شكرا لكم وجزاكم الله خير على وقفتكم معاي ..

يا اخوان انا مادورت في ماضيه أبد ومايهمني هو قالي عليه وقفلنا الموضوع من زمان
لكن يهمني من يوم الملكه الى الان هل هو لسه في علاقاته ؟؟
ابي اعرف عشان اتركه قبل لايوقع الفاس في الراس ونتزوج لاني ماتحمل الخيانه
وصديقتي قالتلي عشان اتصرف واتاكد قبل الزواج وحتى لو كانت غلطانه مايضر لو اتأكدت وتطمنت ..

جواله مااحب امسكه لاني ماحب يمسك جوالي من اول يوم الملكه الى اليوم ماخذ جوالي بس هو يوريني لو في صور او اي شي وانا كمان اوريه لكن مااخذه وافتحه على كيفي لكن وراني قائمة المضافين في البلاك بيري مافي ولا بنت

اما الانترنت مررررررررررره مايحبه ولايدخله الا يمكن كل شهر او شهرين مره والايميل انا سويته له وعندي رقمه السري مافيه ولا بنت وماعنده فيس بوك وهذي الاشياء

لكن اصدقائه كثير وفيه منهم لهم في طريق البنات وخايفه لا يأثرون عليه
انا زواجي قريب وودي اتأكد من الموضوع قبل الزواج ودي أختبره اعطي رقمه لبنت او انشره في النت واشوف كيف بيتصرف
لان احنا متفقين كل شي نقوله لبعض ودايم يقولي شفت بنات في المكان الفلاني لكني استحقرتهم بسبب طريقة حجابهم وماطالعت فيهم وزي كذا

ايش رأيكم في هذه الفكره تنفع ولا لأ لان واحد من الاخوان هنا قالي خذي دليل بيدك وامسكيه بكذا راح يكون عندي دليل

انتظر نصايحكم لاتتأخرون ,,

والله حرام عليج اللي تسوينه فيه يعني عندج اياه ماعنده خرابيط النت وعالم النت بكبره وبخصوص علاقاته مااتوقع فيه واحد مستعد يصرف ويخسر ويرتبط عشان يستمر بخرابيطه


وبالنسبه لكلامج عن انه يحبج وتحبينه واثقه وطيب وغيره هذا كله شو تسمينه ؟؟

معقووووله في ناس تخرب بيتها عشاان كلام ناااس..
كل هذا يرووح لمجرد صديقتج تكلمت عنه


انا لو منج بقوله ان شالله لو شو مافيه ابااه ولو سمحتي خص المواضيع هاي لاادخلين عمرج فيها مالج حاايه ابدن مالج حاايه تتكلمين عنه بهالطريقه ..

حطي حدود من الحين بينج وبينها حدووود واجب عليها تحترمه

اتي خليج ذكيه شوي
ارتبطي فيه وباذن الله مابجوفين منه الا الخير وخصوصن انكم على ويه زواج ومضى 9 شهور يعني فتره كافيه عشان تعرفينه
معقووله بتهون عليج هالفتره بيوم وليله عشان موضوع مثل المغازل وغيره
ترى والله اكثر الشباب مغازلجيه بس البنت الذكيه تعرف تكسب زوجها
وفي ناس تزوجت ا وازواجهم اخلاق وادب وعقب انحرفوا وازواج منحرفين باذن الله عقب الزواج يصطلب
بس انج ترخصين بفتره 9 شهوور
عشاان كلام بنت
وصرااحته ولاشي بالنسبه لج؟؟؟
فكري فيها وانتي حره بالنهايه .. مافي رجل كاامل واحلى شي بزوجج مايحب عالم النت هاي امنيه كل زوجه بزوج جي

وعزيزتي 9 شهور من خلال تواصلج معاه شكيتي بحبه لج؟؟ شكيتي باخلاصه؟؟

ممم
موضوع غريب اخترب كياانج وتفكيرج من هالصديقه اللي يالسه تتكلم عن زوجج
الله يسامحج بس...

ماضيعنا وخرب بيوووت الا كلام الناس .. وخليج واعيه شوي عززيتي ومدركه للموضوع اذا من البدايه فاتحه بيتج لهالبنت اللي تصب الحجي باذنج صب
الله يستر من باجر والله اظني بتتحكم في حياتج

9 شهوور ولا بين معدن زوجج عندج
وفي يوم وليله بتتاكدين اذا كان على علاقه او لاه.

