لاتحملين..هذا مايصلح يكون اب..

زوجك انسان عديم الرجوله...وبصراحه انسان غبي..لو كان يعاملك بالطيب ويحترمك كان قدمتيله راتبلك على طبق من ذهب..

اسمعيني يااختي ..اكيد سمعتي بالقصص الي صارت مع الاطفال وزوجات الاب..ومنها القصتين الاخيره..
الاولى..الطفل الي عمره 4 سنوات قتلتله زوجة ابوه في الحمام ولفته في شرشف وتخلصت من الجثه..حسبي الله عليها..وش سوالها هذا الطفل يوم تموته موته شنيعه..لكن الحمدلله ربي كشفها..

والقصه الثانيه..بنتين صغار اخذهم ابوهم من امهم غصب عنها طبعا زوجة ابوهم رفضت ينامون معاهم بنفس البيت وطلبت من زوجها يناموا مع الشغاله في الملحق. وافق لانه كان مستعد ينيمهم حتى في الشارع المهم مايروحون عند امهم..طبعا كل ليله يدخل الملحق رجل متلثم متفق مع الخادمه ويفعل الفاحشه مع البنات اكبرهم 4 سنوات اعتقد..وجا يوم زيارتهم لامهم لاحظت الام دم ملطخ في ملابس بنتها الداخليه...وذهبت بها الى الطبيبه واخبرتها الطبيبه ان البنت معرضه لتحرش جنسي..الام اصيبت بانهيار عصبي..سبحان الله طيب ليش استسلمتي لطليقك وسمحتيله ياخذهم..ليش مادقيتي ابواب المحاكم عشان حضانتهم خصوصا انها كانت عارفه انه بناتها ينامون بالملحق مع الخادمه...ليش مابذلتي جهد عشان يتمون معك وهم في هذا العمروالحضانه اساسا من حقك الى سبع سنوات..

شفتي مصير البنت ضاع مستقبلها وتدمرت نفسيتها...وهي عند ابوها..هذا الاب الي يقول عار وشرف بناته طلعوا كذابين اغلب الرجال ماهمهم لاشرف بناتهم ولاشي..كل همه كيف يقهر ويحرق قلب امهم..حسبي الله عليه ونعم الوكيل..
زوجك من النوع هذا من الرجال مايهمه اطفاله يهمه يحرق قلبك بس...ممكن في اي وقت ياخذهم منك ويرميهم عند اي وحده..نصيحه مني لاتحملين واحمدي ربك ان عندك ولد مرده لك..حتى لو اخذه لاتخلين ولا قاضي ماتدخلين عليه الا مايحكمولك بحضانته..
واكيد عارفه قصص اشباه الرجال الي ماخذين رواتب زوجاتهم وفي الاخير تزوج عليها بفلوسها..طبعا بعد ماخلاها تبني بيت وفي الاخير طردها منه وراح تزوج..
واضح هدف زوجك...وانتبهي منه ومن نواياه.ولاتسمحين له يذلك..ودامك عارفه انه بيلوي ذراعك بالاطفال وخصوصا البنت لاتحملين.. وان حملتي معناه انك راضيه ومالك اي حق تجين تشكين .

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

الله يعينك علي بلواك والهمك الصبر

نصييييحة انفذي بجلدك
واسمحيلي زوجك مو رجاااااااااااااااال وربي عيب اللي يسويه مافي نخوة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

الصراحه صعب العيش مع شخص مثل زوجك مع احترامي لك بعدين انتي تقولين لاصلاه كيف تامنين نفسك مع شخص مايخاف ربه ..!!

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

تبغين تادبينه ارمي الولد عليه وخذي شغالتك وروحي لاهلك
والله ياقلبي محد يبغى يربي لاحد حتى ابوه نفسه كلها يومين ويبوس راسك

اعرف وحده وهي توها نفاس تهاوشت مع زوجها وزعل وودها عند اهلها
ولما وصل عند اهلها دق عليهم واعطاهم بنتهم هم من القهر سلموه البيبي توه شهر
والله بنص الطريق رجع وتاسف وماعد كررها

__________________

ياألهي كيف متحملته انتي هذا مو متزوج للاستقرار لا هذا متزوج حتى تكوني انتي المرأة والرجل بالحياة
هذا غير انه لايصلي ويضربك هذا وحدة يكفي
استخيري بأمرك عدة مرات وياليت تعرضين موضوعك على استشاري اسري
والله يوفقك

ا

اختي الكريمة

مع احترامي الشديد انتي تعلمين مالحل وتعلمين ما يتوجب عليك فعله وما قصروا الاعضاء

ولكنك تريدين الفضفضة والتعاطف لا اكثر ولا اقل.

