++

عزيزتي لوجينا ..

امين يارب ،، بس ما فهمت ؟
كيف ماهي طبيعية ؟؟؟

يمكن فيه شئ لاحظتيه و غاب عننا ؟؟؟
لإني من جد ، تفاجأت من تصرفها الأخير ..

+++++++++++++++++

عزيزتي ذكريات لا تغيب ..

و لا يهمك ، بأغير العنوان من شان عيونك ..
المشكلة إني ما حبيت أحط زوجي بموقف محرج ..

لإنه الرجال يعرف زوجي و يعرف قريبنا و صاحب قريبنا بالمررررررة ..
فأكيد إذا تقدم مثلا لقريبتي ، بيعرف إنها تقرب لصاحبه و تقرب لزوجة صاحبه ..

و غير إنه الأم ( تعزّ علي ) و حبيت أول شئ أخذ رأيها مبدئياً ..

++++++++++++++++++

عزيزتي قلبي حنون ..

و الله توي اللي افتكرت شئ ، تصدقي ؟؟؟

أصغر أعمام البنت و هي مرة مرة تعزه و تموت فيه و تشوفها أحسن رجل في العالم ، طبعا عايش في
مدينة تانية و مطلق زوجته من 10 سنوات لإنها كانت مدلعة و وحيدة أمها و أمها تتحكم في حياتهم و
تبغى بنتها تعيش معها .. و عمره 40 سنة دحين ،، و تزوج من سنة ، وحدة عمرها 27 و بكر و طلعت
في شعره الشيب من كثر ما تنكد عليه كل يوم و تشك و تغار عليه و غيره ..

و قريبتي هذه اللي حكيتكم عنها ، هذاك اليوم تحكي لي عن عمها و زوجته .. و تقول لي :
و الله ليت إنه يطلقها هذه كمان، من جد ما تستاهله ،، و دايما تعمل له مشاكل ..
و هو طيب و يستاهل وحدة أحسن منه .. و هذه ما تنفع له ..


بأقول لهم ، على حكاية عمهم .. إنه شخص طيب و في المرة الأولى و الثانية ما اتوفق بحياته
فمو معناها إنه الرجال ماهو طيب ..

اختي الكريمه فيه جزئيه مهمه وهي الرجال اللي متقدم اتمنى انه ماينظلم مع بنت مثل هذي

لانه مااظن انه بيتحملها هذا اولا وهي بنفس الوقت ماتتحمله لانها تحس انه ضغط عليها وخلاها تترك وظيفتها

فتنتظر منه انه يكون كريم معها لابعد حد والحد هذا هو ممكن يراه اسراف ...وعلى الرايحه والجايه تمن عليه ...

عالاقل كونو صريحين معاه -المستشار مؤتمن- انا متاكد انه مافكر يتقدم لها الا بعد مامدحتوها انت >> وللا سف الناس اذا اسمعو واحد يفكر يخطب وحده كلهم يبدون يمدحون فيها وفيه وهذا خطا بل تبين الايجابيات والسلبيات حتى مايظلم احد ...

ومبدئيا اشوف ان البنت اصلا ماتنااااااااااااسبه خافو الله فيه ...

اسمحيلي يا روح بس أنا 2 عمرهم 28 و20 بقدر أشارك ؟؟

احمدي ربك لانه الموضوع ما تم ... الظاهر البنت من النوع اللي ما يبيض الوجه وربنا نجاك من الاحراج مع العريس

والواحد ما يعرف الناس إلا لما يصير في احتكاك معهم وهذا انت عرفتيها وعرفتي أخلاقها فلا تخليها تأثر على مزاجك وعليكي .. تراها ما تستاهل تنقهري لحظة حبيبتي

__________________

الأخوه اللي قبلي كفوا ووفوا وخلاص أنسي الموضوع يفكروا زي مايفكروا المهم أك ماسويتي شي يغضب ربي

بالعكس لك أجر على هذا الفعل أنتي وزوجك

وبصراحه خيره لك أنتي وزوجك أن الرفض جاء منها

لأنه جد ماتليق على الرجال بسبب اسلوبها الصعب حتى مع أمها !!

الله يهديها بس

بالعكس ماشاء الله عليك رايتك بيضاء

على قولت المثل يابخت من جمع رأسين بالحلال !

انتي عملتي الي عليك والله يجزاكِ خير

وماشاء الله كان صدرك وسيع معها بالرغم من اسلوبه الجاف معك

هذا بدل ماتشكرك والعريس حسب ماقلتي من مواصفات مناسب مره

__________________

احسس انو خيرره لك وللعريس
هيه طباعها صعبه الله يهديها .. ولو قبلت فيه بالضغط عليها اتوقع بتصير مشاكل بالمستقبل
بينهم لو تزوجته .. وتنحرجوو انتي وزوجك قدام الرجال
شكله انسان طيب وربي معاه وموفقه
الله يرزقها ويرزقه
وانتي لاتندمي على خير سويتيه والله اعلم بالنيات
انسى السالفه ولايهمك كلامها لانو الكل عارفها هيه وكمان عارفينك انتي مين
ولاراح احد يظلمك بشئ

__________________

الله يهدينا واياها ماتعطي نفسها مجال للتفكير بعقل بسبب عنادها وعصبيتها ..
الأحسن انك ماعاد تفتحي الموضوع معها ...

__________________