ما ذا تقصد بنت عمي بحركاااااتها ؟
السلام عليكم ورحمه الله وبركاته ,,,,,
يعطيكم العافيه اخواني وخواتي ,,,
افاده من قبلكم لو تكرمتم ,,
انا احب بنت عمي ورايد اتزوجها المهم الفتره الحاليه ما صار شي نهائي لا خطبه لا ملكه ولا غيره ,, المهم انا دايم اروح لخالتي ,, وخالتي من ظمن سوالفها تقول البنت دايم تسألني طلال اتصل او ارسل شي وخالتي تقول البنت دايم تفتش جوالي تشوف مكالماتك ورسائلك..
س - ايش معنى حركاتها تدل على شنو مع العلم اني احبها واغار عليها ؟
الشي الثاني قبل اسبوع خالتي اتصلت فيني وقالت ابيك توديني انا وزوجات اولادي الثنتين على الفرح .. المهم البنت كانت جالسه وزوجات اخوانها موجودين عندها وقت ما خالتي تكلمني ,, انا رفضت واعتذرت لخالتي وقلت لها تبي اوديك لوحدك اوكي اما اذا كانو معاك مستحيل ,,, المهم البنت قالت لأمها اذا طلال وداكم انا ما ابي اروح ليش هو سواق عند الحريم ,, انا رفضت والبنت طارت من الفرحه وزوجات اخوانها زعلوا ,, لأنهم راح يطشوا كلام يعنييتمسخروا على البنت شوفي طلا سزاق ومن هالكلام
س- ليش البنت رفضت اني اوديهم ايش رأيكم في هالسالفه .
الشي الثالث _ اخوي قالي يبي يدرس زوجته عندي بالكليه وانا وافقت ,, المهم خالتي قالت لبنتها ان زوجت اخو طلال تبي تدرس عند طلال وطلال يوديها ويجيبها ,, البنت قالت والله لو يوديها معاه يعتبر اللي بينا بالمستقبل انتهى . مع اعلم انا رافض نهائي اني اوديها معي من قبل ما اقول لخالتي.
س - ليش البنت تسوى كل هذا ......
الشي الرابع _ انا قبل يومين جيت عند خالتي وقالت لي نبي نسدد جوال البنت ونسدد فاتورة التفلون المهم اخذت خالتي وسددنا الجوال والهاتف .مع العلم اني ارسلت رسالة لخالتي قلت لها ارسليلي رقم حساب جوال البنت انا بسدد فاتورتها .. وما ارسلت شي وقالت لي يا طلال ليش تسدده انت كذا حرام ممكن يطرأ ببالك انا نستغلك .
س- ايش ردت فعل البنت حيال الموظوع
الشي الخامس - انا كثير اخدم خالتي وأي شي تحتاجه على طول يكون عندها وكمان البنت مو مخليها تحتاج شي بتعليمها مع العلم ااني دخلتها تخصص لغات وترجمه وهي معدلها نازل .
س - هل البنت تكون مبسوطه اذا كنت اخدم امها . وهل تقدر ما افعله لها ولأمها بالمستقبل مع العلم ان امها حاطتني بعيونها اذا ما تسمع صوتي كل يوم يمكن اقول لكم انها تنجن .
اسف كثرت كلامي تحمولني ..
تحياتي لكم
اخوككم طلال
سي يو
التعديل الأخير تم بواسطة طلال50106 ; 13-07-2011 الساعة 12:08 AM
13-07-2011, 12:03 AM
ضوابط المشاركة
العرض الشجري