أنا وولد عمتي .. إلى أين :( مشكلة حُب - الصفحة 2

21-08-2012, 09:49 PM

عضو جديد

تاريخ التسجيل: Aug 2012

المشاركات: 11

أنا وولد عمتي .. إلى أين :( مشكلة حُب

السلام عليكم ورحمة الله وبركاته

أولا لازم أعرف بأعمارنا أنا عمري 16 و عمر ولد عمتي 14 يعني الفرق بيننا سنتين وأنا أكبر منه بسنتين ..

مشكلتي بدأت بإني أحبه

إيه للأسف إني أحبه .. أنا معروف من أكبر المعارضين للحب قبل الزواج لكن شسوي وقعت فيه للأسف .

تتوقعون يقولون يمكن يتميلح لا ما يتميلح بالعكس اللي يتميلح أنا أكرهه لكن هذا ما تميلح

أعجبني فيه كل شيء أسلوبه شخصيته و حتى لبسه كشخة و مزيون

أنا قبل فترة قبل كذا سنة أضفته على المسن حقي .. وقتها كان بزر يعني عادي .. للأسف إني تعلقت فيه << وبعد كذا ندمت أضيف شباب حتى ولو كانوا بزران

وكنت أحبه وكنت كل يوم أتخيله وهو معي .. وإذا شفته لازم أنسى الدنيا .. لو قالوا أسمه أصير صنم لمدة دقيقة < يعني مستحيل أتحرك

وإذا شفته عيني بعينه كنت أحس أن قلبي راح يروح فيها يعني النبضات جداا سريعة أحسها ..

حتى لو أشوفه تتحرك عيوني يمين ويسار وفوق وأعلى وهكذا ..

ما أقدر حتى أتكلم .. هذا لو شفته فقط .. يعني أنا أموت فيه

وبعد فترة قررت لازم أصارحه بالمسن .. قلت له تحب فلانة ( فلانة وحدة من قرايبنا ) قال أنا ما أحب أحد

وكذا سألته كذا مرة وبالنهاية يقول ما أحب أحد .. نسيت إني أقول حافظة صورته عندي في اللاب توب كل فترة أشيكه .. وإذا أشتقت له أشوفه

بعدين قلت له أنا أحبك وأبغاك تتزوجني .. عاد هو طبعاً قام يصرف يقول ما يصلح أنتي أكبر مني ما يصلح أتزوجك ..

< يعني تصريفة

وبعد فترة رسلت له رسالة قلت له تتوقع كيف مكانتك عندي ؟قال إيه كيف مكانتي عندك ؟تذكرت أهلي قلت لازم أفتخر بأهلي مو كذا أقول له أحبه وممكن لا سمح الله يلعب فيني

طبعاً رسالة إيميل للكل ..

سكت قلت له وش رأيك يعني وش بيكون قدرك عندي ( أخاف أقوله أنا أحبك وأبتلش فيه ويستغلني وبالنهاية تصير قصصي مثل قصص الإنترنت وإن قلت لا بيقل قدري عنده فما راح يفهم اللي أقوله )

وكذا صرنا ما نكلم بعض بس فقط بيننا رسايل ..

خبرت أختي بهالكلام ما قالت شيء فقط قالت كلام عيب وكذا وبجد حسيت فيها وقتها إني عملت مصيبة .. وبقيت أيام أظل أنا حائرة أحتقر نفسي جداً كلما تذكرت هذا الموقف لأني قلت له أنا أحبك .. ما عمري قلت للشباب أحبك إلا محارمي طبعاً مثل أبوي وأخوي

ووقتها ما طلعت كلمة أحبك لأي أنسان أو جماد أو أي شيء حتى البنات اللي عادي أقول لهم أحبك ما قلتها ..

ومضت أيام وقلت له أنت مغازلجي وهو يقول لا لا لا أنا مو مغازلجي .. قلت إيه كلام الناس يقولون إنت مغازلجي .. ( و بصراحة ما سمعت من الناس كلام بس كذا أبي أشوه سمعتي قدامه علشان يحسب إني ما قلت شيء )

وبعدها حذفني من المسن .. ومن يومها وأنا حالتي مو طبيعية .. دايم أسرح فيه .. لو ناداني أحد ما أرد عليه لأني مشغولة فيه

وصرت حتى أحب أمه اللي هي عمتي وأبوه اللي هو زوج عمتي .. صرت أحسهم ملائكة

بقول لكم بعض الأشياء الحلوة اللي خذته منه.. هو يقول صلي بوقتها .. وأنا فعلاً كنت أصلي بوقتها لأن الكلمة كانت منه ولو أحد قال لي هذا الكلام أي أحد مستحيل أصلي بس هو قال لي صلي وأنا صليت وصرت أصلي فترة بسببه.. والشيء الثاني مرة قال لي شدي حيلك بدراستك فعلاً وقتها شديت حيلي وحاولت وحاولت وحاولت إلى ما طلعت روحي في المذاكرة والإختبار وعصرت مخي .. ما أذكر بصراحة إختبار شديت فيه حيلي كذا

وبعدها بفترة عرفت إنه ما يحبني .. بل يفعل هكذا ليجاريني .. وعرفت إن البنت اللي يحبها

هي وحدة من قرايبي .. وبصراحة ما أنكر حسيت بالغيرة .. بس برضو كنت لازم أدوس على كرامتي عشانه .. فكنت إذا شفت اللي يحبها لازم أحاول إني ما أبين شيء لو شفته ولو قالوا طاريه أحاول إني ما سمعت شيء علشانه هو بس

كنت ما أبي أخرب علاقتهم مع بعض وأحاول إني إنسانة عادية بس عادي عندي هو .. علشانه بس ..

وكنت أحبه أشوفه فرحان فأكيد هو بيكون فرحان معاها

والمصيبة والمشكلة الأكبر ::

عرفت إنه يحبني لكن ذلك كان قبل فترة كبيرة يعني قبل سنوات كثيرة .. و أنا ماكنت معطيته وجه .. يا الله أستحقر نفسي كيف كنت كذا .. صرت أبكي بسببه ..

كنت كل يوم قبل ما أنوم أبكي على وسادتي وصرت أحلم فيه بشكل مو طبيعي ..

صرت أحلم إن عندنا أولاد وأربيهم وأسويلهم كذا وكذا وهو زوجي المستقبلي < طبعاً هو منام يعني رؤيا

لكن ذلك من حديث النفس ..

وش أسوي مستحيل يكون من نصيبي للمشكلات التالية :

1 - فرق السن بيني وبينه أنا اكبر منه بسنتين

2 - هو يكرهني وقلبه معلق بغيري ..

وبسسس وش أسوي معاه أبي أنساه كيف ؟؟

والله إني للحين أحبه حتى لو إنه يكرهني ..

وكل يوم أفكر فيه وأحلم فيه وأبكي بسببه

خصوصاً بعد ما عرفت إنه كان يحبني أول والحين لا .. قسم بالله ضاقت فيني الدنيا ودي أبكي

وبس

نسيت أن أخبركم إني أدعي بالصلاة أن يكون زوجاً لي بالحلال ، فأنا لم أتخيل شخصاً آخر مثله بعدما بنيت كل حياتي بعد الزواج عليه ، ولا أتخيل أن أكون مع زوج آخر وأنا كل يوم أتخيل بأن يكون زوجاً لي ، فلذلك من الصعب أن أتخيل شخصاً آخر غيره .

وشكرا

التعديل الأخير تم بواسطة مُشْكِلَةْ ’ ; 21-08-2012 الساعة 09:59 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه