بدخل بالموضوع ع طول انا مطلقه من خمس سنوات 30 سنه ومن المشاهدات والمتابعات للمنتدى ويمكن لي مشاركات فيه طبعا اراد الله سبحانه وتعالى وانخطبت لشاب عمره37 سنه رغم العقبات الي سببها لي ابوي الله يسامحه حصلت الموافقه وتمت الخطبه لكن والله بمشاكل مايعلم فيها غير الله بالمختصر ابوي مايبيني اتزوج عشان راتبي راوغ وماطل كثير وحاول بشتى الطرق يعرقل هالخطوبه حسيت بيأس شديد وكرهت كون عندي اب تمنيت اني يتيمه كل الي سووا فيني ابوي لاني معلمه يقول فلوسي وتعبي ماتروح لولد الناس ,, واذا كلمته عن عمري الي راح ووصلت لل30 واني ابي عيال يشيلوني يدعي علي الله لا يرزقك الله لا يوفقك الله يقطع رزقك وذريتك ويحلف اني ماشوف عيال بعيني .. لدرجه اشك انو مسوي لي عمل .. حصلت الخطوبه بالغصب ولا يحترم خطيبي واهله بالمجلس واذا كلمه بالجوال عاساس الزواج يتكلم عليه ويحاول يضايقه بتصرفات ونفخ .. خطيبي متحمله .. عموما عملنا تحليل فحص ماقبل الزواج واتضح ان خطيبي يحمل فايروس التهاب الكبد الوبائي بي خامل وانا اخذت الجرعات الثلاث وانتظر للشهر الجاي النتيجه اذا فيه مناعه ام لا .. طبعا ابوي فرحاااااااااان والله العظيم فرحاااااان بهذا الشي ويدعي مايتم هالزواج وانا حزينه ان ابوي واقف بطريقي وربي كانه عدوووو لي .. مبسوط كل ماشاف الناس يقول هذا مريض هذا مريض .. فشلني وخصوصا عن اقارب طليقي اني بتزوج واحد مريض ويشمت فيه يقول عالجيه وضيعي فلوسك في علاجه هو واهله .. طبعا خطيبي مطلق بدون اطفال وانا مطلقه بدون اطفال والله اني استخرت واستخرت كثير والحمد لله مرتاحه له من البدايه ومن شفته بالنظره قلبي ارتاح ومتعلقه فيه وهوه نفس الشي مرتاااح ومتعلق فيني ومبسوووط ..والله العظيم اني مو مصدقه انو راح اعيد بناء بيت انهدم من 5 سنوات نفسي بكلمه ماماااااااا نفسي اعيش زي كل البنات الي بسني .. لكن ابوي كااابوس بتصرفاته معي .... ومرض خطيبي سبب عقبه قدامي .. احس اني بدوامه دعواتكم وابي مشورتكم لي .. وبالنسبه للمرض الي عنده شي يفيدني ( التهاب الكبد بي خامل)