المرحلة الانتقالية من الطلاق إلى الزواج الجديد - الصفحة 2

03-04-2012, 03:35 PM

#11

روضة بوظبي

موقوف

تاريخ التسجيل: Mar 2012

المشاركات: 353

ممكن أعرف الطرق اللي ممكن أوصل من خلالها للاختيار الأنسب ؟ طبعا ما أعترف بالخطابات وغيرها من الطرق التجارية ... وأهلي يقولون قول لنا فلانة إحنا نروح نشوفها لكن ما نختار أبد

الطرق اخوي العزيز مابا اجذب عليك لانه من وجه نظري اجوف .. اذا حطيت عينك على زميله لك بالدوام واعجبت بشخصيتها .. هاي طريقه

في المول اذا صادفت بنت اعجبت بها وصار بينكم تبادل الارقام وطلعت البنت واعيه ومدركه لاهميه التعارف قبل الزواج بعيد هذا الشي بيكون من حظك

.. موقع زواج الكتروني تقدر تتعرف على اي بنت وتطلع على ثقافتها وحتى لو كانت من من دول الخليج .. جرب دردشات اماراتيه قطريه بحرينيه كويتيه
بتسهل عليك موضوع العشره بحيث تقدر تفهمها وتفهم تفكيرها واسلوبها بالحياه وبتكون محافظه على دينها بنفس الوقت بتحصلها متفهمة وافكاركم بتتشابه وجي . وبعيد عن الضغوطات اللي تولد الانفجار والتيار العكسي بمجرى الحياه .
بس تعرف انا اجوف العلاقه قبل الزواج وايد مهمة لاختيار شريك الحياه علاقه ماتمس شرع الله ..
بحيث تفهم تفكيرها شوي
وادري راح احصل تيار من الردود المعاكسه لردي
نحن يالغالي في الامارات موضوعنا سهل
يعني طلعاتي للمول او يوم اوقف للواحه شيشه بترول او مراجعه في عياده
او شغلي كمتطوعه او بدوام حكومه واختلاطي مع الشباب هاي الامور تسهل علينا واايد ابصراحه .. وخلت نص زملاءي بالدوام يتزوجون زميلاتنا بالدوام ..
وانا كذالك رديت كذا واحد لعدم تفكيري بالارتباط وقتها
وعندك اخوي خواتنا الوافدات والعربيات لاتستهين فيهن فكر فيهن بعد ..

هل من الممكن أزرع أهدافي طويلة الأجل في نفس هالإنسانة الجديدة لأني ما راح اتزوجها لأجل الأطفال لأني جايب لهم شغالة تهتم فيهم وأنا أريد إنسانة هدفها أكبر من تربية أطفال تكون طموحة (مو حدها عيالك جننوني)

حقك ابصراحه ..
والبنت اللي ماتكون قريبه من اهلها بتسهل عليك حياتك على الاقل بتفضى لك .. وترى اكثر البنات حسب اللي قريته واطلعت عليه مايهمن الا يلسه اهلهن وطلعاتهم وغيره وربيعتي سوت وبنت عمي سوت وقالت وماادري شو ..

وفاهمة هدفك الغالي وماينطرى بالعام حتى اجنب الردود العكسيه اللي تتنقد وجهة نظري ..
فأنت حاول ترووح بعيد وترد سالم ..
لاتحاول تختار من الوسط اللي انت فيه
حاول تكون نظرتك بعيده . او حتى اذا اخترت من وسطك اختار صح.

كم الحد الأعلى في الفارق العمري بين الزوجين وتشوفيه معقول ؟ وفوق كذا خطأ ؟ لأني أشوف مجتمعنا اللي بسن الثلاثينات مثلا كأنها بسن الخمسين عند شعوب أخرى

انا كبنت افضل الحد الاقصى لزوج 5سنوات لااكثر يكبرني ب 5 سنوات على الاقل ..
وكل ماكان الرجل اكبر من البنت بيكون افضل
وكل ماكانوا قريبين من العمر كان احلى بكثير ...يعني اقل شي سنوات عشان مايكون في فارق بمستوى التفكير والاهتمامات
وكل ماكانت البنت قريبه من عمرك كان اضل اخوي الغالي

