هلا حبيبتي المنصدمه..
ابوضح لك وجهة نظري..

بالاول .. انا موقصدي أني اقدر او ما اقدر.. واهي مستوره
ولست مع رفع الاسعار المبالغ فيه.. ولكن لا بد منها مع التضخم الحاصل في العالم اجمع


لكن.. اغلب التجار رفعوا اسعارهم <<< ومن العدل أن تكونوا المقاطعه للجميع
ولا تكون المقاطعه لصنف دون الاخر.. ولمصلحه معينه !!

__________________

معكم وبقوه


كل عام وإنتم بخير

الله يسقي زمان يوم كنا صغار كان عند جيراننا بقرة كان كل أهل القرية ناخذ اللبن من عند جارتنا وبلاش بعد بالمجان كانت تحلبها وتمخضها وتوزع اللبن على الجيران وتبيع السمن على الجيران ومازاد كانت توديه السوق وتبيعه وكان لبنها طيب ومذاقه منعش وأتحدى أي شركة البان تضبط لبن مثل جارتنا أما الحين بصراحة أفتقدنا جارتنا وبقرتها ولبنها وصرنا نشرب لبن السيرة طبعا السيرة شركة البان في الشمال وكمان مقدمة مليو ن ريال
1000000‏ ريال لمن يثبت وجود بودرة أو ماء في منتجاتها
على ذمتهم إحنا ما فحصناها في المختبرات لاكن هما كاتبين كذا على منتجاتهم إللي يبغى المليون من الأعضاء أنا أرسل له علبة لبن وهو يفحصها بأي مختبر ولو طلعوا الشركة كذابين ياخذ المليون له حلال زلال عليه بس يعطيني 500000 مئة ألف حق شحن علبة اللبن تدرون عاد أنا بتعب وأشحنها فيدكس علشان توصل بسرعة قبل مايصير اللبن حامض يالله إللي يبغى علبة لبن السيرة يفحصها يرفع إيده
أما شركة الصافي والمراعي أنا ما أشتريها والحين بعد مارفعوا السعر حتى لو رحت أقضي للمطبخ ما ني مناظرتها خير شر
تستاهل هالشركتين وكأن بقراتها تحلب ذهب مدري تاكل ذهب على إيش رافعين السعر ماكفاهم إن الملك حفظه الله دعم الأعلاف والحبوب بنسبة 50 بالمية وش عاد يبغون زيادة على كذا كرفوا جيوب عباد الله المساكين وكرفوا ميزانية الدولة وماكفاهم ولا شبعوا الحمدالله إن البنزين مسعر من الدوله وإلا إذا كان من عند التجار كان الناس يمشون على رجولهم وشوارعنا كان ماتتسع من الدواب إللي الناس تقضي عليها حوائجها بعض التجار لو بكيفها كان تبيع حتى الهوى إللي نتنفسه الحين روحوا خذوا مقاضي رمضان وشوفوا كيف التدليس والضحك على الناس يحطون تخفيظات على سلعة وإللي يخفضوه على سلعة يرفعونه في سلعة أخرى
وإلا تشتري سلعة وتحصل على أخرى مجانا بس لاتنسى شوف المجانية كم تاريخ صلاحيتها علشان ماتموت عيالك وإلا الرز والله إنهم يغشون في الرز بالذات الشعلان والله إني أخذت خيشتين رز الشعلان من مكانين مختلفه وجيت فكيت وحدة أطبخ منها ولما غسلت الرز ونقعته مثل العاده جيت أحطه بالقدر كبسه والله ماجلست إلا حول دقيقتين وجيت أحرك الرز ياناس ياعالم كأني حطيت غراء داخل القدر
وأحوس وأحوس وأحرك كأنه هريسه مافيه حبة رزه كامله ولزق في أسفل القدر وجوانبه
ومن فوق موية ومن تحت ناشف ورجعت تركته وجربت الخيشة الثانية طلع الرز يختلف حتى وهو حبوب باقي ما أنطبخ الفرق واضح حطيت من كل عينه بصحن وطلعت الحبوب أشكالها مختلفه عن بعض ماأدري ليش هاذا الغش والتدليس على الناس الضعوف ماعاد فيه أمانة ولاذمة ولا ضمير حي إلا مارحم الله
معليش يا خوي صاحب الموضوع طلعت عن موضوعك والله من كثر الحرة إللي في قلبي على ذولي التجار إللي كل ماشموا ريحة زيادة في الرواتب أو دخول أوقات مناسبات أعدوا عدتهم وأصطفوا لها كلن يبغى ياخذ نصيبه من الكعكة الله المستعان وحسبنا الله ونعم الوكيل في كل تاجر فاجر والله يعين الناس الضعوف والمساكين إللي ظروفهم ربنا وحده العالم فيها نسيوا أمثال هالتجار إن هناك مطلقات وأرامل وكبار في السن وذوي إحتياجات خاصه عايشين على الضمان الإجتماعي وماعندهم شئ غيره وين يروحوا وعندهم إلتزامات غير الأكل والشرب ولا حرام عليهم يشربوا اللبن بعد يعني مايشرب لبن إلا أهالي الطبقات المخملية والباقين يموتوا ينتحروا في ستين داهية لاحول ولاقوة إلا بالله العلي العظيم.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

