هههههههههههههه انشالله ولايهمك
يارب تتزوج بنت اطيب انسان على الامير ويليام ماادري ويلز مااادري وش اسمه يارب ويدلعها الين تخق

بس لاتعمي عيونك الماده عن اشياء ثانيه

ردك صراحه جميل كل واحد يعرف قدره ولاينضر لناس اعلى من مستواه او اقل من مستواه
عشان يرتاح ويريح اللي معاه

اول شي اعوذ بالله من الفقر وصحيح بنت العز اذا دلعتها ماتتأثر وتغثك بس المشكله في اخر كلامك تقولين متعوده على عزة النفس وقت الفقر
مااتوقع انها ببتحمل الفقر يعني الانسان مايدري وش يحصله
قريت مره قصه في المنتدى وحده زوجها غني وشايلها بعيونه وهي من عائله غنيه فجاأه خسر زوجها كل شي وسكت وصبر وجلس يحاول مايبين لها وكانت حامل وانتضر الين ولدت وطلعت من المستشفى ووالده بمستشفى خاص ومتحمل مصاريفها بالدين ويوم طلعت الرجال ماعاد قدر يتحمل مصاريف قالها القصه انه خسر فلوسه بالاسهم قالت له بكل برود انا بنت عز واذا ماتقدر على عيشتي رجعني بيت اهلي اعيش بعزهم
يعني مااسميه زواج هذا ابد هذا مفاخره اجتماعيه وقضاء حاجه بس

اهم شي الواحد مايبعد عن طبقته الاجتماعيه ويتعب روحه مد رجولك على قد لحافك
ورحم الله امرء عرف قدر نفسه وانا مااحب اني اطلب مساعده من احد فمابالك ابو زوجتي
والغني الله

الزواج يجب أن يكون به تكافؤ لنحكم عليه بالنجاح والإستمرارية بعد توفيق الله طبعاً
فالمسألة أكبر من غنية وفقيرة .. المسألة زواج ومسئولية وأبناء أمانة في أعناق والديهم
فلينظر الرجل بعين الحكمة لحياة يريدها أن تستمر إلى الأبد ولا ينظر نظرة قاصرة لجانب ويهمل جوانب أخرى
فالتكافؤ يجب أن يكون في الناحية المادية والإجتماعية والثقافية والعمرية ومستوى التعليم وغيرها من الأمور
ثم يتوج هذا كله بالدين والأخلاق ..

خيتو العقد الفريد كنت بقول نفس كلامتس من ناحية التكافؤ.. يعطيك العافيه

ملامح قمر..يمكن كلامك فيه نوع من الصحه..
بس حتى فيه بنات متعودات على حياة التقشف والفقر..ومع ذلك تستعفف وعندها عزه.. وماتبطر على الخير لاجاها لأنها عارفه قيمته..

تحياتي خيتو..

المال والبنون زينه الحياه الدنيا

ولو تلاحظ تخطب المرأة لحسبها ونسبها ومالها
هاذي من الامور الي تخطب المرأة عشانها بعد الي يناسب ناس جامعين الاصل الطيب والمال
نعمه وفخر ويكفى حتى يكونون خوال عيالك ينشهد لهم بالخير

وطبعا مو شرط ناس اغنياء يكونون طيبين
القصه الي تتكلم عنها هاذي لئيمه مو مسألت انها غنيه او لا فقيره
وكم حرمه كذا تنكرت بعد ماطاح زوجها وكم رجال كذالك
هذا شي في النفس وماله دخل في غنى وفقير

وبعدين المفروض الي يخطب مو بس على وجها اهلها اغنياء او فقراء لا يسأل عن ابوها وامها وخوالها
صح مالهم دخل بس البنت مايطلع طبعها من طبع اهلها

وبالنسبه لعز النفس هاذي شي معروف ولو تبحث في قصص الاولين وكلام الشعراء بتلقى نفس كلامي وبنت الشيخ شيخه

لا تقول جالسه تمدح ومدري ايش مو قصدي شي او امدح فئه معينه
والغنى الله والمال يروح ويجي ممكن تصحى غني تنام فقير وهذا شفناه لكن تكلمت على وجه العموم
وكم ناس ستيرين حال لكن مافيهم مثلهم من اخلاق وعزة نفس وطيب
لكن الموضوع تكلم عن الفئه الميسوره وانا قلت وجهت نظري ويبقى الغنى غنى النفس
والى تتوفر له الظروف بالعكس يسعى لطلب الرزق وماجور عليه
والغنى مو مثل الفقر على قولة على بن ابي طالب لو كان الفقر رجل لقتلته
والاحاديث الصحابه والسير تكلمت عن امر الغنى والفقر. مو مجال لذكرها
والله يرزقنا الرزق الحلال المبارك

__________________

اكيد طبعا عز النفس ماحصرتها على هالفئه
بس قصدي ماتعودت تطلع فقيره وتعودت تكون غنيه فاكيد ماراح تظهر فقرها

__________________

الامير وليام راح علي خلاص
هههههه تزوج كيت
بعدين لاتستهتر بالدعاء 

تراك مستقعد لي وملزم اني مادية واحب الدراهم يعني انت بتقنعني انك ماتحب الفلوس 
كل اللي ابية اني اعيش زي مستوى اهلي او اعلى شوي او اقل شوي مب مشكله ههه
اكيد المادة مو اهم من انه يكون محافظ على الصلوات ومكافح ويتحمل المسؤلية وطيب وحنون واخلاقة وتعاملة كويسين 

ههههههههههه باقي اخوه الشيفه الصغير
وبعدين ماصنفتك ماديه ولااستقعدت لك ماعاش اللي يستقعد لك وانشالله اني اتمنى لك وكل الاعضاء الخير
ومن ناحية الفلوس مو مره لاني عارف رزقي على الله ولاعمري فكرت في فلوس احد او نظرت لفلوس احد

الوالد تزوج الوالده الله يحفظهم من عائله غنيه وعائلت الوالد كانت ميسورة الحال مافعمري شفته طلب ريال منها لنفسه وعصامي بداء من الصفر وهذا اللي تربيت عليه يمكن كون عندي نظره اني اكره اطلب من احد شي

وانشالله ربي بيرزقك ولاكن نصيحه لاتنظرين للي عند الناس سواء زوجك او اهلك ابني نفسك وحاولي تطورينها وكلها كم سنه وييسرها ربك ووقتها تحسين بطعم النجاح صدق وتنامين وعينك تدمع من الفخر بنفسك

اما اللي يتباهى باهله او بزوجته فهذا مااعطيه نقطه احترام لو كان يملك الدنيا ومافيها
ومافيه احلى من دخول البيت وانت هلكان من الشغل لذه مايجربها ولد التجار

كل شى نصيب

__________________