اصبر عليها وان شاءالله مع الوقت تتغير
اذا تكلمت معها حاول بأسلوب جميل تعطيها من الكلام الحلو وانها غاليه عليك وبعدها توضح لها ظروفك الماديه وان شاءالله تتقبلها بس الحين لاتتصل خلها هي اول شي تحس بخطأها وتعتذر فاذا هي اعتذرت معنى انها نادمه وهذا يؤهلها انها تصلح تكون شريكه لك وكل اللي هي تبيه كان مجرد انها تبي تحقق رغباتها وتكون احسن من غيرها وتهتم بالمظاهر والماديات لان المجتمع اللي حولها يشجعها على كذا ,,
وانا اشوف 24 مازالت صغيره , اصبر عليها وبكره تقنع وتعقل ,,
اكسبها بالكلام الجميل وأهدها بعض الكتب النافعه للحياه الزوجيه ,,
فيه كتاب اسمه (المرأه البحر والرجل المحيط) رائع ومفيد جدآ لك ولها ,,
واكثر من الدعاء ..

اسأل الله ان تكونآ لك على طاعته ويجعل بينكم موده ورحمه ,,

اي يا اخي اقلبة واطلع بوجه ايخليهه ما تعيد هالكلمة

تقليل المكالمات ليس بحل ! و الميانة بين الزوجين ليست سببًا لقلة الأدب !
واختلاف الرأي وارد بين الزوجين و مقبول و صحي لكن الغير مقبول أبدًا هو التحدّث بهذه الطريقة ( الهمجية )
و فرض رأيها بالقوة !
هناك طرق كثيرة لما نسميه ( فرض الرأي ) طرق حضارية أكثر كـ محاولة الإقناع بالمنطق و العقل أو الدلع على الزوج حتى يرضى و يقبل
دائمًا أقول لا يوجد رجل صعب المِراس لكن توجد امرأة غبية لا تعرف كيف تتعامل معه !
.
أنا لا أدري مالتصرف الأمثل الذي يمكن أن يحل هذه المشكلة ، لكن هذا تعليقي على ما تفضل به بعض الأخوة
أنا متملكة و أمون على زوجي و هو أخذ كل شيء ببساطة لكني والله أحترمه و أجله وأخجل و استحي من قول مثل هذا الكلام له ! بل واستحي أن أقوله لأي أحد !
زوجتك واضح إنها تسمع كثير لكلام البنات و اكسري خشمه بدري و اثقلي و تغلي و اطلبي و و و و
أعانك الله

سبحان الله ليت زوجتي مثل تفكيرك ......فعلا الجمااااال ليس كل شي فقبله الاخلاق والدين .....
لكن ما أقول الا الله يصلح قلبها......

لاتعتذرلها , هي اذا تبيك وتقدرك راح ترجع من كيفها !
هذا شيء , الشيء الثاني لو أنت اللي اعتذرت راح تشوف عاد نفسها وتحس إنها فرضت شخصيتها

أما سالفة القصر والطقاقات , تقول مالها دخل وهذا من إختصاصنا إحنا
غلط وأنا أخوك , حتى لو عاداتكم وتقاليدكم تقول كذا
فشنو المشكلة لو تسمع من زوجتك بعض الاقتراحات .. ؟
هي شريكتك بالزواج , وهالزواج زواجها مثل ماهو زواجك
تقبل إقتراحاتها بقدر المستطاع


وفقكم الله

السلام عليكم
ربي تمملك بالخير يا اخي
انصحك يا اخي حتى و لو ما عندك المال الكافي و نتم تدردشون على الماديات قول لها اشتريلك الي تحبيه ان شاء الله اشتريلك حسب مقدرتي ووو حتى بالكلام و حتى لو متشتريلها و الله ماراح تزعل لان المراء تحب ان الرجل يحسسها انه راح يوفرلها كل شيء و يسعى لاسعاده و لو بالقليل
الشيء الثاني اذا هي من النوع الي تحب تفرض رايها و هي الي تقود هذا ما ينفع الرجال قوامون على النساء و الرجل هو قائد السفينة هي مساعدتك عليها ان تقدرك و تعطيك القيمة التي تستحقها و انت لا تحاول تجيها بالقوة و تفرض عليها افكارك فتعند هي و تصير المشاكل
بالنسبة لاقلب وجهك هذي عيب تقولها و خاصة الموقف ليس فيه لا استفزاز ولا شيء يمكن خطيبتن عصبية شوي لا تكلمها حتى تعتذر و وضح لها انها اخر مرة وانك لا تقبل مثل ذلك الكلام مرة ثانية و كون حازم و قول لها من باب التخويف انك لا تقبل تعيش مع انسانة تتكلم بتلك الطريقة
و اذا كنت تحبها انا متاكدة راح تصبر عليها و اذا تحبك راح تعمل المستحيل انها تغير من تصرفاتها الي ما تنفع تعملها مع زوجها
وانصحها بالدين بعد متتصالحو موضوع الطاعة خاصة و ربي يهنيكم
و يجعلها من الصالحات و تسعدك و تسعدها

ماقصرتم الله يعطيكم العافية وينور عليكم مثل مانورتم علي

والله غريبه اليوم البنات هن من يبحثن عن الستر أكثر من الرجال واستغرب من قصتك وقليل اليوم من شاكلتها الله يصلح مابينكم

ياخي وش هالفترهـ الطويله ،، 9 شهوور وربي وآآجـد ،، فترهـ الملكه يا اخي مرهـ كثيرهـ وانا أنصح أن فترهـ الملكه ما تكمل عن 3 شهور كآفيه تعرفون بعض ،،

ثآنياً يا يالغالي ترآ أنت شطحت عليها ونرزفتها ،، وهي ماشاء الله عليها ع طوول عطتكـ من الآخر ،، وتبي الجد ردهـ فعل طبيعيه إنت قلبت عليها وهي قلبت عليكـ ،،

عموومآ أرى أنكـ تطنش وتثقل ،، وإذا فتحتوا الموضوع مستقبلا انت ويآهآ تكلم معها بكل هدوووء وبنقاش حلوو وبتفاهم رآئع ،،

فهمها إنها غلطآنه وكلمتها مرهـ كبيرهـ ،، وكلمتها تفقد الإحترآم بين الزوجين ،،

إذا قالت أنت قلت كذا وكذا ،، قوولها أيـه نعم أنا قلت كذا وكذا ،، بس ما غلطت عليك ولا قلتلكـ اقلبي وجهكـ أو إنقعلي ،، ترآ كلمتكـ اقوى وأنا ما أسمح لكـ فيهآ ،، ورجآءً خآص ماعآد تتكرر هذي الكلمة ،،

يعني خليكـ حآزم شوي ،،

قلبي معآكـ وإن شاء الله الأمور بتنحل ،،

kingroad .. أنا معك في كل كلمه
الاخوان والاخوات ماقصروا

__________________