شوفي يا أختي أنتم توكم متزوجين في السنة الأولى من حياتكم مع بعض وفي بداية الزواج دائما كل طرف يحاول يتعرف على طرق وأساليب الطرف الآخر وفيه بعض الأزواج الرجال في بداية زواجه يشيل زوجته شيل ما يرضى يزعلها وكل طلباتها أوامر عنده
وبعض الأزواج لا عندهم مفاهيم خاطئة عن الزوجة ويعتقد بأنه إذا إستمع لزوجته ونفذ لها طلباتها وحقق لها رغباتها يعتبر نفسه إنه صار تحت أمر زوجته وراح يخسر هيبته قدام أهله وأصحابه وراح ينزل من قيمته وقدره بين الناس
بالرغم من محبته وإحترامه لها بس في داخله في نفسه ومايظهر لها هاذا الشئ ويتصرف تصرفات جارحة لزوجته قدام أهله قصده يرفع سهمه عندهم بحيث إنه رجال ماتمشيه الحرمه على كيفها وكلمته روحي بيت أهلك أكيد إن هاذي الكلمة يقولها من ورى قلبه وعلشان إنه ماله خبره في الحياة ولحد الآن ماعرف وش أنتي تعنين بالنسبه له شوفي أنتي الحين لازم تعلقينه فيك زيدي رصيدك عنده لاتعانديه ولا ترادديه ولا تنتقديه أثني عليه أمدحيه لوقال لك روحي بيت أهلك قولي له ما أقدر أروح بيت أهلي أخاف إن قلبي يتوقف لو رحت لأهلي أنا تعودت عليك وعلى ريحتك وما لي غنى عنك أبد أنت وأنت بالشغل نفسيتي تتعب عاد كيف لو رحت لأهلي صدقني أصير مجنونة من بعدك
أنتي إذا تمكنتي من سلب لب قلبه وسيطرتي على عقله ورفعتي أسهمك عنده بتعاملك وحسن عشرتك وكيد النساء رايحة تملكينه بإذن الله الرجل يحتاج المسايسه والصبر وبذل المزيد من الجهد في إحتوائه إليك الحين كل مابكيتي وشاف دموعك قال هاذي شكلها ماتبغاني وماتحبني ولاتبغى تعيش معايه ويتضايق وطلوعه من البيت وقت الزعل مو زين بالذات إن توكم عرسان المفروض إنك تحتوينه وتغلبي العقل على المشاعر خليك حكيمه وصاحبة دبره إتعلمي فنون الحياة بيت الزوجية غير عن بيت الأهل الحين أنتي مقبلة على حياة جديدة ومستقبل جديد أنتي الحين عندك زوج وبيت وصرتي مسؤله عن حقوق وواجبات فلازم تثبتي لزوجك بأنك زوجة ناجحه وإن عندك ثقة في نفسك وعندك قدرة على إدارة حياتك الزوجية بكل إقتدار ونجاح زوجك إذا قال لك كلمة وضايقتك لاتبكين وتضعفين قدامه وتخلينه يحس بضعفك وإنهيارك إذا ماقدرتي تردي عليه أسكتي وحاولي تغيري السالفه تعرفي على الأشياء إللي يحبها والأساليب إللي تعجبه شوفي إيش يحب وإيش إللي يجذبه لك وتقربي منه وحسسيه بإهتمامك فيه وحبك له خليه يحس إنك تحبينه وتموتين فيه وبإذن الله إنه راح يتغير معاك أنتي الحين الموقف إللي صار في بداية زواجك علشان السفر إنسيه لاتخلينه يأثر في نفسيتك خلاص شئ وأنتهى والحياة الزوجية وأنا أختك ماتنبني بالسفرات والتسوق والطلعات والهدايا الحياة الزوجية تنبني بالتفاهم والحب والتقدير والإحترام ياما ناس سافروا وقضوا شهور عسل في بداية حياتهم ولاكن في النهاية حياتهم صارت فاشله
وياما ناس من بيت أهلها لبيت زوجها وعاشوا حياتهم كلها عسل في عسل وأنصحك يالغلا إنك تزيدي رصيد محبتك في قلب زوجك وتحسسينه بقدره وغلاه عندك عيشي حياتك ونصيحة صغيرة بعد وتحملينا شوي شوفي بالنسبة لتشقير والقص واللبس فأنصك ماتسوي شئ إلا برضى زوجك لأنك ملك له وجسدك ملك له والزوجة الناجحة هي من ترضي زوجها في لبسها وشكلها وعقلها موضروري إني أعجب الناس أهم شئ أعجب زوجي أعجب من يجب عليه رضاه وطاعته إذا بغيتي تسوين شئ إستأذنيه بالطيب ولاتسوين شئ زوجك مايحبه إلبسي وتكشخي على ذوق زوجك ورغبته مو على ذوقك وعلى ذوق صحباتك لأن هاذا يعتبر طاعة لزوجك وتؤجرين عليه بإذن الله فإكسبي رضى الله عز وجل ورضى زوجك وسامحيني على الإطالة.
وأسأل الله أن يصب محبتك في قلب زوجك صبا صبا وأن يسعدك ويوفقك في حياتك ويجعلك قرة عين لزوجك ويجعله لك قرة عين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يعينك ويصبرك
مشكلة عاد اذا الزوج صار بخير :S

انا ما اقول الا تصبري عليه وراح يزين ان شاء الله

^^

حالتك نفس حالتي بس الفرق بيننا انا كان يزود روحي بيت اهلك وبرسل ورقة الطلاق وراكي هذا ياقلبي لازم يعرف انك منتي لعبه عنده قولي له تتعدل ولا رايحه اشتكي اهلي قوليها مره و2 و3 قوليله ابوي ما زوجني عشان تهدد فيا انا مو ناقصني في بيت اهلي لا اكل ولا شرب اريد زوج اعيش حياه فيها موده ورحمه وربي نوعيه هاذي عن جد يبغالها تاديب وعلى فكره حتى انا لما اهله يصير عندهم شئ يزعل عليهم اما انا لو مرضت ولا همه

ادعي ربك في هاذي الايام الفضيله يسخره لك مسوين بعض الرجال انهم مستغنين وهو من جوه يتقطع رجال اخر زمن

اختي مجرد سؤال؟
ماكان في فتره تعارف وخطوبة يعي ماعرفتيه قبل الزواج؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ودي اقولك شي حبيبتي عاشقة
اغلب الرجال يتغيرو بعد الزواج الا من رحم ربي
يعني مو شرط انها تكون تعرفو او ما تعرفو

__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب

+ 1

__________________
اللهم ارحم والدي واغفر له

حبيبتي

كلمه واحده وقت يوعدك وتلبسي ووقت الخروج يقول لا

قولي له

: المؤمن اذا وعد وفى


روحي بيت بابا واخبريه لازم ينوضع حد لافعاله ويتربى من جديد

ابحثي عن حقوق الزوجه المسلمه وكيف على الزوج ان يعاملها

مسلمين بالاسم فقط الله يعين على بعض الرجال

__________________
http://live.gph.gov.sa/
اللهم اني استودعك اولادي

بصراحه كل طلباتك بسيطه واي وحده تطلبها عادي حتى لو ماكانت مدلله عند اهلها مثل المصروف والزيارات وخصوصا الاحترام..

أسوأ حاجه انك لما تلبسي وتخلصي ولبستي عباتك وقلتي يلا فجأه يرفض...قهههههههههههههههر واحراج

ماشاء الله عليك صامده معقوله ماجاك ضغط وسكر..

مدري احس لو انا مكانك وقتها انزل واتركه في البيت وآخذ تاكسي واروح للناس الي وعدتهم...والي بيصير يصير..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

يؤ يؤ يؤ يالشر
يعني مافي الا ذا الحل الله يهداك
يعني حل المشاكل ( قابل الصياح بالصياح )

لا أأيد هذا الراي مع احترامي وتقديري
تحياتي

طيب كيف وقفتيه عند حده انتي
واذا لسى ما وقفتيه ليه تقولين لها وقفيه عند حدة وانتي ما سويتي نفس الشي


يا اخوان هي تبي حل لو تبي تشتكيه عند اهلها كان سوت
انا ما انصح انك تشتكين لان بتزيد المشكله
لكن مافي مانع من التخويف
انه اذا كررها راح اترك البيت واقول لاهلي ومن ذا الكلام
تحياتي