هل استطيع نسيان رجل احبه بجنووون؟؟ مشكلتي الحزينه
بسم الله الرحمن الرحيم ..
السلام عليكم ورحمة الله وبركاته ..
معليش بتكلم بمشكلتي على طول مابي اطول بمقدمه وبختصر قد ماقدر .... ان شاء الله يكون هذا القسم المناسب لمشكلتي ....
ابي أخذ اراءكم الله يجزاكم خير لاتقصروا معي بنصايحكم ,, اقنعوني وجهووني وين الصح وش الخيره لي ,,
انا حالتي باختصار<<وضعي مع خطيبي السابق ..>> ذكراه ماتفارقني بصحوتي ومنامي ...
^
^
^
انا حزينه على نفسي كثيييييييييييييير ... قاعده اتعذب بكل شي .. يارب لك الحمد بس ..
مابعترض على قضاااء الله الحمدلله على كل حال حياتي كلها ضيقه من يوم انخلقت .. بآآآآآآآآخر المطاف حبيت واااااااااحد بجنووون وابتعدنا وترك لي ضيقه جديده بحياتي شغلتني عن جميع همومي وصار فراقه همي الجديد..
حتى بعد مافترقنا كنت ادعي الله يجمعنا ثاني كنت اتمنى معجزه تنزل من رب السماااااء ونجتمع تاني رغم انه خلاص فارقني,,
ولازلت ادعي له بالخييييير ومانساااااااااااه ابددددد, حتى الصدقه اذا اتصدق عنه وعني <<والله احبه بجنووون ومابي انسااه بشي اخاف عليه , وادعي ربي يهديه دايم حتى لو ماتزوجنا في الدنيا يمكن نجتمع في الجنه .... ((لاتقولوا عني مجنوووووووووونه)) انا راضيه كذا,,
الحمدلله الذي هداني اليه والتزمت (ورب ضاره نافعه ) ..
سبب فصخ الملكه فجأه قآلي انه بيتركني عشان مايبي يتعبني معااه واني استاهل احسن منه ومايبي يعذبني معاه ,, وهو مر قبل كذا بتجربة زواج فاشله وخايف من الفشل ثاني ... صدمني هذاك الييوم بأسبابه مع انه يحبني ومتأكده منه..
وهذيك الفتره صارت مشاكل بيننا وانا ضيقت عليه وتطور الوضع بيننا لين ماوصل بنا الحال كذا ..
ومع الايام عرفت من الناس ان وضعه المادي سيئ ...<
ظروفه الماليه جدا سيئه وهذا سبب تركه لي طبعا هو حاول يبين انه قوي وان مو بسبب وضعه المالي تركني ,,<< علما انه بطبعه مايحب يبين انه محتاج او مطفر .
بعد عدة اشهر .. بعد عذااااب .. كلمته وقلت له انا تعبت مو قادره انساك وانت دمرتني ورحت .. مع انه كان يتصل علي من فترات واطنشه احسب اني قويه واقدر انسى ..
والله حآولت كثير انساه حآولت بكل الطرق بس فيه فايده .. شكله قدري المحتوم اللي مافيه مفر ولا مهرب منه ... احس ماعاد اشوف غيره بعيوني الرجال كلهم ولاشي قدامه ,,,
انا محتاره بوضعي !! هل انا مسحوره او مجنونه ؟؟ ليش احبه كذا ..؟ انا قبل مااعرفه ماكنت احب ولا اعرف هالشعور ..!
لما كلمته قالي انه يتعذب بعدي ودايم يناظر صوري عنده وماقدر ينساني وحاول بس ماقدر ومستعد يسوي أي شي عشان نرجع لبعض بس خلال هالفتره مايقدر قال بعد سنه بعدين قال لاتنتظريني اذا جاء نصيبك روحي الف رجال يتمناك اصلا !!!!!!!!!!!!!!!!!!!!!!!!!!!!!!!!!!!!
((طبعا اكيد عشان ظروفه الماليه وهو مايبي يعترف انه مفلس , وانا ماقدر اذل نفسي له اكثر من كذا؟ لو كان طلب مني ان نلغي حفلة الزواج والمظاهر الكدابه دي كان ضغطت على اهلي ووافقت اهم شي ابقى ممعه .. بس صعب اقول هالكلام له )) المفروض هو يحاول مو يتركني للهم والاحزااااااااااان والذكرى .. كل يوم ونا ابكي تعبت !
بالنسبه لوضعه\\ مطلق وعنده بنتين شغله اعمال حره يعني مو متوظف صاحب عمل حرفي ومبدع في شغله لانها هوايته وماكان ينقصه شي . بس طليقته الله لايسامحها اخذت كل اللي وراه وقدامه خذت منه مبلغ مرره كبير وفلس طبعا (بسبب معاملات واوراق كان موقعها لها خاصه رصيده كانت تقدر تسحب منه بدون اذنه , المهم استغلته اسوؤ استغلاااااااااااااااااااال وسوت كب شي عشان تضره بأي طريقه ونجحت للاسف ..!
هو بطبعه طيب جدااااااااااا وهذا هو اللي ضيعه .. عشان كذا طليقته غدرت فيه ببساطه بعد ماملك علي بدأت تسوي كل شي عشان تخرب حياته وحتى وصلت مشاكلها للشرطه وحاولت تسجنه بـأي طريقه .,
وهو ساكت مع انه يقدر يرفع عليها كم قضيه بس يقول مابي عشان بناته !!!
المهم \
انا محتاااااااره منهاااااره واستخرت لقيت نفسي تعلقت فيه زيااااده اكره كل الرجال بعده مااتخيل نفسي اتزوج غيره ...
نفسي اعرف نهايتي معاه مدري اقدر انساه ولا لا؟؟ علما ان صار لنا مفترقين اكثر من 6 شهور .كلمته خلالها مرتين بعدين تبت خوف من الله ماابي طريق الحرام استغفرالله العظيم واتوب اليه ؟؟
ضآآآآآآآآقت ضآآآآآآآآآقت ضآآآآآآآقت
ياااارب عسى فرجك قريب
مدري اش خلاني اكتب بس من زوووووووود همي ابي افضفض واول مررررره افضفض ادري انكم مابتخيبوني وفيكم الخير الكثيرررررررررررررر الله يجزااااااااكم كل خير@
<<فضفضه مخنوووقه
^
^
^
آآآآه علمني حــبــــــكــ أن أحـــــــــــــزن ,,
*معليش كلامي مو مرتب .. الألـــــــــــــــــــــــــــــــم فيني اكبر من اني اكتبه في سطوور ..
10-08-2012, 07:42 AM
ضوابط المشاركة
العرض الشجري