السلام عليكم ورحمة الله وبركاته
بسم الله الرحمن الرحيم
انه بصراحه ماعرف اشلون ابدي قصتي اول مره اشارك بموضوع في النت , المهم انا بصراحه عشت حياه قاسيه كنت عايشه مع اسرتين في نفس البيت الوالد كان متزوج ثنتين ومايحتاج اقولكم اشلون الوضع اكثر الايام مشاكل وصرااخ ,, يعني ماعشت في جو حب وحنان بالعكس وخصوصا ان الوالده الله يسامحها كاانت دايما تحب اختي الي اصغر مني وتدلعها وانه كنت الكبيره الي المفروض اسوي شغل البيت واي شي يصير على راسي المهم مب هاي موضوعي لان هالشي كان مااضي بس هالماضي اهو السبب في الي انه فيه مهما شرحت لكم الوضع الي كنت اعيشه ماراح يفهمني الا الي مر بنفس الحاله طبعا خلصت الثانويه كنت اتمنى ادخل الجامعه واعيش حياتي مثل باقي الناس بس الوالد كان متشدد نوعا ما رفض بحجة الخلط يعني خلصت الثانويه معناتها بقعد في البيت بين المشاكل وتسلط الوالده علي لانها كانت مره قاسيه واتحمل مرة ابووي مايحتاج اقولكم شنو يعني زوجة الاب اذا امي ماتحن علي شنو بتتوقعون من زوجة الاب لا شغل ولاجامعه مابقى الافارس الاحلام الي راح ايي ويغير حياتي الماساويه طبعا مره من المرات ناداني الوالد وقالي تقدم لج فلان وكان يصير لمرة ابوي اول ماسمعت بصراحه حسيت بصفعه في ويهي هذا الي راح اخذه انه ماكنت ابي هالشخص لاكنت حابه شكله ولا وضيفته ولا حتى كان عنده جنسيه البلد الي انه عايشه فيها ياربي ابوي انسان مسيطر وكلمته كانت دايما تمشي فوق الكل والمشكله ان ابوي يحبه ويمدحه دايما وانه شسوي اذا رفضت ابوي بيصير ضدي وبيتصير حياتي عذااب لامن امي ولامن ابوي ولا من مرة ابووي راح اخسر كل شي طبعا قلت له راح افكر في الموضوع مر يمكن يومين الا يقولي ابوي اشفيج ليكون عندج غيره هالكلمه للحين مانسيتها قلت خلاص يبه ال تجوفه ,,,,,
المهم احلامي انتهت ضاع كل شي اشتكي لمن اكلم من من راح يسمعني ماعندي اخت اكبر مني اشرح لها ولا اقدر اقول لامي وفي نفس الوقت ماعدت اقدر اتحمل اعيش في بيت ابوي ,, صليت استخاره وتوكلت على الله طبعا .. حتى مهري ماتهنيت فيه ابوي وزعه بين اخواني وامي لاعرس مثل النالس ولا تجهزت مثل باقس العراايس وانه مااقدر اتكلم ولاانطق بس حاظر وتم ادري طولت عليكم ومب هاي احين المشكله الي ابي اتكلم فيها بس هاي جزء بسيط من الظلم الي عشته .
