بوح سماوي ..

لي عودة ..


*****************************


فجر الأعياد ..

اميييين ..


*****************************


مارد الجنوب ..

الله يجزاك خير ..


*****************************


شقردية ..

مشكورة يعطيك العافية ..


*****************************


نورة ..

إذا بيعقققدوا لي موضوع الشهادة ، فما فيا الصراحة .. : (
و أنا أكرررررررررررررررررره البرد الشديد ،.

و البكالوريوس في امريكا اسهل من بريطانيا عالأقل ؟
لإنه بريطانيا يركزوا عالكتابة و الريسيرش ، و زوجي مرة في الكتابة سيئ ..

و أوروبا استبعدتها لإنه بس فيها بريطانيا و ألمانيا أظن ..
و ما أبغى أي وحدة فيهم .. ما حبيت الدراسة في بريطانيا ، و حابة أغيـــــــــــــر دام فيه فرصة .. ^_^

و رأيي هو نفس رأيك بخصوص موضوع زوجي ..

بس مين يقنعه ؟


*****************************


كريستالة ..



زوجي مو بيدي امشيه ، و تعرفي إنت الرجال كيف ..
إذا الشي مو براسه ، ما تقدري تغيريه ..



.
.



فمو بيدي أخليه يكمل بكالوريوس ..
و ما عاد يهمني الصراحة .. لإني تعبت معاه في الموضوع هذا ..



.
.



و 6 سنوات ، لإنه في أمريكا الدكتوراة يقولوا 5 سنوات ..
فأنا حاطة سنة زيادة احتمال ارسب لا سمح الله ..
أو امدد عشان زوجي يخلص دراسته ، أو احمل ببنوتة حلوة ..



لإنه كل زميلاتي اللي تخرجوا هذه السنة من بريطانيا، جلسوا فيها 5 سنوات أقل شي
مع إنه الدكتوراة فيها 3 سنوات .. فعلشان كذا بأحط أسوأ الإحتمالات لا سمح الله ..




و بصراحة، ماني مستعجلة على الرجعة بسرعة ..
ما ورايا شي غير الهم إذا رجعت ..

بوح سماوي ..

.
.

كندا ما أعطوني وجه ، بس واحد قالي إنه مضغوط جداً السنة الجاية ..

و تسلمي يارب ، لو تعرفي لي كيف أقدر أقدم عندهم ؟
ماحد بيرد علي .. و لا لاقية أبليكيشن بمواقع الجامعات الكندية ، مادري ليه ؟

.
.

و زوجي خليه بس يحط الدراسة براسه أهم شي ..
لإنه لو بيجي معاي و ما يدرس ، فيجلس هنا أفضل له و أفضل لي ..

.
.

أمريكا مشكلتي معاهم الجي ار اي ، لسى ما اختبرتها ..
و قالولي فلوريدا كويسة و أهلها طيبين ، الله أعلم ؟

,
,

و مو مشكلة بالنسبة لمسئولية البيت و الدراسة ، جربتها و عارفة كيف ..
علشان كذا ماشية على مهلي ، عشان ولدي الصغير يكبر شوي و ما يتعبني ..

و بأستخير دايماً ، بس ما أعرف فين الخير .. و ماني حاسة بأي شي ..

بوح ..

لازم القبول أجيبه من الجامعات العالمية ، و لا ممنوع أروح أكمل ..

و إذا تقدري ترسلي لي معلومات الشخص هذا ؟
عالأقل يكون بيدي شي، عشان في أسوأ الحالات لا سمح الله .. يكون معاي قبول عالأقل ..

.
.

و أنا فضيت حالي الفترة اللي فاتت عشان كندا .. و مالقيت نتيجة ..

دحين بأحاول ألاقي وقت عشان أبدأ أراسل أمريكا ، بس وقتي مرة ضيق مع الصغير و رمضان

/
في جامعات كثيرة ما تطلب جي ار اي في امريكا ؛
و فلوريدا انا بعد سمعت انها مدينة مرا طيبة
/
بالنسبة لكندا اهم شئ ايلتس 6ونص او 7 أو توفل 80 كحد أقصى < شرط أغلب الجامعات
وفي اختبار ثاني مرا أسهل منهم هو اختبار كندي اسمه CAEL
أنا هنا أتكلم ع الجامعات عالية المستوى وعالمية و اللي في قائمة 500 جامعة
إذا حابة اعطيني تخصصك و انا راح أبحث لك و أشوف لك اش الجامعات اللي فيها تخصصك + متطلباتهم

/
و إذا حابة تبحثين بنفسك شوفي دا الموقع بس للجامعات الكندية
http://oraweb.aucc.ca/dcu_e.html

مراسلة الجامعات الكندية عن تجربة مرا متعاونين ويردون على اسئلتك و إذا منتي موافقة شروط البرنامج تبعهم بعد يقولون لك
امريكا نفس الشئ انا راسلت كذا جامعة و لقيت منهم رد بس ما كملت معاهم ..
أهم شئ المتابعة أول ب أول
بالنسبة للأبلكيشن ممكن تلاقينه في خانة الأدميشن و بيقولك عادة Apply now
بس أهم شئ تنتبهي للديدلاين تبع الجامعات متى يبدأ لأن في جامعات مرتين بالسنة في جانيوري و أغسطس و في جامعات 3 مرات بالسنة ..

و أي سؤآل أنا حاضرة ..

__________________

-
يَاربِ تمّم بالفَلاحِ مَسيرتي ..

و أرسلت لك الشئ الثاني على الخاص إن شاء الله يوصلك من الإدارة

__________________

-
يَاربِ تمّم بالفَلاحِ مَسيرتي ..

تسلميييييي عزيزتي بوح ..

بأشوف الموقع ، و تخصصي موجود بأغلب الجامعات برضو العالمية ..
بس الطريقة شكلها مختلفة عن بريطانيا ..

لإنه بريطانيا كانوا يردوا علي بسرعة ، و جبت لنفسي قبول من عندهم من جامعتين ..

.
.

و بالنسبة للأيلتس ، فيه جامعة أمريكية زمان وقت راسلتهم ..
قالولي دام متخرج من بريطانيا ( جامعة انجليزية ) فما يحتاج درجة الأيلتس و لا التوفل ..

و تسلمييييييييي لي يارب ..
راح أحاول و لو احتجت شي بأرجع ^_^

شقردية ( مساءك عسل و ياسمين ) ..
بس الرابط ما يشتغل اللي ارسلتيه لي تبع بوح سماوي .. ^_^

بوح ، جاتني الرسالة بس ما قدرت افتح رسالتك ..
بيحولني على صفحة ( تنبيه إداري ) .. : (

صح ي روح اذا دراستك في الماستر ب الأنقلش ما يطلبو درجة انقلش
بس ما أدري إذا هذا ينطبق على كل الجامعات أو لا ما أعرف و الله ..
ارسلي لي تخصصك اللي حابة تدرسيه بالدكتوراه ع الخاص و أنا راح أبحث لك في الجامعات المعروفة
وراح أشوف متى يبدأ التسجيل عندهم و هيك .. و أرسلك الروابط تبعهم ..
/
اللي ارسلت لك ع الخاص ايميل
ارسلي استفسارك على صاحب الايميل و هو راح يرد عليك
/
الله ييسر أمرك ي غلاي .. و يجعل رمضان بركة عليك يا كريم ..

__________________

-
يَاربِ تمّم بالفَلاحِ مَسيرتي ..

مسى النور والعافيه

شيكي على الرسائل ..

__________________

تسلمي لي يا شـوشـو ..
وصلت ..

و الله يجزاكم كل خير إنت و بوح ..