وبخصوص البنت اللي كانها بالخمسين لاتلومها في بعض *** عودتهم انه البنت اللي تربي وتقعد في البيت وغيره ومناك البنت لسانها فارط ماتخلي سر بيتها الا عند اهلها وربيعاتها وغيره
بس في **** تحس انه لها كيانها تكون متعاونه بمسوؤليه البيت بشكل كبير واايد ..
باختصار في امور ماودي اتطرقلها لانه في العام ومنعن للحساسيه
بس اتمنى صج فهمت عليا وعلى اللي بقوله

التعديل الأخير تم بواسطة روضة بوظبي ; 03-04-2012 الساعة 03:41 PM

03-04-2012, 04:24 PM

#12

نور فلسطين

عضو مميز

تاريخ التسجيل: Oct 2006

المشاركات: 326

أخي أرى أن تتغاضى عن كل ما مر
فأنت لديك منها ما شاء الله ثلاثة أطفال ما زالوا صغاراً
أنت ستجد زوجة أفضل منها بالتأكيد
لكنك لن ولم تجد أماً لأطفالك أفضل منها
ربما كانت تمر بضغوطات أنت لا تعلمها
فالمرأة تتحكم بها الهرمونات
وتعب الولادة وغيره
تؤثر عليها
وتؤثر على قراراتها
أرى أن تحاول إرجاعها
ليس لأجل
بل لأجل أطفالك
أن يتربوا بينكما أفضل مئة مرة
جرّب مرة أخرى إرجاعها
فزوجة الأب مهما كانت لن تكون حنون عليهم كأمهم صدقني
وأنا إمرأة وأعلم عن ماذا أتكلم
حرام تتعب نفسية أولادك اللي لسا أطفال صغار
تعال على روحك وعلى نفسك ورجعها
أنا هذا اللي أشوفه
وهي أكيد ندمت لأنها جالسة تحاول تخرب
ولا لو إنها قاعدة ومستانسة ما كان عملت هالتصرفات
بدك تتزوج تزوج،، بس رجعها بالأول لتحضن أطفالها وأنت يرتاح بالك عليهم
بنسمع قصص كتيرة عن اللي بيعملوا زوجات الأب في ابناء أزواجهن
وصدقني قصص بتشيب الراس
تحياتي إلك

03-04-2012, 05:46 PM

#13

روضة بوظبي

موقوف

تاريخ التسجيل: Mar 2012

المشاركات: 353

اخوي الكريم ..
تبا الحضانه العيال لامهم تنازل عنهم لامهم
بس لاتقصر فيهم وتذكر انك مقبل على حياه يديده .. وماتبا طليقتك تخرب حياتك
بس تحمل تردها بذمتك
لانك بتفتح الف باب صعب ينسد بعدها ..
اذا بتردها بذمتك احسب حساب المشاكل اللي بتواجهك من وراها ..
تحمل عااد..
اذا امهم تبا حضانه عيالها كيفها
خل تحضنهم باجر بيكبرون وبيعرفون ابوهم ماقصر وامهم اللي باعته عشان السفر اللي ماتحقق .

والله مستعان الاخي الكريم
وحاليا لاتتنازل عن العيال بس خلك جريب منهم .. لين ماتلقى بنت الحلال وساعتها تقدر تستمر تحضن عيالك ..اذا كنت حاس انك مابتظلمهم ولاتظلم نفسك في حال ماتبا تتنازل عن حضانتهم لامهم

التعديل الأخير تم بواسطة روضة بوظبي ; 03-04-2012 الساعة 05:59 PM

04-04-2012, 01:09 AM

#14

جمانه222

قلب المنتدى النابض

تاريخ التسجيل: Oct 2011

المشاركات: 1,050

الاخت روضه ياليت ترجعين تقرأين ردودك
الدين واحد سواء بالامارات او غيرها
كيف تأيدين العلاقات قبل الزواج!!!!!
جيبي لي دليل انه مسموح بالعلاقات وتبادل الارقام !!!!
الله يهديك بس
اخي صاحب المشكله مهما حصل من ام ابنائك فلن تكون زوجة الاب احن منها على ابنائها
وكل انسان يخطئ وانت قلت بنفسك ان حياتكم كانت طيبه
يمكن احد لعب عليها بالبعثه وحتى لو كانت رغبتها مافي احد معصوم من الخطأ
ياليت لو تدخل طرف خارجي ويجس نبضها اذا ودها ترجع لك
الله يجمع بينكم بخير لازم تنازلات عشان بينكم اطفال
والله يكتب لك
الخير

04-04-2012, 01:21 AM

#15

روضة بوظبي

موقوف

تاريخ التسجيل: Mar 2012

المشاركات: 353

جمانه ؟؟
اسمج هذا اسم ديني؟؟؟ ............................ او مجرد اسم والسلام ..

