أختي وافتعالها للمشاكل ..؟!كيف اتصرف ارشدوني جزيتم خيرا ..
السلام عليكم ورحمة الله وبركاته
اخباركم جميعا ...
بصراحه المشكله ليست لي ..
انا هنا لا اكتب عن أمي حفظها الله فهي بمشكله وطلبت مني ان اطرحها على عقول نيره لا افادتها بالتعامل مع المشكله لا بل مع من تفتعل المشاكل دائما وهي اختها (خالتي ) ..
انا حامل وتعبانه وبالشهر السادس وعندي مرض سكر الحمل وتعبانه جدا جدا اغلب الوقت ع فراشي وان جلست فمااقدر اجلس اكثر من ساعه لاني اتعب جدا
انا الاخت الثانيه والكبرى بالنسبه لااخواتي
وهذه الاخت ساارمز لها بالحرف (ع) فهي اصغر مني بعشر سنوات وللاسف هذه الاخت شوشرت علاقتي بااهلي باامي وابي واخواني واخواتي ..للاسف اجتمعنا مره بصيفيه فشبت النار وحرشت ابي وامي
ولكن انا قايمه ببرهم والاتصال بيني وبين اخواتي متواصل ولكن يوجد بقيا بلنفوس من
اثار المشكله اللي تدخل الاخت ع فيها الاهم الان وهي انها زعلانه تقول ليه بناتك مامروني بالعيد ؟فقلت من متى اصلن قد رفعوا السماعه وعايدوك بناتي متعودين نجيء عند بعض بالعيد ونعايد بعض ياانا ياانتي نجيء عند بعض اللي يسمعك يقول ان بناتي قطعوا هالعاده وهي الاتصال لمعايدتك ..!
بيوتنا حول بعض ومتعودين نجيء عند بعض وانا تعبانه وعارفه بظروف حملي والجيه منك
ومن الاساس انا اختك الكبيره فمريني وانا بتعبي فكم مره قد جيتك وانتي بتعبك بالعيد وغيرها وكم مره جيتك لاجل عيالك مايتعبون لان بذاك الوقت شتاء وبيتي بنظرك بارد ع عيالك والان تجين وتلومين بناتي لانهم مامروك مريني انتي طيب .. والله يهديها هي كم مره انا اجيها واخدمها واول وحده تجيء بالعازيم لمساعدتها
هي..وتولد واجيء عندها واخدمها بالنفاس ..وقد غيرت اثاث البيت وطلبت وحده من
بناتي لمساعدتها بتنظيف وترتيب البيت فلم ابخل وارسلت بنتي معها ..يعني لم ابخل لا بجيتي عندها ولا بمساعدتي لها وقت الحاجه ..
وهي والله الشاهد على مااكتب انها ولا عمرها الى الساعه هذه
قد خدمتني بتعبي ولا بنفاسي ولا نامت عندي لمساعدتي مثلا ...ورغم ذلك وجدت منها النفاق والتحريش وتعبئة راس ابي وامي والتدخل بين بناتي وخالاتهم لعمل مشاااااكل اكبر ! واخرها اليوم ارسلت ليه بناتك مايمرون علي ويسلمون علي ؟؟! فقلت انتي بنفسك مامريتي علي وانا اختك الكبرى وانتي اعلم بتعبي وكم مره قد جيت عندك بتعبك وبالعيد واما عن بناتي فمن متى هم يتصلون عليك ويعايدونك ..! وهذا مو تنقيص بقدرك لكن السبب وهو ان كلنا بالرياض وبيوتنا حول بعض وبناتي معتادين نتقابل بلاعياد
يااجيك ياتجيني هذا هو السبب ..ولا اعلم يوم ان بناتي كانوا يرفعون التليفون عليك ويعايدونك بالعيد وكأن هالعاده قطعوها البنات ثم ردة بمسج اخر وقالت ليه البنات والقصد بناتي ( مع العلم انها مو من اعمار بناتي ولا حولهم
واكثر من رساله فيها تدخل بين بناتي وخالاتهم يعني ماكفاها اللي سوته ..فرديت عليها لاتتدخلي بين البنات وخالاتهم ..
فردت برد نهائي وقالت انتهى النقااااش باأدخل كبير بيننا وحسبي الله ونعم الوكيل .. ..((والواضح انها هي ناويه من اسلوبها ورسائلها ان تجعل مشكله بسبب ان قلبها مو صافي على بناتي بسبب مشكله بااحدى الصيفيات كانوا لايحترموني اخواتي ويسبوني فتكلمت بنتي همس بأأدب قالت احترموا اختكم الكبيره (وهي انا ) وعيب الكلام الوسخ اللي تقولونه لها ..وهنا ماعجب الاخت (ع) ان
بنتي تكلمت وترضينا انا واخواتي واعتذوا مني واتى اليوم الاخر الا والحال منقلب اخواتي ماهم راضيين مايكلموني وامي منقلبه نفسيتها والسبب الاخت (ع) ماهي راضيه ابدا عن الصلح اللي حصل بين بناتي وخالاتهم فهم بااعمار متقاربه ..وحصل مرادها وقلبت النفوس وتبدلت وصار الاهل وهم اهلي مايطيقون بناتي)
ارجع للمشكله الان ..
انا اختها الكبيره وكم مره قد جيت لها وخدمتها وارسل بناتي عندها يساعدونها لاطلبت سنييييييييييييييييييين وانا شايله فيها
وانا مابخلت عليها
واول مااتعب ع ظهري تزعلللللللللللللل لاني ما مريتها مثل المعتاد وقعدت عندها وسبب الزعل الرئيسي وهي اني زرت وحده من
جماعتي مريضه مكسوره رجلها فتقول ليه زرتيها وما جيتيني ! طيب انا ماطولت عند الحرمه ..
وغير كذا ردي سلفي لك ولو مره وعيدي علي ولو بالتليفون .لان كان كل عيد مره تقول بيتكم برد فااجيء لها لاجل عيالها الصغار ومره نروح لها ان ماجت ووووالخ ..
بالله من الحق معه . .؟
وكيف اتصرف معها من اليوم ورايح لان الطيبه معها ماتنفع والاخذ والعطى بنظري ماينفع لانها تفتعل مشاكل وتناااافق والان متقاطعين من اول يوم بالعيد بيناا بس الرسايل اللي ذكرتها وانتهى الموضوع امس بااخر مسج منها وغير كذا فهي حتى تفتعل المشاكل
بين اخواتي وتتدخل وتعقد الاموووووور وكأنها الواعيه والفاهمه وهي تنبش وتسب وتعبي مخ الواحد من تحت لتحت هداها الله والنهايه تقاطع بين الاخوات وغير كذا تحرف كلامي اللي بلمسجات وتحلف بالله سبحانه كذب والله الشاهد ع كل حرف كتبته
لو كنتم مكاني فما التصرف السليم الذي تنصحوني لااسلكه ..؟.
__________________
اللهم فرج همي وهم كل مسلم ...
التعديل الأخير تم بواسطة همس 2009 ; 22-09-2011 الساعة 04:14 AM
22-09-2011, 04:05 AM
ضوابط المشاركة
العرض الشجري