جرحتني اعز صديقاتي بتجاهلها لي
السلام عليكم ورحمة الله
كيفكم اخواني واخواتي
بدخل بالموضوع على طول
انا مجروحه من اعز انسانه عندي بعد فقدها اظلمت الدنيا بعيني تعبت من كثر ما اوفي معاها وهي ولا همها
تخيلو من قبل رمضان اللي فات سوت عمليه والله الذي لاإله غيره اني كل يوم اكلمها مرتين اوثلاثه
وقفت معاها دعواتي كلها لها كنت ابكي لتعبها وحزنها
تحملت الين تشافت صرت اعاتبها ليه ماتتصلين ليه ما تجيني بالمسن صرت ما انام وطول اليوم ابكي عشانها
والله ولا تعبر كلامي ولا تسأل لواغيب شهر
احتجتلها كثير تعبت ولا سألت
انا ادرس دراسات عليا جات اختباراتي الترم الاول والله ولا اتصلت عليه ولا اهتمت
نجحت تمنيتها تباركلي والله ولا سألت عني ولا درت عني
اتصل عليها ابكي اعاتبها تقولي ماني فاضيه مشغوله معقول ياناس قريب سنه وهي مشغوله ؟!
والله ذليت نفسي لها وانا اللي طول عمري عازه نفسي ولا اذلها لأحد
والله اني قاعدتي بالحياة (ما اطرد ورى مقفي )
بس معاها ماني قادره والله اني على سريري اجلس ساعات اتقلب وابكي مايجيني النوم
انام والجوال بيدي على امل تتصل وكل يوم اصحى من النوم ويموت الامل بداخل
تعبت تعبت والحين عندي اختبارات ماني قادره اذاكر من الهم والحزن والصدمه
ليه يموت الوفا
ليه الانسان اللي نحبه يخذلنا
والله اني محبوبه وصديقاتي كثير وكل وحده تتمنى رضاي
تكفون اعطوني الحل والله اني بهم ما يعلم فيه الا ربي
والله تعبانه وحالتي حاله تكفون ساعدوني
التعديل الأخير تم بواسطة روح المساء ; 17-03-2012 الساعة 10:59 PM
16-03-2012, 08:52 PM
ضوابط المشاركة
العرض الشجري