وعليكم السلام
الله يسلمك والحمدلله ظهري طيب اللهم لك الحمد
وزوجي ما عاد رجع للمشروب
وخياناته قبل وفاة اخوه
خياناته بكل اشكالها يكلم بالفايبر والواتس اب ، عنده صور البنات ، صور له مع بنات في مكان عام وفي الغالب تكون بالخارج ، يعطيهم هدايا ، يقابلهم في مكان مغلق او خاص مابعد مسكتها عليه لكن لو امسكها ماراح اسكت هذي فيها طلاق ،
محادثاته في البرامج شكله يعرفهم من زمان ويعرفون انه متزوج
ابي اعرف من المحادثة وش الهدف وش يبحث عنه مااعرف الا محادثة وحدة كانت محادثة يشيب راسي منها وكرهته عقبها
الله يجزاك خير ويفرج كربك

__________________
وإني لأرجو الله حتى كأنني ... أرى بجميل الظن ما الله صانعُ .

انا احب زوجي والاحقه ومسجات ومن يدخل اطب فوقه مو مثل اول بس مازلت مهتمة فيه ولو انشغلت عنه قليل عندي ثلاث اطفال وادرس وماعندي خدامة يعذرني
ومقدر ارد عليك ب اكثر من كذا الا اني اقول الله يسعدك ويوفقك بالدارين ويجزاك خير

__________________
وإني لأرجو الله حتى كأنني ... أرى بجميل الظن ما الله صانعُ .

نصيحه روحي معه يكمل دراسته وانتبهي تقولين له روح لحالك...كيف تقولين له روح لحالك وانتي عارفه انه مو قد الثقه؟؟...وهو عارف نفسه وشهواته عشان كذا يبيك تروحين معه تعفينه...وشي طيب انه طلب منك ترافقينه..

انا اقترح عليك تسافرون يكمل دراسته وانتي تقدرين تكملين دراستك هناك..او تاجلين الدراسه هنا..اهم شي لاتوقفين عثره في طريق مستقبله ورغبته في الدراسه..الله اعلم ماتدرين يمكن الخيره لكم تسافرون برا...وينشغل في دراسته والغربه..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ماابي اترك دراستي وانا في النص ومو من السهل اعيدها من اول
واذا بروح ابي استفيد اكمل ماستر وماابي اروح واطفالي صغار مرة
ينتظر الله لايهينه مو وراه بس دراسته وراه عايلة
اشكرك وجزاك الله خير

__________________
وإني لأرجو الله حتى كأنني ... أرى بجميل الظن ما الله صانعُ .

تعرفي ياهناوي.. موضوعك صدممممممممممممممممممممني
لما اقرا مشكلة الاي عضوة جديدة معانا هنا احكم عقلي واحاول اخلي نفسي مكانها و ارد

بس لما تكون العضوة من العضوات الغاليات على قلبي و من القدامى مثلك
انقههههر و ينربط لسااني
عشنا معاك الخطوبة و فرحة الزواج و الحب الجميل و فرحة الحمل و الولادة الاولى
والان مشكلة قوووووية زي هذه
مادري ايش عاد اقول !!!

كل اللي براسي انك تقوي ردة الفعل شوي ... يعني هو عارف انك
بتزعلي شوي و ترجعي ..
روحي لاهلك و ازعلي فترة . يمكن يحس ساعتها انك يمكن تضيعي فعلا من يده فا يرتدع
ارسلي له ايميلات فيها عاقبة مايفعله او كلمي شيخ مسجدكم يكلمه
والله مادري ياهناوي كلها اقتراحات و مش عارفة بتناسبك ؟
بس بسالك خياناته وصلت للفراش؟؟ ولا بس تلفونية ؟؟؟
وهل تنشغلي عنه كثير بحكم وجود الاطفال و دراستك ؟؟؟؟لانه يمكن يحس بالفراغ و يدور البنات ؟