اكتفي بهالقدر لاني متفجاه من طريقه تفكيرج وسماحج للصديقه بنقل الكلام من بدايه حياتج ..
شي ثاني مافي شي اسمه مااخلي زوجي يمسك تلفوني ولاانا امسك تلفوونه لانه في محيطي اللي اجوفه الزوج يمسك تلفوون زوجته وبالعكس ..
بس بالنسبه لج من البدايه كل واحد محتفظ بالخصوصيه عيل وين الثقه

هذا اللي اقدر انصحج فيه وبالنهايه ها حياااتج وها طريجج

وانتي حرة بنفسح وبالتوفيج


همسه .. اذا من البداايه تاثرتي من كلام بنت عن زوجج ونسيتي فتره 9 شهور والحب والثقه والطيبه وغيرها .. كيف بتتزوجين باجر؟؟ كل من دق الباب وقال هذا فيه وفيه وفيه بتقولين ماباه ..

عيل انصحج تقعدين من غير زواج لانه الناس ماترحم وكل مايتقدملج حد بطلعولج الف عله فيه وراعي بنات ومغازلجي وماادري شو .. الله يعينج بس

غاليتي ...
انك تنشري رقمه او ترسلي له بنات هذا مش حل و ممكن يزيد الطين بله .

من رايي..
استمري على صلاة الاستخارة ...

اذا عندك اخ تثقين فيه كثير ... خبريه بينك و بينه و حلفيه يضل الموضوع بينكم
و يحاول يتاكد بدون مايقول لخطيبك شي ...
و ان شاء الله بيقدر يجيب الصدق .. (شباب زي بعض بيعرف يتصرف معاه بدون مايحسسه بشي)
الله يوفقك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

عفون
هذذا موب تفكير انسانه مقبله على زواج
توزع رقم زوجها بالنت
الشيطان طلع ابونا ادم من الجنه بسبب تفاحه
فتعتقدين ماراح يكوون الشيطان شآآ طر لو رقمه توزع وسمع صوت انثى اغرته ..
النفس اماره بالسوووء
وانتي ابصراحه بتفكيرج هذا مااعرف شو شهادتج وشو منطقج بالحيااه
مستحيل اسمع بنت تقول بنشر رقمه عشان اختبره؟؟

ياناااس ياعالم
طمنوني قامت القيامه والا بعدهاا


تاكدي لو زوجج عرف انه تفكيرج جذي

هو ماارح يتشرف يستمر معااج
صعب يستمر مع انسااانه تفكر تنشر رقمه واطرش بنات عليه
ماحسبت حساب رجولته
مافكرت اذا الشيطان بيدخل بينهم
مافكرت انه هالبنت بتغريه وبتسويله اغراءااات
بدون لاتحسب لشاب حساب وللعشره

استغفر الله العظيم

بالفعل ماتوقعت فيه ناس على ويه زواج جي تفكيرها سطحي جداً
فكري يابنت الحلال فكري باجر بنت بتسمعه صوته وشو بتقووول
بس تنشرين رقمه

ليش ؟؟
شو هدفج البنت اللي بتعطينها رقمه تختبره انتي تعرفين اذا هي بتسويله اغراءات او لاه
اذا هي بتخبرج او لاااه
في ناس يحلفون باللله جذب
معقووووله

انتي صاحيه ؟؟ عشان باجر تقوليله منوه هاي تتصل فيك
وتسوين روحج تغارين؟؟ واذا قالج مغلطه ؟؟ بتحاسبينه انه رد عليها؟؟
بتقوليله كيف ترد عليها؟؟
اتقي ربج بعرض زوجج هذا ولد ناس بالنهايه .. لاتنسين هالشي
واذكري الشيطان شاطر حتى لامطوع المطوع من يجوف البنت عقب يقول استغفر الله بعد مايدقق فيها
فمابالج بزوجج او اي شاب غير متدين
انتي بصراحه ماتناسبينه كلشش ماتناسبينه
والواقع انج سمحتي للوسوساس الخنااااس يعمي بصيرتج بعشره 9 شهوور
يعمي ثقتج
يعمي حبج
اعرف ناس يحبون بس مايوزعون الرقم او ينشروون
اعوذ بالله من الرذيله ومن درب الحرام
على فكره باجر لو تعلق قلبه بصوت بنت واسلوبها اثمهم عليج انتي بيقع..

