حالتي صعبة قسم بالله

باختصار : قبل سنة خطبت وكنت متعلق فيها بقوة ، وكانت أكبر مني طبعا ، وكان أهلي رافضين لهذا السبب ، وبعدها صارت مشاكل ولا عقدنا وكنسلنا الموضوع بشكل ودي ، بعد ما عرفنا أننا ما نصلح لبعض ..


أهلي استغلوا هذا الشيء مع أنه ما له علاقة بكونها تكبرني ، بس صاروا يقولون لي ما قلنا لك لا تفكر بوحدة أكبر منك ؟!
مع أنه ما له دخل أصلا ..

أنا مصر إلى بكرة أني ما أتزوج وحدة أصغر مني ، ما أبي إلا وحدة قدي أو أكبر مني ، وأهلي مرا مو عاجبهم هذا الشيء ولا راح يساعدوني فيه ، بس أنا أعرف كيف أتصرف لكن المشكلة الكبرى عندي ، نظرة البنت في الخاطب اللي يكون أصغر منها ، قرأت في هذا المنتدى مواضيع حطمتني صراحة ، وحدة مترددة في خطيبها مو لأنها أكبر منه ، لا لأنها أصغر منه بسنة !!
ووحدة في منتدى ثاني يا حليلها صغيرة عمرها 18 سنة تقول ما أبي أتزوج إلا واحد أكبر مني بست سنوات ، تقول أبي أحس أنه وراي رجال !! قسم بالله حطمتني ههههههه

لا ويقول لي واحد لو أنك جثة مثلي ما يهم صغر سنك ، بس مشكلتك شكلك أصغر من سنك

طيب وش الحل الحين ؟

رجاء ما أبي أناقش في فكرة الزواج بأكبر مني ، لأني حاسبها صح ، ولي سنتين أفكر في هذا الموضوع ، وعارف والله كل المشاكل اللي بتقولون بتصير فيها والكلام المعروف وأنها تكبر بسرعة ومدري ايش ..
رجاء هذا الكلام عارفه ..

اللي أبيه منكم بس تقولون لي كيف نظرة البنت ؟
هل في بنات يقبلون بهذا الشيء ؟

نصحني ولد خالي وأنا بزر في الابتدائي أني ما أصادق إلا أكبر مني ، ومن بعدها أصدقائي كلهم أكبر مني وبعضهم بعشر سنوات وأكثر ، وأحس أني ما أقدر أتعامل مع وحدة صغيرة أبدا ..
وغير كذا أنا إنسان لي طموح علمي واهتمامات علمية كثيرة والصغار شبه مستحيل يكون هذا الشيء متوفر فيهم ..

وووأسباب أخرى !!


آسف على الحوسة في الكتابة ، بس والله أحس أني متحطم بقوة

باختصار أبي حرمة !! حتى لو كانت مطلقة !!

__________________