لاتتطرقين للدين حبوبه . انا جاوبت اخويه على اسالته .. اللي ببتدي بانتقاداته افضل من الحين يكون حديثي مع الاخ وبس ..
انتي ماعشتي حياته .. انتي ماتطلقتي بتهم واعذار وسواد ويه جدام الاهل والاحباب؟؟ انتي اكتفيتي بالابناء ونسيتي انه الاخ يملك مشاعر واحساس يملك رجوله لابد الواحد يحشمها ويثمنها معانيها ..

انتي مافكرتي بزوج حاول المستحيل يحافظ على زواجه وفوق هذا ماحصل منها اعتذار على اللي سوته مجرد محاوله تشويه صورته جدام بناته ..وتجذب عليهن

بتقولين الهرمونات؟؟
الهرمونات خلتها تطلب الطلاق؟؟

اما انج تتكلمين بمنطق يدش العقل
او انج ما تطرين روضه بردج
الاخ واعي وعاقل وطلب راي الشخصي وانا بالحل حاضره باللي يرضي ربي وديني ..
موضوع تعارف موضوع حساس ويمشي على النيه

امشي بالنيه والله يرزق الواحد بنيته
.. وموضوع انه يبا يعرف البنت قبل الزواج هذا من حقه
وتعالي الامارات براويج البنات اللي تعرفن قبل الزواج هكن تحتهن عيال ومرتاحات ..

مساله اننج ترضين الاهانه لرجل .. هذا اللي مايتقبله العقل والمنطق..
استغرب من الناس اللي تقول للرجل رد طليقتك وتغاضى من اسلوب زوجته وطلبها للطلاق ومااكتفت بهذا قامت شوهت صورته جدام بناته ومستعده تمشي وادوس الخلق لمصلحتها
واذا الام حنونه على بناتها خل يتنازل بالحضانه لها ولاانه يرد وحده ماصانته ولا حسبت للعشره حساب ووقته جدام اهله واهلها وطلبت الطلاق
اختي تطلقت من ولد عمي .. والحين متزوجه بكويتي ... شو وده نصيبها للكويت ؟؟ موب تعارف موب اتخاذ سياسه معينه بالحياه .. موب اختيار الطريج وتحديد المصير

اللي يتكلم عن الحلال والحرام انصحه لايتكلم معاي انا احرص من غيري بامور ديني
جمانه عزيزتي لو هذا اخوج وتعرض لكل هالفيلم وهز صورته جدام بناته وطلب الطلاق وهو يركض يترجى فيها مابا اطلقج اباج
في ذمتج ذمه لو هذا اخوج بترضين يرد طليقته بعد كل الاهانات وطلبها للطلاق ويلس يترجاها تتمسك فيه وفي بناتها يلس يحالو معاها ؟؟ بعد مايلست تشوه صورته جدام بناته وتجذب عليهن ؟؟ بتتشرفين انه يردها ؟؟

انا عن نفسي مااتشرف اكتفي بهالقدر ..

التعديل الأخير تم بواسطة روضة بوظبي ; 04-04-2012 الساعة 01:45 AM

04-04-2012, 01:38 AM

#16

إنسان رحيم

عضو دائم

تاريخ التسجيل: Aug 2011

المشاركات: 87

نور فلسطين
جمانة 222
شكرا لكما والحق يقال : هناك أمهات أتصور أن الله سيحاسب الزوج ويعذبه في الآخرة لو أبقاها تربي أولادها
بل يجب عليه فورا عزلها عنهم لأنها تفسدهم ولو كانت أمهم...
فما بالك بمن باعتهم بدم بارد