حتى لو استمر معاها من ظهرج اثمهم عليج انتي ... ..

الله يصلح حالج ويوعيج على الدين والشريعه..الله يهديج ان شالله ويجعلج زوجه صالحه ماتسمع لكلام الناس وماتنشر رقم زوجها او اطرش عليه بنات

روضة هدي اعصابك حبيبتي

ياغالية اي بنت تكون مخطوبة .. بروحها تكون خايفة من المستقبل
واكيد لما تسمعي شي من مصدر موثوق يبدا القلق يزيد
ولو في نسبة و لو عشرة بالمية انه فعلا صاحب علاقات فالافضل تتاكد الان واذا طلع مذنب فالانفصال احسن ما تتدبس معاه
ولا ليش حطوا الخطوبة و العقد ؟؟ الا لمعرفة الطرفين .. و صاحب العلاقات ماراح يجي يقولها
فا مستحيل تعرف من خلاله وهذا بديهي


بسالك سؤال و امانة تردي بكل صراحة
اتخيلي المواقع تبدلت ... و صاحبتها فلتت عليها كلمة وقالت لزوجها انه فلانه صاحبة علاقات
وهو خبر صاحبه الي هو خطيبها ؟؟
ايش بيكون موقف الخطيب لما يجيه الكلام من زوج صديقتها ؟؟؟ اكييد بيصدق و يتاكد (هذا اذا كان عاقل )
ولا بعض شباب اليوم بيطلق بدون حتا توضيح ..

لذا تتاكد افضل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا بس يااختيه نورة حرااام
انزين لو وزعت رقمه شو الهدف؟؟
يعني وحده في الجات او صديقتها راح تكون صادقه انه زوجها يغازل؟؟
بتثق بكلام وحده بالجات
او كلام صديقه؟؟
غناتي 9 شهووور تقول يحبها وواثقه منه
بس من سمعت كلام ربيعتها

صارت مشلوله بالتفكير
تفكيرها هذا بيدمرها


اضعف الايمان ..
اخوي حبيبي انا اختك بنت امك وابوك اخوي ياعزوت ي
اباك تتاكد من زوجي بسياستك .. وماراح اسالك كيف وليش.. وبسسس
انتهينا

بس توزع رقم وتنشره وتثق في كلام صديقاتها ووكلام بنات الجات واجذب زوجها
هي من البدايه فاتحه بيتها لكلام الناس
ابصراحه مستحيل تعمر بيدها بهالطريقه ويمكن تخربها بسبب كلام الناس

الغاليه الناس مافيها خوف من الله قامت تتكلم بالف شي وشي
وصديقتها موب حفاظه خير
هاي لو صديقتي بقولها لاانا الاعرفج ولااتشرف بمعرفتج
عيل ياي تنمين على زوجي حبيبي ..
الثقه لها دوور

وابصراحه
بس
ستوووب
احس القيامه قامت

بسبب حريم يفكرن ينشر ارقام ازواجهن لمججرد اختبااار
الرجل مابيغلبه شي
عادي يمشي ورى صوت انثى تهز غريزته وماشعره
شو بيصبره يعني


بس

اشل ايدي اخبر البنت الذربه العاجل ماتتصرف هالتصرفااات وطالما اقبلت فيه واقعدت معاه 9 شهوور فهذي فتره كافيه
موب وحده يايه تخرب بيتي وتتكلم على زوجي
ابصراحه اذا من اولها مادافعت عن زوجها ويلست تحاسبه وتختبره بسبب كلام الناااس
الله يرحم اسرار البيوت بهالحاله
من هب ودب قام يتكلم بعرض الزوج
والزوجه ماصدقت خبر ولاكانها على بينه وثقه فيه
مجرد كلمه توديها وكلمه توديها ..


