03-09-2011, 05:29 AM
|
المشاركة الأصلية كتبت بواسطة عآشق الأروى
أول شي السلام عليكم ورحمـة الله وبركاته / ..
بالنسبه لموضوعك شدني بقووه . لأن بدايـة موضوعك وهوآ ؛ ان زوجتك تتضايق من وجودك بالبيت او انك بيتوتي ؛ هـــذي نوعآ مآ تشبــه مشكلتي تمآمآ .. رآح اقولك شي يمكن تقتنع معآي فيهـ .. المرأه تحب انهآ تحس بؤنوثتهآ وضعفهآ وتحب تلاقي القوه عند الرجل < صح !؟ ممكن تقولي ايش علاقتي بهالكلام .. اقولك يا اخي ترآ الرجآل لما يكون كثير الاهتمام ويكون حنوووون جدآ ويكون لاصــق في زوجتــه كل شوي يلاطفها ويخطب ودهـا ورضاهـا .. ( هنآ المشكله ) .. فـ هالحاله الحرمـه تحس انهآ امام رجل ولاكن هذآ الرجل تنقصــه بعض الصفات التي تجذب له الانثى .. وتنقصه بعض الصفات الي تكون سبب في إحساس زوجته بؤنوثتهـا ودلعهـأ .. يعني بإختصار .. الثقل والرزانه والجديه < من الصفات المهمه عند الرجآل .. اهتم فيهـا وفي بناتك ولاعبهم وقضي حاجياتهم .. بس مو طول الوقت لدرجة ماتخرج من البيت خلي زوجتك هيآ الي تقول لك اشتقت لك يابو فلان اسهر معايا الليله خلك في البيت لا تروح .. الخ اخي اعلم / ان الشيء اذا زاد عن حده تغير المراد منه .. يعني لو لصصصقت بزوجتك ليل نهار او أغلب الوقت راح تتملل منك ومايصير فيه شوق او ماتحس بحبك لهـا .. دايمآ الانسان الي يقول احبك احبك احبك < تصير هالكلمه مالهآ طعم .. نفس الشي الانسان الي دايم بجنب زوجته ويراعيهـا ويهتم فيهـا ويدلعهـا ويقولهـأ احبك ويجلس بجنبها ومايخرج الا معها .. كون لك بيئه إجتماعيه صالحه .. مو تخرج من البيت تطيح بدخان واستراحات لا ياخي زوجتك المسكينه مو قصدهـا كذآآآ هيآ تقصد كون لك بيئه اجتماعيه تستفيد منها وتخرج من البيت بأوقات معينه .. وبنفس الوقت ماتهمل بيتك وأولادك .. ترآ حتى الزوجين يحتاجوآ لفتره راحه وبعد عن بعض عشان تتجدد المشاعر ويزيد الحب ويكثر الاحترام المتبادل .. إمشي ع المثل الي يقول ( امسك العصى من النص ) .. ابعد عنها شوي واخرج اشتري لك اشياء شخصيه خاصه فيك لوحدك لو انك رجآل فيك جلد على الطاعه والعباده .. اجلس بالمسجد بين الصلوات اقرا قران واقرا الاذكار .. اخرج بسيارتك مع واحد من اخوياك .. صدقني مجرد ماتحس زوجتك انه صارت لك حياتك الخاصه .. بتعجب فيك .. وبترجع تشتاق لك وتموووت عليك بعد .. تصدق مره قرأت في مجله وانا عند الحلاق .. إحصائيه تقول .. ان النساء اكثر اعجابا بالرجل الي يكون له ميول كروي .. يعني يحب الكوره ويشجعل فريق معين ... واتوقع السبب لان المرأه تحب ان تشعر بأن الرجل له كينونته الخاصه وشخصيته الرجوليه تكون غالبه عليه أكثر من انه يهتم بالاولاد كثيرا جدا وينظف البيت ويقضي اغراض البيت ويسوق السياره يوديهم مطاعم ويدلعهم ويلعبهم كل شوي .. وخذ قدوتك النبي صل الله عليه واله وسلم .. كآن يخدم اهله بنفسه ( انت احسنت في هذآ الشيء ) ولاكنه كان ينشغل عن اهله بطاعة الله وبقضاء امور المسلمين وغيرهآ من الأمور .. مآهو بشيء جميل ان يبقى الرجل في البيت فقط ويقوم بمهام اسرته .. نعممم زوجتك واولادك لهم حقوق .. ولاكن اجعل لنفسك كينونه خاصه .. اهتم بنفسك وبمآ تحب .. اشغل وقتك بهواياتك .. لا تبخل على شكلك ومظهرك .. تزززين اجمل زينه .. الله يصلح مابينك وبين زوجتك .. آمين |
03-09-2011, 05:30 AM
|
المشاركة الأصلية كتبت بواسطة روح الطير
زوجتك من النوع اللي ما يعجبها العجب و قابلت كثير من النساء من النوعية هذه
جارة أمي كانت تبغى قنوات في تلفزيونهم و زوجها ملتزم و رافض الفكرة بعد ما جاب لها القنوات الفضائية، صارت ترفع صوت الاغاني و تخليه غصب يسمع و يتفرج و كانت تشتكي انه ما يطالع بالتلفزيون بعد فترة صارت تشتكي انه زوجها ماصار يغض بصره و لا يلتزم بصلاته بالمسجد و تقول ليت يرجع مثل زمان و وحدة من زميلاتي يوم زرتها كانت تقول ليت زوجي يخرج و يسهر بدل ما هو جالس في البيت و يرجع كل يوم الساعة 10 و قلت لها لا يتعود على السهر و كذا أحسن بس هي تقول بالعكس انا اقول له روح اخرج و أسهر زارتني بعد شهر و تشتكي من زوجها انه صار يسهر و يرجع متأخر و تخاصمت معه ؟ احترت إيش اقول لها ؟؟؟ |
03-09-2011, 05:32 AM
|
المشاركة الأصلية كتبت بواسطة رجل طيب جدا
افضل حل انك تتزوج الثانية وتفتح بيتين
في هذه الحالة وقتك بيتوزع بالتساوي داخل البيت وخارجه و دون افراط او تفريط |
03-09-2011, 05:33 AM
|
المشاركة الأصلية كتبت بواسطة موهبة الكويت
زوجتك احسها نبيك على مزاجها يعني تكون مثل الربوت متى ما اشتهت اليمين قالتلك روح يمين والعكس صحيح
وبنفس الوقت ودها تكون اكثر حزم وصلابة وما تحقق اللي هي تبيه الحل انك تسوي اللي يريحك ولا يشغلك كلامها |
03-09-2011, 05:34 AM
|
المشاركة الأصلية كتبت بواسطة الورديهـ
الله يعينك عليها
|
03-09-2011, 05:36 AM
|
المشاركة الأصلية كتبت بواسطة الغالب
ولا تزعل مني الشرهة عليك اخوي موكل ماقالت لك الحرمة شيئ درعمت راسك وقلت لها تم دامك ماتسوي شيء غلط ماعليك منها
|
03-09-2011, 07:13 AM
03-09-2011, 02:38 PM
03-09-2011, 02:50 PM
03-09-2011, 03:01 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
