الحمدالله تمت كتابة العقد، لكن السؤال ماهي طبيعة التواصل مع الخطيبة

قريت كثير من قالوا أثقل، وهناك من قال عيش الملكة، وهناك من قال لا تندفع وهناك من قال بل أغرقها عشقاً، قرأت لبنات من تقول خطيبي جاف بالمشاعر مايغدق علي، وقرأت من تقول خطيبي ماغير يسدل علي كلمات العشق والغرام والغزل وحنا ماصار لنا شهر مملكين !!! صرااااااااااااااحة احترت بطبيعة التواصل اللي يجب يكون!

نقطة ثانية مادري كيف طبيعة تفكيرها وأيش تبغى، هل هي تبي نتواصل بالرسايل بس أو بالرسايل والجوال، أخوها عطاني رقمها وباركت لها امس ودعيت لها وردت علي وباركت ودعت،،، هناك من قال لا تكثر الرسايل الا بالاسبوع مرتين، يعني أثقل ولا تصير خفيف


النقطة الثالثة، انا أدرس باستراليا وراح والزواج بعد خمس شهور قبل عيد الضحية، وراح أمشي بعد أسبوع، هل أقابلها وأودعها وأعطيها هدية قبل لا أمشي ؟ ولا وش تقترحون ؟

أتمنى بس لو أعرف هي وش تحب يكون طبيعة التواصل،،،، وشكرا لكم ...

ياليت تعطوني أفكاركم وتوصياتكم بناء على ماقريتوه، على فكرة هناك من سيقول كن على طبيعتك، وأجيب نعم أنا على طبيعتي مع زيادة حبتين رومانسية، وليس لدي وقت للتمثيل أو للبطولات الوهمية، لكن أريدكم أن تركزوا على طبيعة التواصل وكيف يكون، وشكراً لكم