اختي ميثى..قرأت قصتج من زمان
ربي يحقق لج كل أمانيج..يارب ويجمعج معاها بالجنة
اذا ولد عمج طلقج بسبب انه يخشى المرض الوراثي..فيمكن هالشي يفتح لج ابواب انتي في غنى عنها
اذا كان مافيه عيوب كبيرة..قولي نصيب وبس
الله يسعدج يا حبيبة

بصراحه وجهة نظري الطلاق قسمه ونصيب ولكن مالهم حق يتصلون فيك ولا عندهم سالفه ولا ذوق
وش يبون تسبينه او تقولين يشرب او او ماله داعي يبون تسبينه
يحركون جروح قديمه

انا مستغربه من شي
ليه يسئلونك انتي. .
المفروض يسالون عنه
وان كان بنتك السبب. .
المفروض صبرتي مع زوجك ولا تزعلين مني لانه سبب مو قوي حبيبتي
الله يرزقك من فضله. ويرزقه هو بعد
تقبلي مني مروري

أختي الغاليه زهره ..

سبب طلاقنا أنه هو رفض الاعتراف ببنته لانها مريضه ورفض يعلاجها أو حتى أهلي يعالجونها على حسابهم وفي البدايه رفض يستخرج أوراقها الرسميه عشان أسفرها فأضطريت بتهديده يا طلقني أو أرفع قضية نفقه عليك أنا وبنتي لاني كنت ساعتها بيت أهلي طبعاً وافق ولكن بشرط أني أتنازل عن حقوق بنتي كامله ولا أطالبه بشيء وافقت أنا ولكني بالمقابل طلبت منه يتنازل عنها والله العظيم لو أقولج أنه صدمني يوم وافق وقالي لو تبين تسمينها باسم أبوكي أنا موافق شو تبين أكثر من كذا ..

ومن يومها ولا يعرف عنها شيء اخر مره شافها وعمرها شهرين ويوم ماتت كان عمرها 7 سنين ولا فكر يسال عن مرضها ولا عن حالها مع أنه مو غريب ولد عمي ......

هل تتوقعين هذا سبب مب قوي كانت من بينا مشاكل لكن ما فكرت أطلب طلاقي منه لكن يوم شفت بنتي ومرضها ما قدرت وقلت اذا ما فيه خير بنته اذا ما فيه خير فيني ..

__________________

صح الطلاق قسمه ونصيب أنا مثل رأي بدوي راقي ، ماله داعي يكلمونك ويفتحون جروح قديمة خير إن شاء الله مالقوا إلا أنت يسألونه، الله ياجرك يارب في مصيبتك ويخلف عليك خير منها يااااارب.

أختي هذا عديم إنسانية وعديم شعور ولاتجلسين تعذرين له إذا اتصلوا فيك
خبريهم بالحقيقة كاملة قولي أنه تخلى عن بنته لأنها مريضة عافانا الله مما أبتلاه
هل يضمن أن ذريته في المستقبل بتكون سليمة ..؟!!

ذنب هالبنية الله يرحمها ويجعلها شفيعة لك برقبته

هالمخلوق المفروض الناس يعرفون حقيقته حتى مايتورطون فيه بنات الناس الطيبين


هذا يستاهل يتزوج شيطانة من نوعيته تقاسمه قساوة القلب والشر


وأنت لاتخافين أجرك على الله والله مايضيع أجر الصابرين
ويا أختي لأنك طيبة ربي خلصك منه وبيرزقك بإذنه وقوته رجل يعرف قيمةجوهرة مثلك

الطفل المعاق والطفل المريض ماهو عار نهرب منه ونتبرى منه هذا نعمة من الله
وإبتلاء لعبده المؤمن هذا قطعة من القلب زيه زي الطفل السليم ويستحق كامل الرعاية
والإهتمام ومرضه ماهو نقص ولاعيب مرضه أجر ومثوبة من ربي لوالديه

أختي أنت مافي منك بها الزمن أسأل الله لك العوض وأن يصبر قلبك ويخلف عليك
ويرزقك بالذرية والزوج الصالح

هذا ماهو برجال ويستاهل حد يجلده لين ما يعرف الحق والصواب وش ذا الظلم يتنازل عن بنته أعوذ بالله ..

مشكوره يالغاليه

تعرفين يوم كان أي أحد يشوف بنتي يجلسون يقولون الله يعينك وتحسين بنظرتهم الشفقه على حالي وحالها بس كنت دايمن أرد عليهم أن هالبنت نعمه من رب العالمين وهذه أمانه عطاني ياها رب العالمين وكنت دايمن ادعي أنه الله يقدرني وأحافظ على هالامانه لانها غاليه كانت شاغلتني كنت فرحانه فيها بس الحمد لله على كل حال ربنا أخذها مني والله يتقبل تربيتي لها يا رب ( قلبتي المواجع )

وهو الله يسامحه ضيع أجر تربيتها بس والله مافي مره دعيت أنه يجيله عيال مريضين لاني كنت أقول بنت ناس مالها ذنب هي نفس شيء أم وتحب تفرح بعيالها .

على العموم الله يهديه ويسامحه ويهديني أنا كذلك

__________________

يعني بنتك ما عندها مدة كبيرة من ماتت يعني احتمال كبير انو لا تغير و لا شيء
لو كان تغير كان زار بنتو حتى لو بعد سنوات
انتي جاوبي ع خطيبتو و خبريها بالحقيقة
الله يهديه
و الله يرحم بنتك
الله يرزقك بالزوج الصالح الي يعوضك هذا الالم

__________________

إرضاء الناس غاية لا تدرك

يعني بنتك ما عندها مدة كبيرة من ماتت يعني احتمال كبير انو لا تغير و لا شيء
لو كان تغير كان زار بنتو حتى لو بعد سنوات
انتي جاوبي ع خطيبتو و خبريها بالحقيقة
الله يهديه
و الله يرحم بنتك
الله يرزقك بالزوج الصالح الي يعوضك هذا الالم

__________________

إرضاء الناس غاية لا تدرك