04-04-2012, 01:44 AM

#17

إنسان رحيم

عضو دائم

تاريخ التسجيل: Aug 2011

المشاركات: 87

روضة بوظبي
أنا مدين لك من أول حرف قرأته في ردودك بالمنتدى قبل موضوعي
والحقيقة لما بدأ الخلاف كان موقفي إنساني وعقدت قمة طارئة بالأطفال في مطعم جميل وقلت لهم : اختاروا وقبل ما تختارون أنا حلمي وأمنيتي وفرحتي تختاروا البقاء معي،،،،،والحمد لله علاقتي بهم الحوار الذي لاسقف له فقالوا : ما تتفق عليه أنت وماما ننفذه،،،،، ذهبوا لها ولكن رفضت وجودهم لأنها حينها أمريكا وبس : لبس/ كلام/ حتى المشيه/ كل شيء صار USA
وكررت الدعوة لهم بالاختيار ولكنها رفضت وجودهم معها أبدا
هي الان تحب تدردش معهم أحيانا بالهاتف لما تشتهي أو يكون عندها وقت
فالخلاصة مكانهم عندي ولا نزاع لأنها لا تريدهم أبدا ولأن أهلها أيضا لا يريدونهم كوني اختلف مع أسرتها في مبادئ الحياة أصلا

أشكرك كثير والله العظيم

04-04-2012, 01:49 AM

#18

روضة بوظبي

موقوف

تاريخ التسجيل: Mar 2012

المشاركات: 353

اقتباس:

المشاركة الأصلية كتبت بواسطة إنسان رحيم

ولايهمك اخي العزيز تمسك انت بksa .. ارقى واشرف من نهج usa ...
والله يرزقك ان شالله باللي تعوضك ايام الشقى معاها .. ومادام انها ابدت بعدم رغبتها بالاطفال هالشي يطمن لانه عيالك بخير .. طول ماانت ابوهم ..
الله يسهل امرك وانصحك بسورة البقره تيسير لامور كثيره .. وربي يحفظك ان شالله ..

04-04-2012, 02:11 AM

#19

إنسان رحيم

عضو دائم

تاريخ التسجيل: Aug 2011

المشاركات: 87

أرجو تتحمليني أختي روضة بوظبي...
جالس أصنف الخيارات أمامي كالتالي
طبعا بيني وبين نفسي مادام مافيه تراسل خاص بالمنتدى :
يعني لقيت التالي:
1: ناس من الأقارب تألموا جدا لما حدث لي وقالوا تعال خذ فلانة زوجة تكمل معك مشوار حياتك والحقيقة أن الأب والأسرة ممتازين لكن البنت حالمة جدا جدا ومتوقعة إني بأجلس أدلع فيها باقي عمري لأجل تقهر هذيك(أم العيال سابقا) لأنها تكرها جدا جدا / طبعا غيرهم من الأقارب نفس الشيء والسبب علاقتي الجيدة بالمحيطين بي وأني اوليهم مطلق الاحترام وكذلك شايفين البيت والسيارة والعمل وكل شيء جاهز بس زوجة تكمل المشوار
2: موظفة (معها آي فون وآي باد و2 بي بي أسود وأحمر وجالكسي تاب مكسور)لكن أكثر الموظفات في المحيط اللي اعرفه بس همهم يحرقون قلوب اللي مو موظفات فتلاقين عقلياتهم صغيرهم جدا جدا وهما بالعمل تشتكي من الخدامة وتشتكي من النعم الزائدة عن الحد(النوع اللي يردد: الحمد لله والشكر باللهجة الكويتية طبعا): يتوفر من هذه الفئة: مشرفة تربوية/ أكاديمية/ طبيبة. ()
3: بنت عرب من الرعيل الأول تقريبا راسبة في سنة سادس ابتدائي أو حاصلة على الابتدائية بصعوبة وقائمة ببيت أهلها ولو تاخذها لمكة عمره كانها دخلت الجنة 10 مرات

هذا تصنيف تقريبي للخيارات أمامي؟ تتوقعي وين الأنسب لوضعي؟

04-04-2012, 02:29 AM

#20

مسز داني

عضو المنتدى الفخري

تاريخ التسجيل: Aug 2008

المشاركات: 10,079

من وصفك للخيارات اخي الكريم
واضح انك ماخذ فكرة سلبية عنهم و انهم عقلهم صغير
فغض النظر عنهم كلهم
خذ لك بنت بكر لو هذه رغبتك و تكون كبيرة , يعني اصغر منك بكم سنة
و ليه تقول اشكال البنات بالثلاثين كأنهم بالخمسين
,,
ليه انا قلت كبيرة
لتضمن نضوجها و توافقها معك و حبها للاطفال
خل اهلك يسألون عنها زين و عن حنيتها و هدوءها و ان شاء الله تتوفق
بالدعاء الشديييد لله بالتوفيق
ما اعتقد فيه بنت بكر صغيرة بالعشرين بتوافق تتكفل بسؤولية الاطفال
والله اعلم

__________________

[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه