كيف يصير هذا الشيء ؟ / المستشار
انا متابعة المنتدى ، و شفت طريقتك في حل مشكلات الاعضاء
و كلامك عن الفرمته النفسية و التفريغ او الفضفضة و المواقف السلبية اللي اثرت على الشخص ..
طيب انا عندي شوية استفسارات و حابه افهم بشكل اوضح
و ياليت تصحح لي لو كنت فاهمة غلط >>> عادي دائما افهم غلط !!!
* الان المعروف ان كل شخص بالدنيا هو عبارة عن مجموعة تجارب و خبرات
تكونت خلال فترة حياته ، و منها تكونت شخصيته و قناعاته و حكمه على الاشياء
و تربيته بعد لها دور ..
وانا اشوف الاعضاء هنا ، كل واحد يحط قصة حياته و المواقف اللي اثرت فيه
و على اساسه انت تشخص وضعه ..
و تقوله على تمارين اوفضفضه او تحليلات و تقول انها تحل ازمته !!!!
طيب كيف يصير هذا ؟!!
مثلاً انا عندي تجااااارب كثيرة سواء سلبية او ايجابية كلها اثرت علي
و ساهمت في تشكيل شخصيتي ..
مستحيل تتغير بعدها نظرتي للأمور مهما حاولت او قرات او سمعت ..
اوضح اكثر / يعني مثلاً تعاملت مع شخص باخلاق و قدمت الكثير
بعدين اكتشفت انه ما يستحق ، فتشكلت عندي قناعة ان الطيب ما ينفع
مهما قالوا و تكلموا عن افضليته انا جرت و عرفت ان الكلام مو صح !!
لأن التجربة اقوى من الكلام النظري ..
مثال ثاني / شخص غلط غلط كبير و يجي واحد و يعطيك محاضرة عن التسامح
مو سهل النسيان بكل سهوله ..
الا ممكن تكره حتى هذا الشخص اللي يحثك على التسامح ..!!
لأنه مو حاس فيك ... وصارت بعد تجربه اسهمت بقناعاتنا ..
* كيف هنا نقول ان آثار المواقف تنتهي بالفضفضه ، وهي صارت جزء لا يتجزء من خباراتنا
في الحياة اللي شكلت شخصياتنا ..
مادرى فكرتي واضحه ؟؟!!
حابه اعرف الموضوع بشكل تفصيلي لو تكرمت ..
27-04-2012, 08:49 PM
ضوابط المشاركة
العرض الشجري