تزوجت من العريس الي يابه لي ابوي وعمري تقريبا 18 سنه واهني بدت معانتي الحقيقه انصدمت فيه من اول اسبوع زواج مد يده علي على موضوع تافه طبعا ياني وتاسف قلت ماعليه طوفيها له قال ندمان وماراح يعيدها قلت له انه بصراحه حابه اكمل تعليمي قالي لا انه مااحب الخلط حاولت معاه مافيه فايده قلت له طيب حابه اتوضف لاني بصراحه كنت امل من قعدة البيت وخصوصا ان زوجي اكثر وقته في العمل وبعد رفض كنت اقعد ابروحي حتى قمت اتخيل اشيا من كثر ماكنت وحيده وزوجي الله يسامحه ماكان يطلعني ولانروح المجمعات مثل اي متزوجين توهم متزوجين حاولت معاه مافيه فايده دايما يتحجج بعمله خلاااااص عرفت ان حياتي راح تكوون دمااار وعذاب راح اكون سجينه والبلوه الاكبر اني حملت من اول شهر قلت يمكن حملي يغيره مرت كم شهر وصارت مشاكل ومد يده مره ثانيه وثالثه ورابعه حتى وانه حامل كان يضربني وبعد مايضرب اييني ويعتذر ويحلف انه مراح يعيدها المهم مرت شهور وولدت ويبت بنت وحالتي مثل ماهي مره من المرات تهاوشت مع زوجي وضربني كالعاده بس هالمره قال لي انتي طالق روحي بيت اهلج
ياالله ,, ماصار لي كم شهر من ولدت وانظرب ويطلقني صحيح انه قالها بحالة غضب بس انه شنو بسوي كيف راح اواجه اهلي وخصوصا ابوي لاني كنت واايد اخاف منه , المهم رجعت لبيت اهلي مكسووره وذليله للحين مانسيت هاليووم ورغم انه مر عليه تقريبا خمس سنوات طبعا لين جلست في بيت اهلي قلت لابوي انه يمد علي ويشتمني يى زوجي بعدها بيومي ندمان وقال انه ماكان قصدي اطلق بس طلعت الكلمه مني بدون شعور واهي رفعت صوتها وعصبتني وووو عشان يطلع روحه من الموضوع المهم ابوي جلس معاي وقال المزوجه لازم تتحمل ولاهو ندمان وخلاص ماراح يعيدها والمشاكل في كل البيوت ووو ...
رجعت له ووعدني انه راح يتغير بس كله كلام مرات احسه طيب وفعلا ندمان ومرات اكرهه واتمنى موته مرت سنه تقريبا والوضع مثل ماهو وانه ساكته ومتحمله عشان بنتي وكالعاده تهاوشت معاه وكانت ههوشه والاسوا انه قالي شي بحياتي ماتوقعته قالي اصلا ابوج الي لمح لي اتزوجج مو انه والا انه ماكنت افكر في الزواج تمنييت اموووت ليش انه شنو ناقصني عشان ابوي يسوي جذي الحمدلله رب العالمين جمييله مو ناقصني شي ولا انه معاقه ليييش اسئله تدووور في راسي كبيره وضربني طبعا وقالي انتي طالق بس هالمره كان قاصد رحت وتكرر نفس الموقف واسوا بعد رحت بيت ابوي وقلت له الي صار قلت ان اهو قال انت الي دليتني عليه ليييش قال مو عيب الرسول قال زوجوا بناتكم ومن ومادري شنو وانه خلااص مصدووووومه ماقدرت اناااقشه مر اسبوعين ورجع ندمان وقال لابوي انه ماراح يعيدها ابوي في البدايه طرده من البيت وهاوشه ونداني وقالي جوفي تبي ترجعي له بكيفج رجعي تبي تقعدي اهني قعدي بس انه ماراح اربي بنات الناس بنته ياخذها وانتي قعدي خدامه,, ياسلااام يعني الي يسمع هالرد معقوله بيقعد طبعا فكرت وقلت برجع مستحيل اخسر بنتي رجعت عشااانها بس ومرت السنوات وجبت بنتي الثانيه ولليوم وانه من فتره لفتره يضربني ويذكرني ان ابوي اهو الي عرضني عليييه وربي تعببت خلاااا ااص ماعرف شسوووي لااقدر اطلق واعيش عند ابوي واترك بناتي ولاعاد قادره استحمل قسوة زووجي وظلمه يعني قتل فيني كل شي طمووحي واحلاامي كل شي انهدم 6 سنوات ضرب واهانات انه قاعده اكتب لكم ودمووعي تنزل لان توه ضاربني تعبت من السهر تعبت من الصياااح مايمر يوم الا وانه ابكي وفوق هذا ماقدر اشتكي لاحد من اهلي ان اشتكيت لاموني وماحد راح يوقف معاي وان سكت اختنقت نفسيتي تعبت وااايد والبلوه حتى بنتي تعبت نفسيتها واهي تجووف ابوها وامها يتهاوشون وتجوف ابوها اشلون يضرب امها هذ قصتي والي راح يوصلكم جزء بسييييط من النار الي الي بصدري .. وانه اكتب ادري ان قصتي مالها حل بس جذي كتبت قلت يمكن ارتاااااااااح .