مسكين الاخ ...
هو غلطان مرة ترى مفروض ما يجيب خبر لاحد عن ام عياله
مهما كان اللي سوته مو هين فضيحة لو انتشر علمها
وايش يضمنه الحين ان خطيبته بتكتم السالفه



اجلس معه و عطه درس في الكتمان مو كلش ينقال
و بالنسبة لخطيبته يطنشها هي و زعلها
مالها داعي يعني جاي يشتكي لها قلبت عليه قليلة الخاتمة
خله يزعل منها و يقولها انا جيتك عون و ابيك تشورين علي
وانتي برطمتي الشرهة على اللي باقي يعلمك
و شوف كيف يتراضيه
مع اني ما اتوقع منه انه بيزعل مبين انه طيب
و حنون ما يقدر يطنش
و طليقته هذيك الله يهديها
لاعاد يطب لها بيت
عياله يطلعون له عند الباب
يلعبهم و ياخذهم بالسيارة
و صلى الله و بارك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

وصلى الله وبارك
الله يجزاك خير
رغم انك مطلقة إلا أنك اجبتي بكل حياديه

خل ربيعك يقول لخطيبته هذا جزاي اني خبرتج بكل اللي يصير معاي؟؟
تبيني اخبي عنج ؟؟ ماعندي مانع كان بامكاني اخبي عنج بس قلت مايصير ابتدي حياتي واخبي عن زوجتي اي شي ؟؟
انا اغلطان اني خبرتك وطلعتي ماتقدرين ولاتراعين صراحتي معاج ؟؟
ومرة ثانيه توبه مااصارج بشي ثاني ..
وخله شديد باللجه عشان تحس انه تضايج من سلبيتها في الموقف

والله بترجع تكلمه وتقوله اسف حبيبي ماكان قصدي بس انا غرت عليك ..
يعني بنظري ربيعك ماغلط يوم صارح خطيبته
.


بس هي ماتراعي لاسف

الله يجزاك خير .... صح عادي ان زوجته تعرف .... لكن شو استفاد لما علمها سو انه جرحها ... كان الأفضل ما يعلمها لأنهم كانو مرتاحين.

ماله حق يعلم خطيبته ابد
وطليقته كانت بيوم تقتسم معه المره والحلوه ولاتلام ما احد يعرف اسباب الطلاق وعملها يدل ع انها راغبه به
بس خويك يبي له درس انه مايرمي كل كلمه تمر قدامه

الله يجزاك خير
بس أحب أقول لك معلومه : طليقته هي اللي طلبة الطلاق ورفعت قضيه في المحكمه .... رغم انه يحبها وتحبه........ لكن هي تريد ان تمشيه بكيفها ... فلما طلقها ..وخطب ... رجعت تجري وراها.
وهو لما تكلم لخطيبته تكلم من القهر
يقول كنا في بيت مستورين وعملت مشاكل وطلبة الطلاق
والحين تريدني بالحرام .
صح هو غلطان كان الأفضل انه ما يخبر طليقته.

الله يجزاكم خير جميعا برجع اعلق على ردودكم واحد واحد

المفروض الموضوع لم يطلع الى احد
واذا اراد زيارة ابناءه يعطي خالهم خبر
ويحاول اصلاح بيته ويرجع زوجته بالاضافه الى زوجته

__________________
يارب ابدل حزني فرحا وسرورا وابدل مرضي صحة وعافيه ياكريم

الله يجزاك خير

صديقك هاذا غلطان والغلط راكبه من راسه الى كرياسه وتصرف طليقته بتقوله ابيك تبي يرجعها لكن ما عرفت تتصرف عدل وصراحه طليقته الله يلوم الي يلومها نار الشهوه تذبح يقولون عازب دوم ولا ارمل يوم بعد ماجربت وذاقت الحلاو جاه الفطام بيوم وليله انصح خويك يرجع طليقته ويرحمها من النار الي هي فيه ويشدد على خطيبته عشان تنعدل معاه مو كلمه والثانيه مدت البوز مع ويهها