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا والله
الشكوى لله
ياحبي لك فعلا بينا علاقة اخوية
ازعل من اروح عنده اخوي مبتعث وامي متزوجة وعايشة بقطر وابوي الله يرحمه
اكلم شيخ المسجد مااتجرأ
خياناته كل شيء يصلحه الا سالفة الفراش مابعد كشفته او حصلت دليل عليه
ماانشغلت عنه مرة بالعكس احبه والاحقه
الله يجزاك كل خير ويفرج لك

__________________
وإني لأرجو الله حتى كأنني ... أرى بجميل الظن ما الله صانعُ .

بس عندي سؤال
زوجك دكتور بالجامعة ؟ يعطي مواد يعني؟

محاضر يعطي مواد

__________________
وإني لأرجو الله حتى كأنني ... أرى بجميل الظن ما الله صانعُ .

اااخ
ياهناوي قلبي عورني عليج
اايد نوره انتي غاليه علينا ياهناوي
نحتار شنقووولج

لكن يبدو انج انشغلتي عنه فتره موقصيره وهو شكله من النوع الكتوم اللي مايعبر عن احتياجه لشريك حياته لذلك يلجا لطريقه غلط عشان يعوض احتياجه
تقربي منه اكثر خليه يتكلم عن اللي بخاطره لاتسمحين له يقفل المواضيع وكان شي لم يكن
جربتي الزعل ومافاد
جربي الحوار الهادي يمكن توصلون لنتيجه

والله يساعدج ويهون عليج الامور

__________________
اللهم احفظ لي زوجي وسخره لي واحفظ لي اولادي

اليوم اسهل شي بالدنيا انك تتعرف على بنت
وهذا مما عمت به البلوى في حياتنا والشواهد كثير

زوجك يحتاج منك شي منتي مقصرة فيه ولكنه مو كافي
هذا من ناحية المبدأ ..
وانتي اعلم من كل الموجودين عما ينقصه.. فعوضيه

انا لا ابرر خياناته فالخيانة لاتبرر وهي اقبح من ان تستساغ
ولكن لو كانت بس مكالمات.. وما تعدت هذه الحدود فسبيل رجوعه قريب
فلذة طعم الحرام لم تتسلل اليه وهذا امر جيد.. وسيعود لك انتي وبس


حاولي تبينين له ان حبك واخلاصك له يجب ان يقابله حب واخلاص منه
هذا امر يطعن في قلب الرجل دون ان تعلم المرأة... قوليها مرة بشكل عفوي
اذا راددك بالكلام بيني له منافع الاخلاص .. وان الحب حلاته في اخلاص كل طرف للثاني
حاولي تبينين له راحة قلبك وانتي مخلصة له.. وان هذا الاخلاص هة دليل حبك له
صدقيني من نفسه وبدون ما تكلمينه عن علاقاته رح ينسى ويترك قرفهم


وحطي في بالك يا نظيفة ياعفيفة ان مكانتك بقلبه ماتغيرت لانه يعرف قيمتك انتي
امام الخنا والقذر اللي هو يتعامل معهن..
ما احد في الدنيا يقارن بين زوجته وبنت لعوبه ابداً.. ولايروح بالك بعيد


من كلامك واضح ان زوجك يحبك وانتي ماليه عليه حياته وقلبه...
بس ابحثي عن نواقصه اتجاهك
راجعي نفسك..
هناك امور خاصة ماتنقال هنا يتلذذ فيها البعض من غير زوجاتهم
هناك خفايا انتي تعلمينها..
هناك امور طلبها منك او لمح لك فيها ولم تتجاوبي معه انتي
كيف انتي معه برسايل الجوال... جننيه رسايل حب وشووق وغرام ونكت وفرفشة
ومعها لا تنسين بعض التوجيهات الدينية
هذا زوجك حلالك وادخلي معه في كل تفاصيل حياته.. بس ابدي بالتدريج



عندي احساس انك بتنجحين في احتواء هذا الزوج المشاغب



تمنياتي لك بالتوفيق

__________________
ان انت اكرمت الكريم ملكته.. وان انت اكرمت اللئيم تمردَ!!