اوكي نوورا

هاتي رقم خطيبج بختبره لج ..
الووووو هاآآي مممممم .. سو سوري مشبه بالرقم.... منوه معايه؟؟


لا اتس اوكيييه بس شكلي ماادري لقيت الرقم عندي اظني حد متصل لك .منه . ممممممم على العموم حصل خير اخووويه تك كي لا اتس اوكيه الامور طيبه سامحنا ازعجنااك
في وداعه الله



يعني نورة ماراح يرد يتصلي؟؟
اوفففف وقسمن بربي باسلوبي اخليه يحرق تلفوني عشان يسمع صوتي مرة ثانيه
وبهالطريقه
بروح اقولج
نووورااا
زوجج هذا خاااين فضي علاقتج فيه مايستاهلج


اوفففففففف نوورا فديتج ويك اب اي ريال يسمع صوت ناعم وفيه دلع بيذوب مكانه بينسى اهلة بكبرهم موب بس زوجته
بتقولين ليش؟؟
بقولج الغريزة اللي تلعب الدووور لاتتهورين وتوزعين رقمه وتندمين انج ساعديه على هالشي
وعلى الدنياا السسسلام



سوري نورة مجرد مثال
انتهيت من هالموضووووع 12/4/2012

رووضة الله يرضا عليك
اقراي ردي

انا قلت لها لا تنشر الرقم لانه بيسوي لها مشاكل اكثر

وقلت لها تكلم اخوها و تكمل علاستخارة

انا بس اعترضت على انها تنسى الموضوع و لا كانه حصل شي..
بالعكس لما الوحدة تسمع شي و من مكان موثوق اكرر موثوووق المفروض تتاكد
وهي ماعرفت من جارتها و لا من وحدة من الشارع
من صاااحبتها اللي لهم سنيييين مع بعض
انا شخصيا لو عرفت شي عن خطيب اختي او خطيب اعز صديقاتي راح اخبرها
لاني لو ماخبرتها و اتزوجت و جت تبكي بعدين و تقول زوجي خاين رااح اندم اشد الندم اني ماقلت لها
عشان تاخذ القرار اللي ينااسبها ...


صح بينهم 9 اشهر .. ببس لا تنسي انها عقد .. يعني اتصال تلفونات و يالله زيارة بالشهر
ولا بالاسبوع ما يبين فيها الا احسن ماعنده ..
لو هي في بيته ومتزوجين 9 اشهر . ساعتها نقول عليها عشرة ومعرفة
بس الان لسه هي ببيت ابوها طول الوقت.. كيف بتعرف عنه ؟؟؟


الاخت الحين ضايعة بافكارها و ماتدري ايش تعمل و اللي يكون وسط المشكلة مش زي اللي يقرا
عشان كدا طلعت منها فكرة نشر التلفون .. وما نشرته .. الا جت تستشير .. يعني خفي عليها يا جيجي
فيها الي مكفيها ...


زي ماقلنا .. كملي على الاستخااااارة .. مرة و اثنين و ثلاث و عشر
ولا تتصرفي الا بعد ما تتاكدي ...
كيف تتاكدي .. بصراحة ماعندي الا انك تخبري اخ عزيز لك و ثقة و هو يعرف بطريقته ...

والله يكتب لك الخير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

عزيزتي ضاع الحلم ,,

بما إني مقبله على الزواج فأنا حاسه فيكِ ,,
اولا وأخيرا أستخيري الى يوم الزواج لاتوقفي إستخارهـ وستشيري أحد قريب لكِ من العائله اخوكِ او أختك ولكن لاتقولي لوالدك ووالدتك عشان لايطيح من عينهم زوجك او صديقك ,,

أطلبي مساعدة أخوكِ او أستشيريه هو راح يعرف كيف يكتشف الحقيقه !!
وبرضو لاتضمني زوج صديقتك يمكن فاهم غلط او يقصد شي ثاني او حاقد عليه حطي جميع الإحتمالات !!

لكن لاتنشري رقمه أبدا عزيزتي ,,
انا والله عاذرتك احساس الخيانه احساس قاتل واكيد بتتصرفي بدون وعيك وبدون عقل وتفكير عشان كذا استهدي بالله واستعيذي من الشيطان الرجيم وأهدأي وفكري بتروي ,,
مثل ماذكرت الغاليه نوراا ترى هذه الطريقه بتجبلك مشاكل أكثر بكثير من فوائدها
حلي الموضوع انتي وزوجك وأخوكِ ولاتدخلي اطراف ثانيه في الموضوع وقوليلنا ايش صار معاكِ ,,

أختي جيفارا ’’

ليه هذا كله البنت لجأت لنا وتبغا النصيحه مشتته ومحتاره قومتي القيامه على راسها
وحكمتي عليها انها ماراح تعيش وانها بتدمر وانهم مو متناسبين و و و
عزيزتي إحساس الخيانه لأي أنثى احساس مدمر والوحده ممكن تسوي اي شي حتى لو غلط بدون ماتحس فيه
والواجب علينا نوعيها وننصحها مو نزيد همها هم !!

الله يهديك ويصلحك

ننتظر أخبار ساره ضاع الحلم وان شاء الله ربي يحققلك ماتتمنيه ’’

"]اخت ملائكيه انا عارفه وفاهمة وحاسه انها تبا لامشورة لااكثر
بس اذا شي بسيط بتخلي يخرب بينها وبين زوجها نقل كلام
مجرد كلام في كلام
باجر كيف راح تحفظ حياتها مع زوجها؟؟ صديقاتها صاروا اقرب لها من زوجها ؟؟
اي كلام بتسمعه بتشتكي ؟؟
موضوع توزيع رقمه فكري فيها انتي تعتدقين الرجل مابندفع ورى صوت البنت وخصوصن اذا تميعت واصتخدمت وسيلتها؟؟
البنت اللي بطرش علىى زوجها في المواقع وغيره اقرب لها في التصديق والثقه من زوجها؟؟

اخت ملائكيه انا فاهمة عليها بس هذا التفكير بيحطمها مستقبلن لوا بتستمر في حياتها الزوجيه لمجرد اختبارات في توزيع الارقام وادز صديقتها او غيره
..
المهم لو سمحتم انا انتهيت من الرد مابا حد يوجهلي اي كلمه بخصوص ردي لانه الموضوع جدامكم وانصحوا باللي تقدروون عليه
وارد اقول اذا كلام ناس صار مهم خلاص خل تحسب حساب امور اكبر مستقبلن ..
بس العنوان مخالف لبدايه النص من احب زوجي وطيب ويحبني واثق فيه و9 شهور
و المووضع بعيد كل البعد عن ثقه وعلى الدنيااا السسسلام
والله يهدي سرها ويبعد عنها شر الناس وكلامهم اللي مايرحم

نفس اللي كان في خاطري

يعني الان انت ماتدرين من تصدقين وصديقتك ممكن انها تكون صادقه وممكن كذابه
واذا كانت صادقه المفروض ماتفجعك كذا ولاكن ممكن سوء تصرف منها واستعجال وكثر خوف عليك
ويمكن يكون العكس تماما وتكون حاقده لاي سبب من الاسباب

يعني لاتحكمين على البنت من الان
الزمن راح يبين كل شي

ونفس الشي على زوجك لاتتسعجلين يمكن الرجال بريء
واذا كان يعاكس من وراك راح يبين عليه مهما كان

اتمنى تسألين نفسك سوأل صريح هل كنت انت تعاكسين اول من وراء اهلك اذا لا وهذا اللي اتوقعه انشالله
ماراح يبلاك الله في واحد راعي بنات

وحتى لو كان واكتشفتيه احفظي سره واغفري له تملكين قلبه ولاتكبرين الموضوع واحتسبي الاجر عندالله
ولو حصل وحبيتي تسامحينه خلي ابوك يجلس معكم وخليه يشهد على هالشي او احد من اخوانك وبكذا انا اشوف انه راح يطيح وجهه اكثر من انك تسوين مشكله كبيره وتطلبين الانفصاال يعني زعل كم يوم ممكن بس لاتسوين زي الخبله اللي كنت متزوجها تزعلين 6 شهور

وواخفف عنك مصابك واقول لك احمدي ربك على النعمه غيرك ابتلو بناس مدمنين ومنحرفين جنسيا واللي ابتلاهم الله بواحد يمد يده وكله من فضل الله وحبا للعبد المبتلى عشان يقعد يدعي ويدعي ويدعي ويدخل الجنه
يعني شوفي مصايب الناس تهون عليك مصيبتك

والله يستر علينا وعليه وعليك وعلى جميع المسلمين