المقاطعة تأديب لهم ، وتخويف لغيرهم ، وتكافل مع الفقراء .

أما لِمَ لَمْ نقاطع غيرهم فالجواب لعدم توفر الخيارات البديلة .

وكلي أمل أن يرتقي فكر الشعب ليقاطع كل المنتجات التي ارتفعت أسعارها سواء كان لها بديل أم لا .

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

,,,,,

مممممممم صراحة نحن قاطعنا المنتجات الأمريكية وبدينا ناخذ منتجات سعودية
أقصد في الامارات

الحين تفاجأت ان السعوديين نفسهم قاطعوا المراعي !!

ياربي شو ناكل

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

في كل منتج خيارات عديده .. ولكن الجوده هي ماتحكم توجهنا..

وصراحة أنا لا اشرب لا حليب المراعي ولا لبنهم.. لأن اعرف مدى جودتهم !!
لذلك أنا مقاطعتهم قبل الناس.. من اجل صلاحية المنتج وليس رفع سعره..

كل المنتجات بلا استثناااااااء زادت اسعارها..
واللي بيقاطع بحق وحقيق .. يروح يستأجر له خيمه في البر.. ويزرع نخله .. وبشتري بقره وخرفان..
والمويه .. ينتظر لما تمطر ببلاش..

المصيبه أن بعض من يطالب يالمقاطعه يكون مصيف ومتسيح في بلاد الواق واق المتضخمه اسعارها
اضعاف اضعاف دولتنا !!

ياليت كل فلوسنا تروح لأكلنا وطعامنا.. المصيبه إذا صرفناها على الكماليات المستورده
ولم نؤدي زكاتها وصدقاتنا..

الكلام في نفسي كثييير يا اخي الفاضل شاطئ ...
ولكن ما اقول إلا الله المستعان..

__________________

أختي الكريمة أم هشام

تضامننا مع المقاطعة هو تشجيع للفكرة في المقام الأول

و من الجيد أن يكون للشعب هذا الفكر

وإذا لقيت الحملة النجاح المنشود

فإن ذلك يمثل تهديدا خطيرا للشركات الأخر

ويضع حدا لجشع التجار

ولا أعتقد أن هناك طريقة للوقوف في وجه تيار الغلاء أجدى من هذه الطريقة

ومبدأ المقاطعة قد أشار إليه عمر - رضي الله عنه -

وذلك حين اشتكى إليه الناس أن الجزارين يرفعون أسعار اللحم فقال : ( اتركوه لهم ) .

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

عن نفسي احب اكون مسالمه لا مقاطعه و لا غيره

اذا رفعو اسعارهم ظلما فللظالم رب يحاسبه

صحيح انه غالي لكن ما احب اشرب غير المراعي و الصافي

لان بقية الالبان الله يعز النعمه خفيييييييفه كأنها مخلوطه بمويه

و اعتقد الزيادة مو كثيرة لاني قريب مريت البقاله اعطيته 7 ريال للجالون الكبير

و قالي صار بـ 8 ريال و اعطيته

و الله فيه اشياء كثيره غاااااااليه و نشتريها مثل الماركات و الساعات اللي توصل 200

عادي لو دفعنا ريالين او ريال زيادة ..

وجهة نظر ..

قريت في بعض الردود ان اللبن خفيف

حتى لو حابين تدعمو حملتكم لا تبالغو

لسى من كم يوم و انا متعشيه لبن و تمر

و بنفس الجودة و اذا تحبو تتأكدو اشربي شوي من الكاس و نزليه

و روحي عنه فترة و ارجعي تاقي ع الاطراف متكون مثل الزبد كل هذا و اللبن خفيف ..