والا فالشرع كفل لك الطلاق من رجل لا يصلي ولا يحسن العشرة

صدقت اختي فعلا هذا ما توقعته

أختي الفاضلة كل مشاكلك مع زوجك كوم وتركه لصلاة كوم لحالها أختي الفاضلة رجل مايصلي كيف بيخاف الله ويخشاه فيك وفي عيالك كيف ربنا عز وجل بيرضى عليه ويرزقه ويبارك له في رزقه أختي الفاضلة قال الله عز وجل في كتابه الكريم ) ومن أعرض عن ذكري فإن له معيشة ضنكا ( زوجك عيشته كلها ضنك وتعاسه زوجك عبد لدرهم والدينار زوجك ماعرف حق الله وراعاه
كيف بيراعي حقوقك ويحترمك ويقدرك أنتي كيف راضية وصابره على تركه لصلاة وأنتي تعلمين إنه مايصلي وش إللي مخليك جالسه عنده في بيته وساكته عليه أختي الفاضله الإنسان إذا صلحت صلاته صلحت جميع أمور حياته وأنتي تراك بسكوتك عليه في أمر الصلاة كأنك راضية على تركه لصلاته أختي الكريمة إن العهد الذي بيننا وبينهم الصلاة فمن تركها فقد كفر إيش معنى كفر يعني صار كافر بدين الله وللأسف بعض الزوجات يشوفون ترك أو تقصير أزواجهم في الصلاة بس مايهتمون لهاذا الأمر أبد ولايناصحونهم ولا ينكرون عليهم هالفعل أبد وربنا يسلط عليهم مشاكل في حياتهم من نو ع آخر بسبب سكوتهم وعدم إهتمامهم بأمر الصلاة ترك الصلاة يقسي القلوب ويخليها قاسية كالحجارة وأشد قسوة وزوجك يستثمر في مشاريع الدنيا و يخسر ومادام إنه إن إنسان مايصلي لاتتوقعي إن بينجح لا في أعماله ولا في حياته وبتركه لصلاته خسر مشاريع الدنيا والآخرة معا والمفروض إنك تهتمي بموضوع تركة لصلاة أ كثر من إهتمامك بصرافتك وحملك وحياتك معاه وش تترجي من إنسان مايصلي ولا يخاف الله ويسب ويلعن و يضرب وطماع وجشع أنا عن نفسي لو قدر الله وزوجي تارك لصلاة لو عندي 10 عيال مو طفل واحد راح أطلب الخلاص منه وآخذ مشهد من إمام مسجد الحي ومن الجيران بعدم صلاة هاذا الرجل معاهم بالمسجد وأدينه فيه بالمحكمة وأطلب طلاقي وحضانة عيالي غصب عن خشومه رجل فاسد لايصلي ولا يخاف الله غير جدير بحضانة أولادي ولا أأتمنه على بناتي هاذا إنسان كافر مايصلي ماله ولاية عليهم أبد حتى يستقيم على دين الله ويلتزم بصلاته وعبادته لله على أ كمل وجه ولا طاعة لمخلوق في معصية الخالق ومن ترك شيئا من أجل الله ربنا عوضه بخيرا منه رضا الله فوق كل شئ إذا تطلقت وعندي أطفال لأجل رضا الله وربي ماراح يتركني أنا وعيالي وأنا تطلقت وتركت بيتي لأجله ولرضاه فما راح أضيع وربي حبيبي معاي راح يعوضني بحياة وبيت وسعادة أجمل من إللي تركته علشانه سوى بالدنيا أو الآخرة ربنا كريم أختي الفاضله إذا زوجك مايصلي أبد ونصحتيه ولا أستمع لنصيحتك فغسلي إيدك من إنصلاحه وتغيره معاك وماراح يرحمك لا أنتي ولا عيالك بيخليك تذوقي المر مرين والعذاب أشكال وألوان
وراح يحرق قلبك بأطفالك ومافكر فيك ولا في أي أحد ثاني
هاذا من بداية زواجك جالس يمرمط فيك مرمطه وأنتي ساكتة له وما بدرت منك أي ردة فعل علشان أسلوبه معاك ومثل صنف هاذا الرجل إذا كان عنيف جدا وتعامله معاك صعب من البداية
وماشاف منك ردة فعل راح يزيد عليك تسلطه وجبروته وبيمسح بكرامتك الأرض وبيذلك ذل عمرك ماشفتيه ظنا منه إنك خوافه وشخصيتك ضعيفه وإنه بيفرض رأيه عليك بالقوة رضيتي وإن رضيتي وراح يمشيك على كيف كيفه ولاضرب لك حساب أبد .
وأنتي لازم تاخذي موقف حازم في أسلوبه وتعامله تجاهك بس
قبل كل شئ ناقشيه في موضوع تركه لصلاة وواجهيه في هاذا الأمر لأن موضو ع الصلاة أهم من كل المواضيع
وعقبها تجي مواضيع مدة اليد والسب واللعن وتدخلاته في شؤنك المالية وأحسمي معاه الأمر وأستعيني بأهلك معاك علشان يحس إن وراك ظهر يسندك و يحترم نفسه ويعرف ما له وماعليه لاكن إذا ماصلى صلاته الواجبه عليه أنصحك إنك تفارقينه أفضل لأن مثل هالزوج علا أي فضيلة وعلى أي أخلاق بتكون تربيته لأطفاله .
نسأل الله أن يصلح لك حياتك ويسهل أمورك وينور دربك ويرزقك الحكمة والبصيرة في كل مايواجهك من صعوبات في حياتك اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله