طيب انا قلت له انو نوقف مكالمات بس
هو قال انا احترم قرارك ودام هالشيء يريحك
بسويه بس انا قلبي عورني ماقدرت اتركه ماكلمه
وانا اخاف اخسره
وللمعلوميه هو يصير ولد خالتي

تعبت مو عارفه وش اسوي
ساعدوني ابي شوركم

مشكور اخوي
بس احنا نحب بعض من زمان
واهلي عارفين هالشيء
هو كان متوظف بس فصل لظروف
وانا اساسا لسى ادرس

بس زي ماقلت يعصب فجاءه يقولي انك ماتحبيني
ويسمعني كلام كثير واخرتها يقول احبك واموت تعبت
من تفكيره وماعاد اعرف اتعامل مععه

إذا أنتم لم تعقدوا فهو ليس محرم لك ولا يجوز شرعا الحديث معه بهذه الطريقة , كما قال أخي روح الطير , ولما في الإسراف في هذا الموضوع من آثار قد تحدث بعد الزواج , وأقترح المسارعة بالزواج إن كانت الظروف متيسره .

هلا اختي ..

خطيبك ما يعرف يحب ولا يعرف شئ ,, هو الأن بمرحله انك تساعديه ,,, وما فيها شئ قدري وضعه مو كل الرجال يعرفوا الحب اغلبهم جاهلين ,, متفلب المزاج ,,

فهميه حبه حبه .. وشوفي النتائج ...

حياه سعيده لك ,,

اخوك .. طلال

مايجوز الله يهديك تكلمينه

على الأقل خليه يعقد عليك

اهلك يدروون انك تكلمينه وانتوا ماعقتوا العقد على بعضكم......
لاتكلمينه مايجوز
هو ليس محرم لكي الان.......

يعطيكم العافيه ع المساعده
بس يناس تكفون افهموني
هو باقي له يدور ع وظيفه
طبعا ماحد من اهلي يدري الا اختي المتزوجه
هي تدرري بس يناس كيف اقوله وش اقوله علشان نوقف مكالمات
جد من اللحين عليه تصرفات مره تقهرني
اسئلته دايم يحسسني اني ماحبه ساعات افكر انو مايحبني
مادري يتعمد يجرحني وماقدر اقوله شيء
تعبت والله لا ليلي ليل ولا نهاري نهار تفوووووووووون
بمووووووووووت من التفكير
ابغى اخليه يوقف مكالمات وبنفس الوقت ماابغى اخسره

هلا اختي ...
افضل شي عشان ما تخسريه .. قولي له شوف انت اذا تحبني خلينا نوقف المكالمات الين ما تتوظف ..

اذا كان يحبك اكيد انه راح يتفاعل وياك ..

بيألك اختي اشلون قبلتي فيه وهو باقي مو موظف ..

اختي خطيبك بأي مدينه .. ممكن يكون بنفس المدينه الي انا ساكن فيها .. ان شاء الله راح أأمن له وظيف بس اهم شي يكون انسان جاد بالعمل .. ايش مؤهلاته الدراسيه .

تحياتي

اخوك - طلال

السلام عليكم ورحمة الله تعالى وبركاته ..

أختي الفاضلـة .. عنــادي ..

بداية أبارك لك هذه الخطوبة .. و أسأل الله العلي القدير أن يتمم على خيــر ..

ليس لي الخبرة الكافية في هذا الموضوع .. ولكن أتحدث لك عن تجربة . سمعت بها و رأيتها و عشت بعض منهـا ..

الدافع وراء هذا أختي الكريمة .. الغيرة الشديدة ..

فهو غيور عليكي بشكل يصل إلى حد الجنـون ..

ولكن بعد أن يتم الله عليكم بالزواج بالخير

ستلاحظين أن كل هذا سيزول ..

ما إن تستقرون بقرب بعضكم .. سيزول كل شيء .. ستزول كل الكره ..

فما أنتي فيه هذا شيء طبيعي .. و هذا دليل على حبه الغامر لك ..

و سيأتي يوم ستقولين بأن كلامي صحيح .. لاني مررت بهذه التجربة ..

فلا فهم إلا بالاجتماع سوياً .. لا فهم الهاتف او الايميل أو الحديث بطرق غير مباشرة ..

ستفهمون بعضكم حالما تلتقون ..

و كثيراً ما قالوا لي جملة استفدت منها كثيراً .. (( فترة الخطوبة هي أول شهر بعد الزواج )) .. لانه وقتها ستتعرفون على بعضكم بقرب أكثر ..

سامحوني على الإطالة .. و نسأل الله لكم ولي عيشة هنيئة ملؤها الحب و الاحترام و السعادة

__________________
أستغفر الله العلي العظيم من كل ذنب ..
لا إله إلا الله محمد رسول الله

الله يسعدكم ع ردودك وربي ريحتوا قلبي
بس دعواتكم لي